Фемински κлуб на читателκи (Every Smile You Fake - Dorothy Koomson)

Еве неколку кои ми се во план да ги прочитам наскоро:

1. The Woman in the Window од A.J. Finn,(Daniel Mallory) - психолошки трилер. Ме потсеќа на The Girl on the Train доста, барем по описот има елементи на депресија, алкохол, друго среќно семејство, ама исто има доста потенцијал судејќи по коментарите.

2. Circle од Madeline Miller. Сум 50-50 за книгава, бидејќи уживам да читам митологии ама некои елементи во описот не ми се допаѓаат баш. Како и да е, има одлични критики, па би ѝ дала шанса.

3. The Immortalists од Chloe Benjamin. If you knew the date of your death, how would you live your life?

4. I'll Be Gone in the Dark од Michelle McNamara, трилер.

5. The Outsider од Stephen King, трилер.

6. The Tattooist of Auschwitz од Heather Morris, базирано на вистински настани.

7. Still Me од Jojo Moyes, продолжение на Me Before You. Најверојатно веќе ја имате прочитано оваа, во јануари е излезена, јас доцнам.

8. The Death of Mrs Westaway од Ruth Ware, трилер.

За сега, толку.

 

The Tattooist of Auschwitz е навистина интересна, се согласувам дека ќе има што да се напише за неа.

Ја барав сега да ја симнам, ама не ја најдов. Сите сајтови за симнување на книги што ги знам или ја немаат или се блокирани.

 

Ви се придружувам со оваа книга
Ја симнав, почнувам да ја читам.... ме заинтригира

 

So far so good!

До рано сабајле останав да ја читам, ептен ми е интересна!

 

Ја прочитав, речиси во еден здив.

На Goodreads пишува дека има 288 страници, додека пак .pdf верзијата е околу 160. Се надевам дека разликата е поради големината на страниците, не поради тоа што ова беше некоја кратка верзија од книгата.

Спојлер: Мое видување

Ми се допадна, многу. На моменти сакав да плачам од тага, за толку неправедно одземени животи, уништени семејства, обележани со горчливи спомени за векови.

Ова е историјата, сурова, болна, но не треба, не смее да се заборави. Тешко ми беше да ја читам книгава, баш поради тоа што е сведоштво на такво опако време, но тоа е најмалку што можам да направам - да не заборавам.

Стилот на пишување ми се допадна многу. Беше лесно читлива од тој аспект, дијалозите убаво разработени, иако често кратки. Некако крајот беше многу забрзан, настаните што ги опишуваше авторката се редеа премногу брзо, што оддава впечаток како да сакала побрзо да ја заврши книгата. Единствен минус е ова.

Приказната ме трогна! Нивната љубов, издржливоста, посветеноста.

Лале, човек со огромно срце кој многу мудро успеваше да се извлече од разни ситуации, а да не им наштети на другите. Тој остана човек не само низ годините поминати во логорот на смртта, туку и после сите сопки понатака.

Љубовта кон неговата Гита заслужува одделна книга. Морници ме полазија, а не паѓам на романтики воопшто.

За малку се расплакав кога повторно се сретнаа, па ако ова е барем блиску до тоа што навистина се случило - судбината, универзумот, животот сакал да бидат заедно. Која е веројатноста?

Поготово овој дел требаше подобро да се разработи, беше прекратко опишан, иако многу интересен и важен момент од нивните животи.

Дали има потреба да кажам колку бев бесна за сите бебиња, деца, возрасни убиени во гасните комори.. тој момент од книгата не можам да го тргнам од глава, премногу е болен за да се проигнорира и заборави.

Војниците, германските поготово, беа оперирани од емоции, целосно. Често се прашувам, како е можно толкав голем број на психопати да се соберат на едно место? Колку треба да немаат емпатија, да не ги трогне убиството на мало невино дете?

Кратка критика погоре, ќе почекам да завршите па да продискутираме, има што да се каже.

Спојлер: Фотографии: Лале и Гита

 

Ми остаа уште 80тина страници. Викендов не успеав да читам многу. Книгава успеа да ми го задржи вниманието, многу ми се допадна приказната. Ме интересира историја, сакам да читам книги во кои се опишани вистински приказни и настани.

Да ја прочитам цела книга и ќе дадам критика Засега има 5+ од мене.

 

Ја прочитав пред некој ден, ама никако не најдов слободно време да пишам тука. Нема други што ја прочитале да се вклучат во дискусија? едно под друго се мои мислења.

Оддамна немам прочитано книга, да биде лесна за читање и со добро обработена тема. Се согласувам со @SV1911 дека на крајот некако ја убрзаа целата приказна. Не знам од телефонов како да ставам спојлер, да не изнесувам делови од книгава за оние кои сеуште ја немаат прочитано. Ќе пробам покасно од компјутер. Фала @SV1911

Спојлер

Сакав да прочитам повеќе за приказната на Гита. Некако беше многу таинствено за неа и немаше многу детали изнесено. И периодот откако се врати кај сестра и до моментот додека не се сретнаа со Лале ми е празен и не е раскажно што правела.

Им се восхитувам на храброста. Во тие моменти на немоќ и неизвесност, да останеш присебен и да успееш да најдеш начин да преживееш е стварно реткост. Какви болни умови владееле, просто не можам да поверувам какви нехумани работи правеле врз другите. На моменти си мислев дали е стварно реалност тоа што го читам. Бивало ли до толку

 

@Skyfall еве како се става спојлер од телефон

Спојлер: Спојлер

До иконата за видео има повеќе опции, втората е спојлер.

 

Дечки, до каде сте со книгава?

 

Јас сум за!

Оваа ни е читана тука, пишувавме за неа пред некое време. Од предлозите постирани најмногу An Anonymous Girl ми фаќа око.

@RainBow ајде да ја оживееме темава

 

Јас ја читам An anonymous girl, уште 100тина страни имам, па можам да се придружам.

 

Ако можеш те молам прикачи ја!

 

Не е баш толку напната како кратката содржина на Гудридс. За нијанса подобра од претходната нивна книга, ама има уште време до крај, иако не верувам дека би било нешто wow крај.

 

Фала! Мене оваа ми се виде интересна, ќе ја почнам.