Фемински κлуб на читателκи (Every Smile You Fake - Dorothy Koomson)

Битно он си пишува книгичка, а детето нека добива укор од учителката. Ете (ќе) си најде и симпатија сега, шубавко.

Ќе видиме како ќе биде, солидна е приказната иако има некои работи што се апла аматерски. Или па ги изначитавме убавите трилери па сега останаа само оние понеубавите. До душа годинава генерално од новите книги многу тешко некоја да ми се допадне ептен баш за да си кажам - е, оваа оди во омилени книги.

 

И тоа каква книга, уште толку го истрауматизира детето.
Јас од тивкиот пациент немам прочитано добар трилер. Ама и послабо читам годинава, за жал.

 

Мене уште надежта ми е во оваа, дека ќе има интересен крај.
Пациентката ми беше убава, ама некако се осеќав како некој да ме лажел цело време. Баш сега проверив што сум читала и гледам повеќето се стари книги, новите слабо.
Од новите има многу убави историски, ама ајде прво да го решиме Шепнувачот па другото понатака.

 

Леле! Татко му бил.
@Mishela го претпостави ли тоа? Не ми се верува дека не поврзав, а колку беше очигледно вака во ретроспектива.

Исто така и Карен е сумљива како се убутува само.

 

Нели? И јас наседнав, не си поврзав. А Карен многу ме нервира. Ја завршив инаку, ќе напишам подоцна поопширно, ме фати синоќа таква гадна мигрена, уште ме држи па бегам од екрани. Инаку има фини работи за дискусија со книгава, мислам дека солидно стартувавме.

 

Јас до 70 посто дојдов, ама се надевам нема синот да испадне дека е. Ептен ќе биде разочарувачки и толку ќе биде од книгава за мене. Ќе биде само една епизода од criminal minds.

 

Јас не ставив 5.
Сме читале подобри, ама за загревање не беше лоша. Пиши кога ќе ја завршиш, ќе муабетиме.

 

Ја завршив и јас. Конечната оценка е тројка.

Само откритието дека му е татко Пит навистина ме изненади, ова другово... На крај што знам, некако ми спласна ентузијазмот. Интересен трилер, ама не е за петка. Пребрзо на крај го најде Џејк татко му, па одма се реши работата. Плус, делов со шепкањето некако ми беше недоволно обработен, недоволно објаснет.

 

Тројка и од мене, не беше ни за 4. Нешто ми фалеше, цело време имав такво чувство дека нешто фали.
И многу ми беше напорно за читање после првата половина. До 50% беше навистина солидно кога се разјасни кој е Пит и тоа впрочем беше единствениот добар пресврт според мене. Другото нафрлано, ама недофрлано, речено-недоречено. Добра замисла, ама слаба реализација.
Не беше лоша, ама сепак не. Како беше онаа фразата, not great not terrible. Епа баш така и книгава.

*Да дополнам, ниту еден лик не успеа да ми прирасне при срце, со ничија приказна не се соживеав, многу ми беа...мех.

Во последно време ич не ми се убави трилерите, ни еден да се погоди баш така да те остави подзината во неверување од некој страшно добар пресврт. Последен трилер на кој сум ставила 5 бил Birdbox.

Да не ти се чита следна I owe you one од Софи Кинсела? Oдамна ми стои во TBR, никако да ја почнам. Ја почнав синоќа Confess, не е лоша ама по навика ќе си почнам уште една. Имам и две од Шерон Болтон што сакам да ги прочитам, едната е оваа.

 

Баш се сложувам со се што напиша. Зошто беше потребно син му и Џорџ да биде кој работел во училиштето? Нели правеле проверка на сите во училиштето, а не виделе дека Џорџ не постои? Можеше да биде син му кој бил опседнат со куќата и готово. Башка што не ни го запознавме Џорџ, па да бидеме изненадени.
Може од Софи Кинсела, ми се чита нешто полабаво, не сум баш во расположение за трилер некако.

