Фемински κлуб на читателκи

Ја прочитав и јас Етернал, и единствена замерка имам за описите детални на све и свашта Немало потреба од толку страници и толку детали. Сите тројца ми беа убаво склопени мене, без Елизабета некако немаше толку да дојде до израз поврзаноста и пријателството помеѓу Марко и Сандро. Елизабета им беше како сврзник на двете приказни на Марко и Сандро. Крајот ми беше така ептен жален и ме погоди целата таа суровост на војната и неправдите спрема Евреите.
Не знам дали сум грешка ама мислам дека има филм по книгата Вода за слонови или?

 

Од книга што за малку ќе ја шутнев на крај ми испадна убава книга која за жал е многу развлечена и пре обработена. 3 пати менувам мислење за крајната оценка, прво и ставив 3.75 па ја намалив на 3.50 но некако не ми даваше срце да ја ставам на исто рамниште со Goodnight beautiful и со Firekeeper's daughter, знам дека не се ни од исти жанрови но убаво се сеќавам дека овие две ми беа толку замарачки што кога ќе прекинев со читање тешко се натерував да продолжам, а оваа и кога не ја читав ја мислев и едвај чекав да продолжам со читање, и на крај решив дека конечна оцена ќе и биде 3.75

Елизабета не ми беше досадна ниту пак ме нервираше и се согласувам со @violetblue дека баш преку неа ја видовме блискоста на Марко и Сандро, но од друга страна пак мислам дека не требаше таа да е главната личност на книгата, повеќе ќе одговараше да е Марко или Сандро.

Пред крајот ми беше ептен брутален, покрај сестра му можеше и мајката на Сандро да преживее.

@Mishela во нај кратки црти:
- Таткото на синот од Елизабета е Сандро, го носи името на татко му Алесандро и на кратко го викаат Сандро.
- На крај Елизабета се мажи за Марко, Марко го прифаќа синот како да е негов, и со Елизабета имаат уште една керка.
- На почетокот нели татковците на Сандро и Марко беа хард кор фашисти, но откако дојдоа нацистите и почнаа да се изживуваат со евреите многу нешта се сменија, Марко и татко му Бепе се бореа со партизаните против нацистите. Сите евреи од гетото ги однесоа во логор, вклучувајќи ги Сандро и татко му Масимо, а мајка му и сестра му " се спасија" оти во моментот беа во болница.
- Марко и Елизабета заминаа по Сандро и Масимо да ги спасат од логорот, Масимо нема да може да бега со нив оти му е повредена ногата и само Сандро ќе го " спасат" но само на кратко. Кога ќе стигнат на железничка за да си одат дома ќе има и наци војници, Сандро го фаќа паника, овие ќе препознаат, Марко ќе сака да пука во нив а тие во него, и во рој момент Сандро ќе скокне пред куршумот што е намемет за Марко и така Сандро умира. Елизабета и Марко мора да бегаат и ќе го остават телото од Сандро тука на железничката.
- Ден пред тоа беа убиени и мајката на Сандро и таткото на Марко.

Ја искасапив цела приказна но горе долу тоа е тоа. Девојки дополнете со уште нешто важно ако пропуштив.

Јас почнав Black sun да ја читам, ми фалеше една добра фантазија книга, за сега ми е многу интересна, ќе видиме за понатаму.
Ако ја прочитам на време сигурно ќе ви се придружам во наредната книга што ќе се избере, а ако не во наредната сигурно во таа по неа.

 

@Mishela епа го имам гледано филмот пред некое време го начекав на некоја програма, мислам дека не би ми била сега книгата интересна.
Епа да стави @RainBow анкета да гласаме?

