Фемина готвач - Тема: Mесо во сос

сигурно, пробај. Јас истото го мислев за следен пат..да испечам вака тиквици,чак и без кашкавал,само поховани со истото ако правиш со кашкавал, во исклучена рерна стави ги сендвичињата. Она веќе ќе е топла, не ти треба многу, само да се растопи кашкавалот.

Давај, Лили. Не забушавај

 

ма никако, после твојот специјалитет не планирам да се брукам

 

И јас,имам модар ама не е за сликање,после Жабата нема шанса

 

@SofiMar_ , давај тема

 

Честитки Жапче, сосема заслужена победа, направено со многу внимание, посветеност, жар, елан и многуу љубов.

 

Дајте теми

 

Може намази за лепче? Или рецепти со јаболко?

 

намази..

 

Модриов патлиџан стана црн и овена од стоење у темава.

 

Намази е новата ама скапаа намазите

 

Ајде тогаш рецепти со јаболко, дај нека живне малку темава.

Сменете називот

 

Барем ајвар да ставеше некој.

 

Јбг..на тие ајвари овој период..

@RainBow

Убава тема.. или рецепти со тиква исто есенски се

 

Темата за рецепти со јаболка е еден од предлозите на @SofiMar_ како победничка

 

Пита со јаболка

Пандишпан:

4 јајца
16 л.шеќер
16л.брашно
16 л.масло
16 л.млеко
1 пециво

За фил:
1 кг рендани јаболка -се динстаат на пареа со 2 л.масло од тиква и 2 ванилин шеќер.

Се матат јајцата и шеќерот па се додаваат останатите состојки.
Половина од смесата се става во тавче и се пече 10 минути на 180 степени.
Изладениот фил се додава одозгора врз запечениот пандишпан,па остатокот од смесата за пандишпан.
Продолжува да се пече на 180 степени уште 30-35 мин-дури да порумени.

 

Колач со јаболка

Состојки:
2 јајца
100гр шеќер
1ванилин шеќер
100мл зејтин
100мл млеко
40гр растопен путер
14лажици брашно
1пециво
2 јаболки
1 лажиче цимет
Шеќер во прав за наросување

Јајцата се матат со шеќерот и ванилата. Кога добро ќе се изработат се додаваат млекото, зејтинот и маргаринот. Се меша убаво и се додава брашното со пецивото и циметот. Кога сето добро ќе се соедини се става во тавче/куглоф намрсен со маргарин. На крај се додаваат јаболките, претходно исецкани на коцки, а може и рендани.
Го печев на 180 степени околу 40 минути. Кога е готов, се остава да истине и се наросува со шеќерот во прав.
Убав и брз колач, и не беше многу благ.

 

Колач со јаболко и цимет.

Се рендаат 5 јаболки и се оставаат да стојат 1 час со 1 пакетче ванила, 1 лажичка сода и 2 филџани шеќер. Јаболките ке си пуштат сок. Потоа се додава пола филџан зејтин, 2 лажици какао, цимет, 1 пециво и брашно по потреба (околу 4 филџани). Се меша се заедно и се пече на 180 с.

 

Торта со јаболка
Пандишпан:
6 јајца
6 лажици шеќер
8-9 лажици брашно
Половина прашок за пециво

Фил со јаболко- 5-6 поголеми јаболка излупени и исчистени се сечат на поголеми парчиња, се става 200мл вода, шеќер по вкус (зависи от тоа колку се благи јаболката), ванилин шеќер и се пржат. Откако испари течноста се ставаат и 3 лажици густин и се трга на страна да се излади.

Фил со пудинг-во 600мл млеко се варат 2 пудинга и се тргаат на страна. 1/3 маргарин кристал се обработува со шеќер во прав (ако не е доволно благ пудингот) и се соединува со него.

За премачкување-шлаг пена

Бидејќи пандишпанот ми излезе потенок, над филот со јаболка ставив и еден ред бисквиди претходно потопени во ладно млеко.

 

Меден колач со јаболки од @daveskitchenofficial

 

Ле француска пита со ле јаболка


За тестото:

- 300 гр. брашно
- 1 лажиче ( без лажичето ) прашок за пециво
- 1 јајце
- рендана кора од 1 лимон
- 150 гр. шеќер
- 150 гр. путер
- прстофат сол
- малку ладна вода ( по потреба )

За филот:

- 500 мл. млеко
- 2 јајца
- 4 лажици шеќер
- 2 лажици густин
- 1 кесиче лимонтус ( у оригиналниот пишува лимон шеќер ?? )

За одозгора:

- 3- 4 јаболки
- 3 лажици шеќер
- цимет


Подготовка:

Во оригиналниот рецепт се цепидлачи со ова или она посебно се микса и мати, а јас како нетрпелива и без многу време на располагање, тоа состојките за тестото сите ги ставив заедно,ниту миксер и мучкање посебно јајца бла бла....замесиш ронливо тесто ( ако се лепи ставиш малку брашно, ако не се соединува, водичка ладна ). Замоташ у фолија тестото и на одмор у фрижидер 2 часа.

Во меѓувреме се прави пудинг од состојките за филот. Се загрева млекото, се мучкаат заедно јајцата, шеќерот, густинот и тоа лимон шеќерот и се додаваат во млекото да се згусне како пудинг.
Се остава да се лади.

Јаболките се лупат и чистат, се сечкаат на половинки, чевртинки, па на ливчиња.
Се ставаат во сад да се продинстаат без ништо да се додава, па потоа се става шеќерот и циметот и се крчкаат едно 5 мин.


Се вади тестото, се растегнува на тепсија за тарт и на ивиците да се порамни, се боцка тестото, се става оладениот пудинг на него, а одозгора се редат јаболката и пак се посипува со цимет.
Ова е за тарт тепсија 26 см. Се пече на 180 Ц едно саат време, ако е јака рерната ко мојата, по пола саат, намалете на 150 Ц . Се посипува со прав шеќер кога ќе се олади ( јас заборавив ).


Ауууу ..што СЕ напишав !