Абе луѓе џабе се објаснувате. Некои работи што ми се имаат случено да ги кажам сега во два потега ќе го побијам, но не сакам зошто прво многу ме болат а второ зошто не сакам мојата болка да си ја вадам на површина за да докажувам поента на некој со такви ставови како Витали. Но, ќе кажам некои други поопшти работи од мојот живот. Јас имам доста големи гради, особено последниве години откако се поправив и јас што и да облечам, изгледа "вулгарно". Во глобала носам широко, не е тоа намерно туку најкомфорно и убаво се чувствувам така, но градите пак многу ми отскокнуваат. Да облечам кошула значи нормална величина напоменувам, не тесна, не широка и абе едното копче од горе да го откопчам, толку ми се истакнуваат градите и одма паѓа погледот таму. И сум имала случаеви, да ме довикуваат по улица колкави "цицки" имам и да ме следат. Сум се шетала со блуза и џемпер одозгора, поминуваше една кола покрај мене, отвори типот прозор и почна да ме дрпа за ракав и да ми отвара врата и да ми вика - влези, влези. Јас значи треба не знам со каков најдебел џемпер и мантил да се покријам за јас некого да не испровоцирам пошто имам гради и изгледаат провокативно.. што под зборов не знам ни што се подразбира веќе. И не секоја девојка има шанса да некој ја испраќа до дома секогаш, ќе се враќаш ноќна смена од работа и секогаш ќе мораш придружба да имаш? И да сакаш не можеш. Луѓе, силувања се случуваат и на светло и на темно, некој у сред бел ден може да те внесе во кола и да те однесе негде, мене и другарки закопчани до гуша не следеле и ни се ставале, аманте со тие приказни да не бидете провокативни. Срамота. Да не дишеме ако не. Како сакаш сврти ја, силувачите испровоцирани од нас се, ние криви испаѓаме во крајна линија, така му доаѓа.. Мајндфак. Едит. А вакви работи ми се имаат случувано од 12-13 години, значи дете сум била, летно време 13 години имав се враќав од шетање со другарка ми, и фала богу 40 степена сум си носела шорцеви или сукња не се сеќавам (не ми се верува дека се објаснувам) и еден ненормален неколку години постар од мене ми се закачи на сред улица, ме следеше до мојата улица, мене срцево почна да ми тупоти и мавнав спринт до дома, немате поима како сум трчала, срцево во петици ми отиде. Овој почна да трча по мене, почна да ме стига и да ме фаќа за рамо, за рака да ме застане. Ќе умрев од страв, одвај се спасив. Абе да не сум слушнала провокации, провокативна, ало бе 13 години дете бев, шорцеви сум облекла на 40 степени. Пу бе!
Ајде уште еднаш да ја цитирам фамозната реченица. (Филозоф да беше, немаше толку да му ги цитирам „мудростиве“). Пишува ВИ сметаат. Значи на жените ни сметаат, нему не. Тоа што кажува за неговите ставови, на која страна на паричката е? Не знам како некој кој верува во праведно, родово еднакво општество би си дозволил ваква реченица. „Заштита“ на жената преку создавање на норми на однесување и облекување, двојна виктимизација. Кај што сме свиркани, довикувани, допирани без прашање, па сеа уште да се буниме на такво „внимание“. Ни во спиење да прашаш вистински феминист, нема да ти изрецитира ваква глупост.
Ќе го споменам вознемирувањето на социјалните мрежи. Таму уште повеќе има вознемирувања отколку во живо затоа што порака може секој да ти напише. И прочитав зошто сме следеле манијаци. Ние не следиме манијаци, туку буквално секој може да ти пише порака. Јас не одговарам на таквите пораки и еден ми пишува 'Да не си п***р, а се правиш женско? Ако е така, тогаш бесење на плоштад!' поради тоа што гледа дека не му одговарам. А човекот татко можеше да ми биде по годините. И праќањето слики од 'алатите' без да се побара. За мене и тоа е еден вид силување, за вас не знам. И повторно, не сме ние виновни за тоа што манијаците се гладни за 'п******е'. @Purplelilac имам прочитано и дека вистинскиот маж не бил феминист. Се знае од кого ја прочитав оваа 'мудрост'.