Се извинувам не видов имало анкета за гласање, јас по насловот на темата гледав

 

Во спојчер ќе ја раскажам во кратки црти книгава, ако нешто сум заборавила @CameliaMiller i @ane.bella дополнете

Не ме бива многу за раскажување. Пишувам со прекини цел ден Се надевам дека ќе разберете нешто

Spoiler: Етернал

Прологот на книгата е како Елизабета го чека 13- годишниот син да му соопшти кој бил вистинскиот татко. Овоа беше некаде 1958 мислам.
Потоа се враќа околу 1937-8 година кога Елизабета, Сандро и Марко се околу 16тина години. Тие се најдобри пријатели. Елизабета е заљубена во Марко, ама не му го покажува тоа. Додека седи на ливадата после школо доаѓа Сандро и ја бакнува. Збунета не знае што да прави кој да го одбере
Фамилијата на Сандро се Евреи. Татко му е фашист и адвокат, мајка му е гинеколог, а има и постара сестра Роса.
Татко му на Марко бил велосипедист и сега има бар, тој исто така е фашист и се најдобри пријатели со Масимо, таткото ма Сандро. Мајка му Мариа работи во кујната на барот. Најстариот брат Емедио е свештеник, а средниот брат Алдо исто е велосипедист. Татко и на Елизабета е пијаница. Порано бил сликар, ама поради незгода ги скршил прстите и веќе неможе да слика. Мајка и е професорка по музичко. Ја има само на почетокот. Еден ден кога Елизабета ќе си дојде од училиште мајка и си заминува.
Елизабета работи како келнерка во еден ресторант. Газдарицата, Нона ќе се приврзе многу за неа и ќе се грижи како за своја ќерка. Таа сака да пишува статии во весник, ама после еден инцидент во ресторанот со татко и ќе престане да пишува. Татко и ќе почине поради оштетување на црниот дроб, а Елизабета ќе се пресели кај Нона да живее.
Сандро има талент за математика. Дополнително посетува часови на универзитот.
Марко неможе да чита и пишува, но се срами да го каже тоа. После еден говор во барот на татко му, го вработуваат како асистент во Партијата на Мусолини.
Брат му Алдо е антифашист и ќе го фатат и убијат додека пренесува пиштоли.
Сандро и Марко сфаќаат и дека двајцата ја сакаат Елизабета и почнуваат да излегуваат на состаноци со неа. Таа треба да одбере еден од нив двајцата.
Мусолини создава Race Laws за Евреите што им се ограничуваат многу работи. Сестра му на Сандро, Роса се сели во Англија и се мажи со Англичанец. Се обидува да ги натера и другите да се преселат, но никој не сака да го напушти Рим. Мајка му и татко му на Сандро ги губат работните места, ќе мора да се преселат од куќата каде што живеат и мора да продадат се што имаат за да преживеат.
Ни фамилијата на Сандро, ни на Марко не им дозволуваат да бидат со Елизабета. На Сандро бидејќи не е Еврејка. А на Марко бидејќи татко му имал афера со мајка и на Елизабета.
Елизабета го одбира Сандро, но тој ја одбива бидејќи неможе да и приушти добар живот. Почнуваат Елизабета и Марко да излегуваат и тој ја бара за жена. Таа е неодлучна и го зима прстенот да размисли. На денот на роденденот е спремна да каже да, но дознава дека фашисти му ги искршиле прстите.
Марко се “освестува” дека фашистите прават многу грешни работи и му се придржува на татко му и партизаните. Тие им помагаат Сандро и семејството за храна и пари.
Таму некој си Германски офицер им бараше 50кг злато мислам на Евреите за да ги остави да живеат во Гетото. Тие успеваат да соберат и среќни дека ќе бидат ослободени.
Роса се разболува и остануваат со мајка и во болница. Таа вечер Германците влегуваат во Гетото и ги собираат сите Евреи да ги носат во камп. Претходната вечер Сандро и Елизабета ќе завршат заедно (Елизабета останува бремена). Во болницТа ги заштитуваат Роса и Гена. Марко и Бепе се обидуваат да им помогнат на Сандро и Масимо ама не успеваат. Гена излегува од болницата и завршува кај Марко дома. Елизабета исто отиде накај Гетото да го побара Сандро.
Таа смислува план како да му помогне на Сандро. Еден од офицерите руча во нејзиниот ресторант и таа оди кај него да му побара услуга. Кога таа, Марко и Бепе се враќаат дома, двајца од фашистите ги фатиле Гена и Мариа. Ја убиваат Гена. Се борат Марко и Бепе со нив, ги убиваат, ама умира и Бепе.
Сандро и Масимо ги носат во камп. Елизабета и Марко одат да ги доасат. Успеваат само Сандро. Но, на железничката станица ги сретнуваат двајца Нази војници. Пукаат накај Марко, ама Сандро задрамува пред него. Го оставаат Сандро на железничката, а тие се враќаат во Рим.
Кога се враќаат Марко повторно и предлага на Елизбета да се земат и дека тој знае дека е бремена и ќе се грижи како за свое дете. Прават свадба, сите се среќни, bittersweet момент. Им се раѓа син, му го даваат името Алесандро како татко му.
Роса се враќа во Англија со Давид и имаат деца.
Марко и Елизабета имаат уште една ќерка. Елизабета напиша книга и кога ја заврши книгата, му ја раскажа целата приказна на синот и и кој му е татко.
Пред тоа заборавив да споменам додека Елизабета живееше со Нона и ноќта кога ја заврши книгата и сакаше да и ја покаже, ја наоѓа мртва во кревет.

