Фемински κлуб на читателκи

Фемински клуб на читателки (Looking for Alaska-John Green)

Јас Touch & Go не ја читав, ама во план ми е да ја прочитам, па затоа ќе мижам кога ќе ја отворам темава, да не наидам на некој спојлер

Ќе напишам критика за Looking for Alaska:
Книгава е not my cup of tea. Можеби ќе ми се допаднала ако сум ја читала пред 5-6 години, ама сега не. Некако, ги имам израснато ваквите приказни. Дури на моменти се фаќав себеси како ми лета паметот на некоја друга страна, па се враќав да ги препрочитам страниците. Јас сакам книги што ќе ме врзат за приказната и нема да ми дозволат да заспијам, а уште помалку да мислам на нешто друго. Сакам интригантни книги со возбудлив тек на настани. Оваа некако ми беше... сувопарна. Не успеа да допре до мене. До душа, имаше некои убави фрази што ми поттикнаа размислување, но воглавно книгава ми беше просечна. А оцената на goodreads не ѝ е заслужена, барем според мене.

 

Фемински клуб на читателки (Looking for Alaska-John Green)

Може да се коментира?
Чекам со денови веќе, и други книги почнав.

Се пронајдов на моменти во книгава, истиот период како и момчево, јас изгубив другарка, и целата атмосфера во училиштето ми прелетуваше ко дежаву во главава, беше одамна тоа, ама ме наврати книгава.

Инаку оценката моја е просечна 3ка, дури и 2ка. Можеби 3ка заради тие сеќавања, ама тинејџери и први љубовни/сексуални искуства не ми се занимливи за читање.

Сепак писателот сакал да биде ова повеќе од просечна приказна и го вреднувам трудот со тоа што не го прекинав читањето уште на 10%.

 

Фемински клуб на читателки (Looking for Alaska-John Green)

ЗА Touch and Go за неколку дена ќе пишам,имам уште бајаги за читање..

За Аласка:
И јас како Ана,да ја читав пред неколку години можеби повеќе ќе ми легнеше,вака ептен банална ми стоеше.Ептен лесна за читање,ама приказната ми е многу недовршена и неубаво осмислена.
Ликот на Аласка кој би требало да е водечки,не е ни малку разработен,нејзината психа останува мистерија се до крај,што во други книги би ми се допаднало,но овде ми беше глупаво.
Едноставно не ми пробуди емоција,немаше блискост со ликовите,не се пронајдов.

Спојлер

Дури и кога умре Аласка,тагувањето не ми беше онака за солзи претставено,ептен површно и безлично.

За другите ликови нема и што да се напише,онака едноставни на свој начин,тинејџери.Немаа некои посебни карактеристики што се издвојуваа,да кажам ете овој ми е омилен лик..
Книгава ја прочитав чисто поради мала љубопитност,ептен мала и бидејќи не беа многу страни.
Не знам дали поради Fault in Our Stars очекував толку многу од Џон Грин,ама се разочарав тотално..
И сега си ја негирам и првата реченица,дефинитивно и пред некое време да ја читав исто ќе се чувствував.

 

Фемински клуб на читателки (Looking for Alaska-John Green)

Јас ја прочитав само Looking for Alaska и мене искрено ми остави впечаток така-така. Јесте да е доста лесна, а и мене можеби во овој момент баш тоа и ми требаше.

Би и дала некоја просечна оцена, не е нешто Wow, а не знам ни како била оценета, ниту пак имав некои очекувања, со оглед на тоа што немам ништо друго прочитано од авторот.

Ликовите ми се обични тинејџери и карактерите во групата се точно погодени какви што има во едно тинејџерско друштво. Искрено не ни очекував, со почетокот на книгата кога видов дека се работи за средношколци, да има нешто длабокоумно и просветлувачко или нешто што би ме оставило воодушевена.

Едноставно, лесно книжуле за одмор на мозокот.

