Фемина готвач - Тема: Mесо во сос

Да ми дадеш рецепт од тортиљите плис.

Сеа со ова сликиве ич да не се мачам а?
Не бе у заден момент ќе сликам и јас. Тактика мора, се на политика се тера.

 

@Eli23 рецетата:
400гр. брашно
20гр квасец
250мл млака вода
2лајци масло
1лајче шекер
1 лајче сол
Откако ќе нарасне квасецот , го зафаќаме тестото и одма го делиме на 6-7 топчина.
Топчината(нека бидат поголеми) ги оставаме да киснат 15мин.
Потоа ги сучиме и во тавче за палачинки ги печиме по 2 мин од двете страни и ги оставаме во најлонска кеса за да останат меки.

 

Spoiler: Рецепт

тврдо варени јајца, краставица и домат

 

Охрицки хумор ова, Бубале, а? Вака море им прајте на Скопјани. Разбуричкај по тоа пајнцата..нареди две крастајци, две јајца и земи им пет стотки.

 

Омлет, ама само со јајца и зачини.
Во пржењето ставам рендан кашкавал, и откако ќе го извадам од тавчето, уште малку кашкавал и го преклопувам.

 

Мислам дека @referentka никој нема да ја надмине овој пат. Одлично изгледа.

 

Полнети јајца

Spoiler: рецепт

се земаат две или три или колку сакате јајца, во мојот случај се јајцата што ми останаа од Велигден па да ги искористам, се отвара горе како капа, се вадат жолчките, се гмечат и се мешаат со две лажички мајонез, се додава ситно сечкан кашкавал и ситно сечкани кисели краставички, со оваа смеса се полнат белките , и се затвора со капата од белка, се става очи од црн бибер, и нос од морков, другото се е декорација, кој како си има желба..

 

Може со ваква слика да ве дружам? Јајцето не е најдоминантно, ама го има во комбинацијата

Свежи тортелини со печурки, серано шунка, рукола, борови семки и тадаааааммм --> поширано јајце!

Spoiler: Рецепт

Нема некој посебен рецепт Свежите тортелини (купечки де) се полнети со печурки. Ги варам во бујон од разни врсти печурки. Сервирани заедно со малку од бујонот.
Пропржувам кафеави шампињони на путер. Додавам серано шунка, свежа рукола и боровите семки. Зачини по вкус.
Јајцето го поширам според првиот начин објаснет од Џејми Оливер, директно во вода.

 

Еее... Ова се јајца ... Се гледа и бело и жолто

Тава спанаќ со јајца на „око“

Spoiler: Рецепт

Се пропржува кромид со морков, се додава малку ориз, сецкан спанаќ, зачин и црвен пипер. Се пече , а пред крај се додаваат јајца!!! Едноставно, лесно, а превкусно!!!

 

Со @Mekuska сме имале слична идеја, само моиве се грдички со огромните очи.



Полнењето е со пасирани жолчки, павлака, сенф, и сирење. Мајонез не сакам, па не ставив. И моиве се велигденски, се гледа дека се малку поцрвенети белките.

 

Фритата а ла Жабетинка
(кубајаги, шпањолски омлет)
сус варени компири /пропржени со сирење и павлака/, кулен и зеленчуци /пропржени на масло: морков, пиперка, млад кромид/. Због декорација.. нафрлени, сецкани маслинки и малку магдонос.

Колку да учествуваме, да не брмбориме само (да не нé караат).

Spoiler: рецепат

Состојки:
3 јајца
3 мали сварени компири
малку сирење
3-4 лажички павлака
кулен од око
4-5-6 маслинки
1 морков
1 зелена пиперка
1 младо кромитче

Компирите се варат и се сецкаат по желба. Во мојот случај, исецкани се на тркалца.
Зеленчукот се пропржува на масло, одделно. Еден морков, една пиперка...исецкани на ленти се пропржуваат со едно младо кромитче на тркалца. Во нив се додава и исецканиот на ленти кулен. Штом се запржат зеленчуците и куленот... тавата се трга од оган.
Во друга тава во која ќе се прави фритатата (во мојот случај тавчето е како за палачинки) се пропржуваат тркалцата варени компири. Се вртат од обете страни. Им се додава сирењето за да се растопи. Потоа се додава и павлаката. Јајцата се матат со малку млеко (може, а и не мора) и магдонос (може а и не мора) и се полеваат врз компирите..убаво да се покријат. Одозгора истурете ги зеленчуците и куленот. Распоредете сé рамномерно. Намалете ја температурата, за да не ви гори дното на фритатата. Протресувајте ја повремено тавата за да се разлејат јајцата и изедначи смесата.Можете да ја покриете со капак.Штом е готово можете од горе да нафрлите малку издробено сиренце, малку магдонос. Фино ќе ви дојде со прелив од павлака (+/- мајонез).

И дојде и тој ден... за прв пат во мојот... долг.... три деценисики и плус - живот... јас си ја сликам храната.
Од денеска, луѓево во куќава..не ме гледаат повеќе со истите очи.
Бон апетит сењорас и сењорес.

 

Жабо прости ама јас ништо не гледам.

 

Кој не гледа, нека да не гласа.
-Кампања за избори: јајца 2016та.

 

Ам стварно магливо е или кај мене не покажува?
Не ми е цел да те напаѓам мори.

 

Па не реков дека ме напаѓаш,аман, Галабо.
Јас таква слика си избрав за моето прво учество во натпреварот. Немам амбиција да победам... туку, да добијам само право да дрдорам во темава, без да ме подзакаруваат.

 

Епа Жабо, добредојде у готвењето Редно беше хаха

 

Пченкарната земичка беше убава и мека, но стана жртва на една амбициозна домаќинка која откако и го отсече горниот дел како капаче, ја извади меката внатрешност и ја даде на кучето.
Потоа празнината ја исполни со сецкан кашкавал, сланина и едно убаво јајце. Додаде зачини и задоволно ја стави земичката да се потпече. И тогаш работите трегнаа на лошо. Сланината и земичката добија убава боја, но јајцето немаше абер од печење. Интервенираше со фолија, но залудно. Свекрвата на амбициозната домаќинка парадирше наваму-натаму како мачка, настојувајќи да дознае што ли овој пат смислила нејзината снаа позната по своите кулинарски експерименти со успех 50:50.
Резултатот можете сите да го видите. Крцкава (ама многу крцкава) надворешност и сочна внатрешност. Вкусно, но нема да има втор пат.

 

Полнети пиперки со изварка зачинета со буковска пипер, пред сам крај на печењето полеани со матени јајца и повторно со изварка... Ништо комплицирано, брзо за подготовка, а воедно и превкусно... Денес со додаток таратор, ми е едно од омилените пролетни/летни јадења...

 

Јас не ве дружам со слики, туку со коментари Oвој пат мора да ве пофалам сите, позитивно сум изненадена од досега постираното Иако претх. мислев дека темата Тиквици ќе биде врвот во креативноста, малку бев разочарана, а пак за оваа тема мислев се велигденско ќе се постира, но ептен мило ми е што сум била во грешка You go girls! Неверојатни сте!

 

Преминавте сите во слико....јас сега ќе си муабетам.
Кој ќе ми забрани....
Ја нема Данка да стаи нешо.
И Анел исто.

Ај јас може утре ќе се намачам со некој рецепт.
Море само ќе ги изматкам и ќе фи понудам за пиење. Гратис и тоа. Јас живи јајца не пробувам.