https://l.facebook.com/l.php?u=https://press24.mk/preplashena-majka-ochajno-bara-pomosh-vo-smrtna-opasnost-sum-nikoj-ne-prezema-nishto?fbclid=IwAR29tA_OJV-qx4QYGDKAGHAWTCZUbNezd7vTtbqH21yw8EyXZTM98ZBuULg&h=AT0elWX7Bu45_FswiiRYw7c09HUKWSqDYtsGYP1M7hEJY2ZMxeQjxYm3jOlbIRXj7SQTG_6ikQrzVdcq-wF-wvhjiqMCOknOMT5d4_bRmVd_giK8kKhNO87yexInvIhZOMTZ&__tn__=H-R&c[0]=AT1EWGUsuhQ08RriTt3uI6uUSxlFaePN6odRP4dDc41YaVzPE3UQGUIEhGtoM38g7tOOWPXeq9ipsHukkiGGl_mSptWJsyzKvCRHdti3HuDmKXJZ5Sc38obDMzdE2grUxKl-Pz2XiLRyvrtMECFKxiOzc0n9dkxye77HxRDHiS24Ip3v5SpnlfuP_6MHBVLoAqs0paUdjpxG6w Не знаев каде да го ставам линкот, па затоа решив овде. Ако е надвор од темата, нека биде преместено мислењето во соодветната тема. Оваа жена утре може да биде дел од црната статистика. Се' додека владее мислењето дека феминизмот е bull***t и дека феминистките напаѓале бремени жени, мајки со деца и мажи, ќе се случуваат овие работи. Ако имате вакво размислување, тогаш не знаете ништо за феминизмот. Да, овие работи се случуваат токму на тие места во кои владее ова мислење. Не дека во западните земји нема такви работи, ама таму таквите добиваат најстроги казни. На ланскиот марш за 8 март имаше парола „Фемицидите се убиства, а убиецот не се казнува“ и навистина е така. Така е и со жената од линкот што го ставив. Многупати пријавувала во полиција, а тој по кратко време си шета на слобода.
Вистина било, без машкиот член ни подзамрела темава Мислам овде го праевме муабетов- апдејт за абортусот во Полска https://www.bbc.com/news/av/world-europe-55279167 Си го изгласаа законот, протестите за џабе Кој век рековте сме и на каде оди светов?
И пак, се збркав со линковите https://www.bbc.com/news/world-europe-55838210 Значи во сила од 28 јануари 2021. Претходниот ,,лабав,, закон, дозволувал абортус во случај на малформации на плодот. Е нема више
За Полска, не знам што да кажам освен дека е лоша држава за жените. Виетнам што е комунистичка земја е подобра во тој поглед. Патем, во Ел Салвадор девојка која извршила абортус затоа што била силувана била осудена на затворска казна. Во однос на линкот што го ставив, ќе кажам дека кога жената ќе си го убие сопругот, добива построга казна од мажот што го направил истото на својата сопруга.
Се зачитав во темава и зажалив. Отсекогаш ми биле најјаки мажи со советчиња за облекување, за облека со анти-силувачки својства. И имам две работи да кажам на таа тема: 1. Изгуглајте колкав процент на жени што биле силувани биле облечени провокативно. Хинт: мал е. 2. За жал сите знаеме. Од мали ни се зборува тоа, нема жена што барем еднаш во животот не добила во најмала рака КОМЕНТАР за облеката. Нема потреба маж да не ЕДУЦИРА како безбедно да се облекуваме, не е тоа поентата. Напротив, се бориме за тоа да се чувствуваме безбедни и неосудувани во било каква облека. Тоа е целта. “Внимавај како си облечена за да не те силува некој” не е коментар што помага. Као фала што ми кажа, ја сега првпат го слушам ова на форумов.
Да ги додадам и членките што се правеа светици во темата за 'Јавна соба'. 'Добро им беше кога се сликаа голи. Ако им е сега.' Една од нив се жалеше во СДК дека кога девојка со големи гради (таа) ќе стави слика во бикини на социјалните мрежи коментираат дека е лесна девојка, но не го кажуваат истото и за тие што се 'рамни како даски'. За жал, голем дел од жените и девојките кај нас имаат такви сфаќања. Тие ми се уште поинтересен феномен отколку мажјаците што ги спомена.
Абе така се научени. Истата патријархална, сексистичка индоктринација е и врз нив применета. Вредностите во општеството ни се така определени. Едни параметри има за мажите, други за жените. Не е чудно некоја да размислува на тој начин, ако никогаш не чула, ни видела, ништо поинаку од тоа.
Кога прашав една од 'светиците' зошто се жали што ја нарекуваат 'лесна' заради слика во бикини, а притоа плука по феминизмот, погоди каков одговор добив. Не одговарала на прашања на ПРОСТАЦИ.
The Dunning–Kruger effect is a hypothetical cognitive bias stating that people with low ability at a task overestimate their ability.