А за Аласка, јас добив впечаток дека девојката си живее во некој свој филм, каде е центар внимание и кога центарот се помести малку, таа го враќа на себе. Не разбирам зошто го бакна Паџ, ниту што и значеше тоа Ту би континуед, кога таа си го сакаше дечкото и нон-стоп флертуваше со момците повторувајќи го истото. И зошто се потруди да му „мести“ девојка. Една од оние девојки кои се сметаат за најдобри и дека светот се врти околу нив.

Паџ, повлечено момче со чудно хоби и желба некаде да припаѓа. Ме изнервира кога и сврти грб на Романката откако почина Аласка и како се однесуваше како нејзината смрт само него да го погодила и како само на него да влијаеше и братов го отупе со тоа дека го бакна, па дека не може да поверува, па да открие што и се случи, како да беше некоја голема мистерија ама не беше. Типката едноставно беше пијана и изгуби контрола, а беше навикната се да биде под конец, како таа што сака и да ги врти сите околу малото прсте. Никој не беше виновен што таа замина, освен самата таа, а и ако се самоуби беше доста себично од неа што ги остави со чувство на вина.

Мене и онака самоубиството посебно од страна на тинејџери ми е толку глупаво овердраматик, толку себично, што не можам да кажам.

Чип ми беше доста интересен лик, обожавам од мајка паметни деца кои имаат некој особен шарм и не можеш а да не ги сакаш.

А и ми се допадна идејата за последната шега и тоа како мажите ги гледат жените како предмет, да видат како е кога е обратно.

Во главном книжулево ми имаше светли моменти кои ме замислија, ама повеќето ми беше онака, површно.

И да си прашаm следна книга која ќе биде и за до кога е Touch and go, ако не да седнам да ја зачитам.

 

Фемински клуб на читателки (Looking for Alaska-John Green)

Јас ја читав Looking for Alaska по втор пат.Првиот пат ја прочитав пред година дена и ја доживеав поинаку и поемотивно.

Со оглед на тоа дека имам осумнаесет години, некако поблиски ми беа нештата.Се согласувам дека ликовите не беа доволно обработени, но сепак сметам дека имаа некои интересни црти, Аласка ми беше навистина чудна, и нејзиниот лик не можев да го сфатам до самиот крај.И да, мислам дека се самоуби.

Ми беа интересни деловите со pranks-от, посебно нели последната која беше по желба на Аласка.Pudge на моменти ми беше биполарен, не знаеше ни самиот што сака, и ме нервираше што мислеше дека само него го боли и му е тешко.Не плачев на несреќата, не ја доживеав толку емотивно, можеби зошто знаев што ќе се случи.

Chip ми беше омилен лик, неговата љубов кон мајка му и желбата за да имаат подобар заеднички живот ми беше навистина слатка.

И од цитатите имам неколку што ми се омилени:

Спојлер

Because you simply cannot draw these things out forever. At some point, you just pull off the Band-Aid and it hurts, but then it's over and you're relieved.

I'd never been religious, but he told us that religion is important whether or not we believed in one, in the same way that historical events are important whether or not you personally lived through them.

You spend your whole life stuck in the labyrinth, thinking about how you'll escape it one day, and how awesome it will be, and imagining that future keeps you going, but you never do it. You just use the future to escape the present.

'Everything that comes together falls apart,'' the Old Man said. "Everything. The chair I'm sitting on. It was built, and so it will fall apart. I'm gonna fall apart, probably before this chair. And you're gonna fall apart. The cells and organs and systems that make you you—they came together, grew together, and so must fall apart. The Buddha knew one thing science didn't prove for millennia after his death: Entropy increases. Things fall apart.

Someday no one will remember that she ever existed,I wrote in my notebook, and then, or that I did. Because memories fall apart, too. And then you're left with nothing, left not even with a ghost but with its shadow. In the beginning, she had haunted me, haunted my dreams, but even now, just weeks later, she was slipping away, falling apart in my memory and everyone else's, dying again.

Само тажно е што реалноста на тинејџерите е слична на оваа.