 

Супер си ја раскажа Браво, јас погоре ја искасапив
Само мала поправка околу имињата, на старата името и беше Џузепина или нешто слично а Елизабета ја викаше Нона демек бабо, а мајката на Сандро се викаше Џема.

П.с. книгата има цели 143 поглавја што е многу многу е, никогаш не сум читала книга со толку многу поглавја.

 

Колку беа сите верни на партијата на почетокот. Кога Роза им велеше да емигрираат на време Масимо и Гема (Џема) беа одлучни дека Мусолини нема да ги изневери демек фашисти од прв ден на партијата се. А колку само ќе беше поинаку тогаш да ја послушаа. И Марко и Бепе колку беа разочарани од Алдо дека работел против партијата. За на крај партијата да им го уништи животот на сите.

 

Гласав за TFND ама гледам мнозинство сте за Influenced, да ја довршам The kite runner и таа ќе ја почнам.

 

Да, уште од почетокот единствен што беше во право беше Алдо и за жал прв беше убијан, а на татко му му требаше цела една војна да му го смени мислењето и да му прости на Алдо.

И јас тоа си мислев, само да ја послушаа Роса сите ќе се спасеа, но не и тие ептен беа заслепени, партијата им беше на прво место.

 

Да ја опишела Елизабета поинаку, да имаше некои подобри карактеристики може повеќе ќе ми се допаднеше. Ми беше многу млитава. Точно е дека преку неа најмногу се покажа вистинското пријателство на Сандро и Марко. Ама пак ми фалеше нешто плус кај неа.

Партијата ептен им го уништи животот. Толку доверба и восхит за нешто што на крај им ги растури фамилиите. Алдо беше најголем предавник според Бепе, долго време му требаше да сфати дека не бил виновен.
Им се пружија неколку шанси да се спасат. Можеа да побегнат, или Ватикан да ги скрие под друг идентитет. Беа премногу горди да ја напуштат заедницата. Особено Масимо и Гема, се чуствуваа од голема корист.
Го заборавив иметo, мислам дека беше Раби, кога им кажуваше на Масимо и двајца главни (ги заборавив и нивните имиња) на Синагогата да ги уништат документите за сите Евреи колку беа против. Да го послушаа само и него.
Имаа доверба во погрешните работи и луѓе.

 

Да, различни вкусови. Ама некогаш зависи и во кој период од животот ја читаш Може да ја прочитам уште еднаш ќе ми се смени мислење.


Ја симнувам и ја Influenced, ќе пробам да ја почнам вечер.

 

@ane.bella ја има на kindle unlimited книгата

се извинувам на три мислења по ред.

 

Немам unlimited ама не е проблем и киндл верзија е само 99 центи.
Само прво да ја завршам мојата што ја почнав, па ако уште се чита истата тогаш ќе ја сметнам.

 

Реин ако ја имаш прикачи ја, јас не можев да ја најдам. Ама и да ја нема пиратска, 0,99$ е, багатела

 

Да ја завршам The kite runner и ја почнувам.

Конечно најдов книга за ugly tears да си поплачам.