Фемински κлуб на читателκи

Фемински клуб на читателки (The one plus one-Jojo Moyes)

Јас денес ја дочитав книгава, ќе ја пишам мојата критика.
Ќе ја ставам во спојлер, затоа што имам пишано за некои детали, од кои и завршницата.

Спојлер

Имам повеќе пофални зборови за книгава, но и забелешки.
Ќе почнам со забелешките.

Јас лично имиња не памтам, ама во една книга ми се многу важни, затоа што сакале или не - најчесто првиот впечаток кој го добиваме за еден лик е од неговото име. Освен тоа, кога името кореспондира со карактерот, веднаш добивам впечаток дека авторот се потрудил да го спакува ликот најдобро што може. Џастин?! Зошто баш Џастин? Ме асоцира на Џастин Бибер, во краен случај на Џастин Тимберлејк, ама во никој случај првата претстава што ја имав во глава не беше физички силен и моќен маж. Јас би му дала некое друго, не толку лигаво име.

Второ, ми фалеше приказната на Теса. Знам дека не беше во главниот фокус во книгава, ама се надевав дека на крајот авторот ќе нé почести и со нејзината судбина. Сакав да дознаам што се случило со нејзиниот маж и ќерка, некако ми недостигаше тоа парче од приказната. Мислев дека во крајните глави ќе ја видиме и вечерата со Wyatt, при која Теса ќе му раскаже што се случило.

Освен овие и неколку други ситни забелешки, имам само пофалби. Приказната и текот на настаните ми се допадна многу. Ме држеше во неизвесност, дури и ме измори од толку размислување. Постојано се обидував да ги спојам точките, да ги предвидам настаните, ама не успеав. Двата дела во кои беше раскажана борбата за живот на Либи и Ешлин, буквално ме натера нервозно да цупкам со нозете. Откако го собраа во комбето, цело време се надевав дека Џастин е жив, дека ќе се спаси, дека неговата жена и ќерка нема да останат сами. Си замислував сценарио во кое целата несреќа што им се случи, ќе ги спои повторно во едно мирно и хармонично семејство. За на крајот, кога веќе почна да се разрешува целата ситуација, да си речам: Kill that son of a bitch!!
А Кетрин... ох, Кетрин. Колку наивна може да биде една млада, заљубена девојка. Сакав да види дека Џастин ја искористил, дека ако има можност да избега без неа, нема ни да се двоуми. Ми се допадна што на крајот така испадна.
Само не ми беше јасно – се откри ли кој всушност го застрела Џастин?

Имаше убави мисли, од кои една ми остана во глава: It wasn’t that strangers couldn’t hurt you. It was simply that the people you loved could do it so much better.

 

Фемински клуб на читателки (The one plus one-Jojo Moyes)

^

Спојлер

Во мојот коментар пишував за Теса, дека пред оваа книга има друга која што се вика Love You More. Таму е опфатена нејзината приказна.
А за тоа кој го уби Џастин - мислам дека тоа беше З, бидејќи Џастин го предаде сопственото семејство, крадеше пари од својата компанија и ги ставаше на сметки за кои никој ништо не знаеше долго време, ја измами сопругата...

 

Фемински клуб на читателки (The one plus one-Jojo Moyes)

Ооо, па значи требаше таа прво да ја читаме
Ќе ми биде на листа дефинитивно, иако крајот на приказната веќе го знаеме...

 

Фемински клуб на читателки (The one plus one-Jojo Moyes)

Јас денес го препрочитав тој дел, ама сепак мислам дека

Спојлер

Лопез го уби Џастин.
З беше дисциплиниран и принципиелен, па затоа го уби Мајк. Затоа што не ги испочитувал the terms of the assignment. Ама мислам дека на З сепак не му беше грижа што потоа ќе прави Џастин. Неговиот тим си го исполнил даденото.
Од друга страна, Лопез има мотив да го убие, заради целата ситуација со неговата внука. Не знам како би дознал дека е жив, како ги споил коцките, ама мислам дека е поверојатна таа теорија.

 

Фемински клуб на читателки (The one plus one-Jojo Moyes)

Јас читам на мобилен, па ако можете да споделите онлајн страна за читање на книгава, испобарав се.
А фајловите од торентите не ми ги отвора, телефонов не поддржува таков вид фајлови.

Тешко дека ќе најдам, нова е книгава.

 

Фемински клуб на читателки (The one plus one-Jojo Moyes)

Спојлер

И мене ми беше чудно зошто нив ги третираа ок, а Џастин го истепаа... тој делот Рејн што го спомена, кога Џастин кажа дека треба да бегаме од тука, а после ништо не направи за тоа... ама се` се надевав дека ќе има среќен крај, дека нивната семејна врска ќе се обнови и сето тоа. На крај кога дознав дека всушност Џастин е организаторот, сите празнини од приказната се потполинја. Идиот, си го предаде семејството.

Прво симни ја на компјутер, а после прфрли ја на мобилен. Јас така правам секогаш. А ако немаш читач за епуб на мобилен, симни го од андроид маркет moon + reader, бесплатен и добар е.

 

Фемински клуб на читателки (The one plus one-Jojo Moyes)

Фала, ми олесни програмов од Плејстор, не ми ни текна на него. Патем ја најдов онлајн, ако нa некој друг му треба, еве:

http://www.ebook2u.org/book2/The_One_Plus_One/

 

Фемински клуб на читателки (The one plus one-Jojo Moyes)

Девојки до каде сте? Јас ја прочитав уште пред неколку дена, ама не ми се пишува во спојлери.