 

Фемински клуб на читателки (Looking for Alaska-John Green)

Looking for Alaska не ми остави некој посебен впечаток. Ми се чини дека дури да ја читав пред некои 5 години, немаше да имам поинакво мислење од сега.
Целата приказна ми беше глупава. Добив впечаток дека авторот го оправдува однесувањето на ликовите. Демек паметни, со стипендии (Алјаска и Чип), воглавно одлични ученици кои што пушат и пијат алкохол! Чиста глупост! Сите со слични навики се далеку од успешни ученици и мислам дека тинејџерите можат многу погрешно да ја протолкуваат книгава.
Ништо посебно не се случуваше. Не почувствував никакви емоции кон главните ликови, посебно не кон Алјаска. Девојката имала трауми од детството и иако била ептен паметна спасот го нашла во цигарите и алкохолот. Мајлс очаен бидејќи нема друштво, почна да се дружи со првите кои што се заинтересираа за него. Чип иако зависи од стипендијата и има планови за блескава иднина, секојдневно прави секакви глупости поради кои што може да биде избракан од школото. Многу ми беше тапа делот кога се обвинуваа за смртта на Алјаска. Па не ја доведоа тие во таква состојба. Доколку им било гајле, немало да ја поддржуваат во тие нејзини глупави навики, туку би ја советувале да бара помош.
Се` на се` оценка меѓу 1 и 2.

За Touch & Go ќе почекам уште некој ден, па ќе напишам.

 

Фемински клуб на читателки (Looking for Alaska-John Green)

Многу погрешен впечаток книгава остава на тинејџерите. Немаше никави емоции, немаше ништо паметно. За разлика од The Fault in Our Stars, која беше доста длабока книга за оваа група на читатели, Looking for Alaska оди во сосема друг правец.

^А Паџ од повлечено момче, веднаш се претвори во бандит. Па и неговите родители толку го идеализираа синот што не забележаа дека детево нема ниту еден другар, ама битно тие проштална забава му направија. Сите ликови (освен мајка му на Чип и самиот Чип на моменти) ми беа ептен нереални, не сакаа да се соочат со реалноста. Па каде беше таткото на Алјаска сето тоа време кога ќерка му психички се распаѓаше? После на погребот му текна на желбата на ќерка му (кога ќе умре, ковчегот да биде затворен за да не ја гледаат таква) и добив впечаток дека човекот не чувствуваше никаква вина за смртта на неговото дете.
И да, смешно беше кога овој Паџ безброј пати мислеше што значи to be continued, демек Алјаска му оставила некоја порака, него го сакала. А оваа пијана, со нестабилен карактер и однесување малце ли што ќе каже. Многу, ама многу работи ме иритираа во книгава. Едноставно, не е реална, не е соодветна за млади луѓе во таква ранлива возраст.

 

Фемински клуб на читателки (Looking for Alaska-John Green)

И кога веќе сме кај таткото на Аласка, ами да обвинуваш дете оти не свртило 911 кога ја гледа мајка си како умира пред нејзини очи. Тоа е шок и наместо да застанеш зад детето ти да го обвинуваш. Абе ај...

Тинејџерка со трауми од детство... Ама не доволно да се самоубие, јас мислам. Додуша не знаеме дали беше самоубиство(што дополнително ме иритира), ама претпоставувам.

 

Фемински клуб на читателки (Looking for Alaska-John Green)

А за следна книга, незнам... јас прееска почнав да ја читам Adaptation. Доста е интересна за сега (до 19% стигнав), ќе видиме како понатака ќе се одвива приказната. Ако сакате може оваа да ја читаме, ако не, може и друга некоја од списокот погоре или пак нови предлози.

 

Фемински клуб на читателки (Looking for Alaska-John Green)

Јас ја почнав Touch & Go, не издржав
Некаде до кај 28% сум, ако не стигнам овде да коментирам, ќе ја пишам во Последна прочитана книга. Инаку за оваа недела можеме да ја читаме The one plus one. Гледам уште стои линкот што го постираше Реин од kickass, јас одма ја симнав да не го тргнат Има прилично добри коментари на goodreads иако е нова.

 

Фемински клуб на читателки (Looking for Alaska-John Green)

И jaс сум за!