Аха секако, ни видела ни чула. Тоа проаѓаше во ера пред комјутери, пред смартфони и пред медиумска покриеност и технолошка револуција. На сета достапна литература, на сите движења кои му се случиле на светов, на сите форуми, дебати, апели од секакви индивидуи и организации е тешко дека некој е во мрак и не знае каде да побра информации. Во истото општество живееме и јас и ти па не размислуваме така. Што, за тебе сонцето поинаку да не свети? Туку такви се, злобни и без трошка емпатија во нив. Кој сака и колку сака нека се лути, ама за мене секој што прави victim blaming и ми морализира на такви страшни ситуации е бесчувствителна маса на клетки. А патем и во минатото кога не биле толку достапни информациите сите жени феминистки знаеле дека одредени работи се погрешни. Затоа револуции, затоа денес црвен кармин можеме да носиме без да не палат ко вештерки. Имаат од кај да видат. Одбираат да не.
Абе чоек, не користат сите интернет и телевизија за да читаат и слушаат исти работи како ја, или ти. Прво, знаеш колку се ускратени за информација, оние кои не разбираат Англиски? Исклучиво македонски и српски медиуми да ти бидат достапни, што ќе научиш? Башка, околината. Сите во различни услови живеат, опкружени се со различни луѓе околу нив. Ако мнозинството околу се такви како нив, ни овие нема нешто друго да чујат. Има исклучоци, се разбира, ама за мнозинството, зацртан им е патот. Во меур сме сите. Според можностите и интересите меурот ќе ти биде 'подесен'. Помладиве генерации ги 'спасува', тоа што повеќето знаат англиски и што интернетот им е достапен, ако не цел живот, тогаш грото од животот... За нив би требало да не важи толку погорново што го пишав, иако и во нив има сеуште такви кои се ускратени за нешто, поради Х причини. Едукација ни фали. Намерна и таргетирана.
Знаеш, само некогаш и образовани и со пристап до интернет имаат чудни, да не речам назадни сфаќања. Искрено само на форумов од дел сум запрепастена, што доаѓаат од образовани жени, барем така тврдат. Тоа е она погоре што го пиша Данинг-Кругер. Денес секој мисли дека е во право за сѐ, а наместо да го искористат интернетов за да прочитаат нешто корисно, они наоѓаат круг на истомисленици што сами си одлучиле дека се во право. И после фала Богу меур
Има секакви. Ама ако ги иссмеваме, нема да им го смениме мислењето. Треба да се откријат корените на проблемите и да се работи на нивно решавање Иначе, сите сме во некаков меур. Сите сме опкружени со луѓе и информации кои нам 'ни лежат'.
Не е за исмевање или не. Поголем проблем е. Се стимулира околина во која ако некој број луѓе те поддржуваат, сигурно си во право и вртиш глава на други мислења. И што е најстрашно ова во самиот активизам постои. Настрана од изолирани личности. Може и за друга тема е ова, но во контекст на дискусијава тука.
На форумов се пишува на македонски јазик, со кирилица, на јасен и читок начин, од секакви генерации од најмлади до најстари. Имаше жртви што пишаа на темата, скриншоти од муабети што се вртеле меѓу членовите, имаше апели од многу луѓе. И некои пак ни тврдеја дека женските се сами криви. Други морал продаваа. Не Вајлд, злобни се. Толку е лесно и просто. Девојче да ти каже дека е малтретирано, тепано, силувано или што и да е и да го распрашуваш со глупи прашања е одлика на злоба и лошотилук. И нема поинаку.
Се согласувам со @WildMk дека патријархалното воспитување се применува и врз девојчињата, но од друга страна се согласувам и со @KateKane дека тие што ги споменав се злобни и бесчувствителни. Кај некои патријархатот и сексизмот е вкоренет, со други зборови се пренесува од колено на колено. Точно е дека не секој има пристап до Интернет. Но, има токму такви луѓе што немаат пристап до Интернет, но имаат многу понапредни сфаќања од луѓе што ја имаат најновата технологија. Вистина е дека има луѓе што се образувани, а се со пештерски размислувања. Такви се и тие што ги споменав. Некои луѓе едвај чекаат да се случи такво нешто за да можат да фрлаат камења против 'неморалните'. На форумот една членка беше наречена 'к***а' од една од тие што држат предавања за морал, а за што? Затоа што имала многу партнери. Зборот ми е дека и покрај тоа што денес сè ни е пружено, голем дел користат Интернет само за Фејсбук и Инстаграм и немаат желба да се едуцираат.