 

Станува збор за две различни книги. Можеш да пребараш горе во темава и да ги прочиташ за Шепнувачот од Каризи мислењата.

Во септември ќе излезе втор дел од The handmaid's tale, треба овде да го читаме ако сте го прочитале првиот дел.
Убаво би било да се приклучи уште некој ако сака да даде предлог за книга.

 

Tака, се согласувам дека тоа повторно беше аматерски изведен дел. Исто така инста лав моментот не му одеше баш добро на авторов. Проба нешто, ама неуспешно. И дејтот им пропадна и сè. А оваа Карен па толку недопадлив женски лик, не знам до мене ли е или навистина ниту еден од ликовите не беше нешто посебно.
Ајде, како за старт не беше лошо, одиме понатаму.

Првиот дел од Приказната на робинката мене ми е прочитан и вториов дел одамна ми дреме на TBR полицата, го чекам да излезе па да напаѓам со читање. Може да ја имаме тука, вреди да се прочита која било книга од Маргарет Атвуд, баш ми се допаѓа како пишува.
Не знам дали ти е читана Алијас Грејс, исто многу добра книга.

Инаку и јас сум во некој таков mood, ми се чита нешто ептен лесно и интересно, по можност комично со некоја интересна љубовна приказна. Ова ми е последица од After, книгата реално не беше ништо посебно, ама така ми се погоди, што 600 страници летнаа во два дена. И никако да ме пушти тоа расположение, си продолжив со Хувер. Клише ми е засега малку, ама колку брзо оди книгата со читање, ќе се убијам.
Гледам има поделени мислења за оваа од Софи Кинсела и малку се колебам, ама мислам дека ако не ја прочитам вака во друштво, засекогаш ќе ми остане непрочитана.
Што имаш ти на ум?

И кај ни се другите, има многу што читаат ама или не им се допаѓа изборот или паузираат. Не би било лошо да се собереме повеќе.

 

Карен беше исто непотребна, никаде не водеше тоа нивното, беше сосема излишна. Не знам, како размислувам за книгава се понелогична ми е.

https://www.goodreads.com/book/show/731539.The_Promise_of_Jenny_Jones?ac=1&from_search=true
Ова е нешто постаро, да не речам ептен постаро, ама долго време и се мерачам.
Silver Lining ја имам читано од авторкава, прекрасна приказна, затоа мислам дека и оваа ќе биде одлична.

 

Може, Сузан Елизабет многу ја фалеше оваа авторка на инста сторис во една дискусија, па може да ја читаме. Немам читано ништо од неа, ама битно во компјутеров си стои цел фолдер со нејзини книги. Да се најдат.

 

Ајде тогаш. Верувам нема да разочара книгава. И баш се радувам.
Оваа од Софи може е интересна, ама ми стои дека направила обид за нешто посериозно, па затоа се поделени мислењата.

 

Менувај наслов, вечер ќе ја почнам. Исто мислење имам за новата од Софи, затоа можеби и јас толку време да одложувам. Ќе и дојде редот и нејзе. Ајде сега нешто ново, ептен се радувам кога почнувам нова (за мене) авторка која досега не сум ја читала.
Ја имаш, така? Јас ја имам симнато веќе, ако некој друг ни се приклучи ќе ја ставиме, само да седнам на компјутер до вечер.

 

Ја имам, имам и јас цел фолдер со нејзини книги што сум ги симнала.
Еве ја книгата ако уште некој сака да се приклучи. Јас да легнам дете и ќе ја почнам.

 

Да кажам дека ја почнав.
Добар старт, ми фаќа око ама за жал на 7-8% сум, толку издржав синоќа.
Продолжувам вечер, лесно оди само ми треба концентрација која деновиве ја немам.

 

Јас до 20% негде дојдов, мене ептен ми се допаѓа книгава, баш нешто вакво ми требаше.