 

Фемински клуб на читателки (Looking for Alaska-John Green)

Looking for Alaska

Имав огромни очекувања за неа најверојатно поради тоа што The Fault in our stars беше неверојатна кога ја прочитав и иако не беше голема остана долго време со мене. Но оваа некако ме разочара. Ми беше премногу глупаво што беше форсирана љубовна приказна кога без убавите мисли, драматичноста и авантурите би можела да се сведи на девојка која е голем манипулатор и го изневерува на дечко си со разни момчиња. Ликовите ми беа премногу досадни и површни со исклучок на Чип. Моја оценка би ѝ била 2.5/5

 

Фемински клуб на читателки (Looking for Alaska-John Green)

^ Е да, сега се сетив на тој дел. После погребот Паџ и Чип му се јавија, ама овој кажа дека се било нормално, само пред крајот на разговорот Алјаска почнала да вреска дека заборавила нешто и толку. Дечкото после не се споменува. Не се разјасни што била причината поради која не отишол на погребот.

Во книгата фалеше доработка на многу ликови. Најголемиот дел беше сконцентриран на глупости, па не остана место за ликовите ...

 

Фемински клуб на читателки (Looking for Alaska-John Green)

Јас сум на 60 % од Touch and Go,таа вонредно ќе ја коментирам
А за следнава недела,The one plus one дефинитивно,уште од кога ја стави Реин се токмам да ја почнам

 

Фемински клуб на читателки (The one plus one-Jojo Moyes)

Реин гледам денес го сменила насловот - до кога ќе биде рокот за новата книга?
И кога ќе ја коментираме Touch & Go? Јас сум над 80% засега, би требало да ве стигнам

 

Фемински клуб на читателки (The one plus one-Jojo Moyes)

После Touch & Go прочитав уште неколку книги, ќе почнам да заборавам детали, така да мојов коментар за книгава ќе го ставам во спојлер. Доколку планирате да ја читате или не сте ја дочитале, не го отварајте спојлеров!

Цело семејство е киднапирано од својот дом. Компанијата кај што работи Џастин, ќе најми свој истражител со цел побрзо да се разреши случајот и семејството да се врати безбедно дома. Но како настаните прогресираат, многу работи излегуваат на виделина...

Спојлер

Книгава ме остави без зборови. Толку добро напишана, со промислени детали. Одамна немам прочитано книга на која можам да и дадам 5 ѕвезди.
Како подлабоко навлегував, се повеќе бев сигурна дека Анита го организирала целото тоа киднапирање. Многу ми се допадна тоа што до самиот крај на книгата не се знаеше кој е вистинскиот одговорен за сето ова. Имаше моменти од нивниот престој во затворот, кога Либи раскажува дека З го гледа Џастин со омраза, дека сигурно е нешто лично. Дури на крајот разбрав зошто е тоа така.
Откако ја завршив книгава (ја читав до 5 сабајле зошто морав да ја дочитам, неможев да ја оставам, не спиев уште некои саат време, бидејќи крајот беше толку неочекуван, бев малку шокирана.
Голема улога во приказнава има Теса Леоне и шерифот Вајт (јас така си го читав). Теса има свое минато кое во книгава не е прикажано, но како што разбрав, книгава има и прв дел кој што се концентрира на Теса и нејзината ќерка, се вика Love You More. Со помош на Вајт ќе се открите трагата на семејството, но не и нивната локација. Иако кон истрагата се приклучуваат и FBI, немав такву чувство дека тие носат некаква тежина, туку поголемиот и позначаен дел е сработен од Теса и Вајт.
Дејствието во книгата е раскажано од повеќе аспекти. Се сеќавам додека читав, се се мислев зошто Џастин не раскажува ништо, туку само неговата жена Либи. Крајот ќе покаже зошто.
Карактерните особини на ликовите се многу убаво прикажани, детално разработени и буквално можеш да си ги представиш додека читаш, исто како и средината во која што се наоѓаат.
Многу работи се случуваат во книгата, ако почнам да раскажувам, ќе треба цела да ја припишам овде.

Чекам да завршите, па ќе може да продискутираме за книва.