 

Фемински клуб на читателки (The one plus one-Jojo Moyes)

Јас немам време за читање воопшто,така да 2,3 недели нема да ве дружам.
Оваа од Џоџо ќе ја прочитам понатаму,па ќе пишам критика во другата тема.

 

Фемински клуб на читателки (The one plus one-Jojo Moyes)

Се согласувам со Рејн.

Очекуваш книгата да биде длабока, со некој си длабок смисол, интересна приказна, а добиваш лесна книга за деца од 13 години. Поентата на книгава беше биди добар, задолжително ќе ти се врати со добро. Мене лично, многу ми беше жал за Џес. Жената се утепа од работа да сврзе крај со крај. Како некој си вид награда од животот, има ќерка - гениј, но поради неможностите да и овозможи квалитетно образование Џес ги гази своите принципи. Низ сплет на настани, таа со своите деца и кучето Норман, ќе одат на патување со Ед - еден од работодавците на Џес. По пат, од прилично негативно настроени еден кон друг (Ед и Џес), ќе се заљубат до немајкаде. До крајот на книгата има уште неколку пресвртници, за да нели, љубовта победи. Тука има смешни моменти, неколку навистина жални.
Најмногу ми се допадна кучето... Ликовите беа разработани до некаде, но главниот фокус беше на љубовната врска помеѓу Џес и Ед, а во заден план беше олимпијадата на Танзи, Ник со неговите проблеми, Марти - таткото кој што му беше гајле за своите деца.
Не ми се допадна тоа што иако има одвоен пасус кој што го носи името на еден од главните ликови во приказнава, раскажувањето е во трето лице, па на моменти се губев.
Во книгата немаше контрадикторности, дупки во содржината и сл., што покажува дека Jojo Moyes е добра писателка.
Се смеев, ми беше жал, но не верувам дека после неколку месеци ќе се сеќавам на книгава.

 

Фемински клуб на читателки (The one plus one-Jojo Moyes)

Предлози од мене:

https://www.goodreads.com/book/show/296 ... er_My_Skin
https://www.goodreads.com/book/show/101 ... lse-memory

 

Фемински клуб на читателки (The one plus one-Jojo Moyes)

Мене корицава ми е скрооооз симпатична!


И дефинитивно нај момент од цела книга:
‘Look. Here’s the thing. I haven’t had sex in three years. I sort of need to get back on the horse, and I think
it - you - would be great.’
‘You want me to be a horse.’

Како чукната се смеев кога го прочитав ова! 2ипол посабајле, сите спијат, мене кога ме фати една смеа, не можев да се сопрам!

Сума сумарум за цела книга - мене не ми беше толку лоша.
Ќе ѝ дадам плус затоа што се пронајдов во некои делови, се соживеав со Џес и нејзината судбина и буквално бев pissed off кога се дозна дека Марти цело време ја лажел. Толкава нервоза ме облеа во тој момент, што мене да ми беше тука, ќе му врзев два шамари на тој себичен идиот! Освен тоа, во 75% од книгата беше опфатено неколку дневното патување, што звучи досадно, ама на мое изненадување - мене не ми беше. Ми се допадна како беше раскажано, како се менуваа ликовите и се надополнуваа настаните.
На моменти ми беше толку жал за ситуацијата на Џес, и искрено се восхитував на нејзината снаодливост и оптимизам. Ама на моменти ми беше страшно многу одбивна со нејзиното однесување! Особено кога почна да пати по Ед и ги остави двете деца да се снаоѓаат како знаат и умеат, затоа што таа не можеше од кревет да стане
За ликот на Тензи... од една страна да - беше малку недообработена, беше малку скудно прикажана. Ама па од друга страна, се работи за десетгодишно дете. Мислам дека секаков дополнителен опис и навлегување во нејзиниот карактер, ќе беше малку нереален и непотребен. Мене повеќе ми пречеше тоа што авторкава нејзиниот лик го претставила како предмет на сожалување. Човек да не знае за што попрво да ја жали - за скршените очила, за тоа што отиде на натпревар откако се истури од повраќање, за тоа што мајка ѝ ја пушти на тестот без девојчево да може да гледа, за тоа што на олимпијадата ја закачаа деца, за несреќата со Фишерови, за тоа што не го видела татко ѝ со години, за тоа што му се случи на кучето и колку патеше по него, за тоа што целата нејзина облека ја шиеше мајка ѝ... Единствено тоа што се запиша во училиштето беше светла точка.
Ники ми беше сосема во ред, а што се однесува до Ед - имам некое недефинирано мислење.

За нареднава недела јас ги гледав овие две
The Sky is Everywhere
Whose Body?

Првата ми делува малку „помладалачка“, а втората дефинитивно ме заинтригира, така што ќе ја прочитам по секако.

 

Фемински клуб на читателки (The one plus one-Jojo Moyes)

Мене Who's Body? ми се виде поинтересна од предложениве.

 

Фемински клуб на читателки (The one plus one-Jojo Moyes)

Само ние три останавме во клубов?
Каде се другите? DzingrlakaDzikica, sweet-cherry, Paradox?
Marossa гледам тука е, некој предлог да даде?

Јас почнав со Whose body? си реков ако одбереме друга, ќе ја прочитам за брзо време, зашто сега видов дека е помала. The Forgotten Garden ми изгледа интересна, ама некако се поделени коментарите на гр. Или има пет ѕвездички, или една
А False Memory ми делува баш како my cup of tea.

Ако сакате можеме за промена да читнеме некоја поемотивна книга од типот на Me before you?
God-Shaped Hole
Calling Me Home