Фемински κлуб на читателκи

На листата за читање ми е новата од Кристин Хана, само сакам да ја завршам Гејм оф тронс прво, не ми се остава, се навлеков ептен.

Ќе ја читам Хана нешто подоцна и веројатно подоцна ќе се приклучам, ама ќе кажам импресии. Со неа навистина не знам на што сум, некако повеќе ја читам од љубопитство. Последната беше добра до некаде, ама на туркање ја истерав до самиот крај...

 

The four winds, во 2021-ва излезе.

За прв пат таму во книга од К. Хана ми се случи првата половина да ми биде подобра од втората. Обично секогаш било обратно, ама ете. Добра беше, само ептен на рати ја читав, сега којзнае како ќе биде со новата, ќе видам како ќе ми се чини.

 

Мене за оваа исто ми беше бавна првата половина. Додека ги постави работите некако бавно ѝ тече приказната. И после веќе тргнува.
Сѐ уште ниедна ми ја нема надминато The Nightingale, таа ми остана најдобра. Еве, можеби оваа ќе биде шлагот на јаготката, се надевам дека како ги ниже книгите станува позрела во пишувањето.

Сепак, верувам дека приказната ќе биде длабока и со впечатливи ликови, впрочем како и останатите, без разлика на темпото.

 

И мене Славејот ми е најубава нејзина книга, па Четирите ветришта по неа. Доста посозреана е како автор, последнава книга и беше навистина далеку од комерцијалната фикција во која беше навлезена со постарите книги. Има многу разлика од Збогум најмила (воопшто не ми се допадна таа книга) и Ветриштата, воочлив е напредокот.
А и не е она за тралалајки, има потенцијал и баш сакам понатака да се движи во некоја насока со останатите современици од типот на Вергезе, Кингсолвер, Дилија Овенс.

 

Шлагот на јаготката сум пишала.
Еве ја ставив, пообемна е, па нема да се брзаме секако.

 

Night Road

 

Таа ѝ беше една од најпопуларните книги, но јас не сум дел од фановите па не можам да кажам дека ја препорачувам.
Некако имав чувство како да читам две книги споени во една, не успеа да ме воодушеви. Воопшто не сакам таков тип на книги што се трудат да поентираат кај читателот вадејќи се на емотивната карта. Не се поврзав ниту со The things we do for love, ниту со The great alone. Вторава беше со прекрасен почеток, Алјаска, ова-она, ама ми беше како шпанска серија понатака...

Славејот, Ветриштата и Улица на светулките ми се топ 3 од неа.

 

Серијата не ме привлече ниту мене, мислам дека една епизода погледнав само и на тоа остана.
А ја имам Winter Garden и така ми стои на полица со години, сè уште не ми е прочитана. Прво ќе терам со новава, па здравје таму...ќе дојде и Winter garden на ред. Добра ли беше барем?

@ane.bella еве за да си ја симнеш.

 

Јас ја почнав, за чудо уште од почетокот ми е одлична и ме вовлече.

 

Ќе се случи ли некогаш нешто во книгава или до крај ќе биде вака...

Ја почнав и само првите три поглавја ми беа поинтересни, другово некако што знам. Прерано за заклучоци, предоцна за DNF. Е, така некако се осеќам во моментов.
Се надевам ќе се смени нешто, зашто вака како што е, воопшто не сум импресионирана. Другиве не ѝ беа до толку досадни бе луѓе.

Ај се искажав, може сега магично ќе ми тргне.

 

Јас сум до 40%. Има нешто, не е без ич, мене ми се допаѓа, ама е како што очекував, развлечено со многу повторувања. Значи океј, колку пати може да ги опише

Spoiler

искасапените војници и крвиштата, сфативме, војна е, ги разнеле бомби, сто пати истото.

Ама, верувам дека веќе втората половина ептен ќе тргне, како и другите нејзини книги, затоа и не ја оставам, терам до крај. И после ќе бидам, леле книгава, предобра.