Феминско (филмско) фоаје - Poor Things

Реин, ја се испричавам, ми се помешаа брзините и мене од многу седење дома. Нели до пред Нова година биравме филм до петок, го гледавме за викенд и коментиравме од понеделник? Е па, ја уште по „старо“ си го сметам времето.

Ај, тој што не гледал, ваљда нема ни да прочита.

 

@RainBow повели за The Big Short торент:

https://kat.cr/the-big-short-2015-dvdscr-xvid-ac3-hq-hive-cm8-t11832126.html

А за Room нема асална снимка сеуште.

 

The Martian: Не сум некој љубител на вакви филмови, но сепак го изгледав филмов уште кога излезе. Иако не ги сакам ваквите филмови (самата тематика на овие филмови не ми се допаѓа), но сепак она што ми се допадна кај овој филм, а можам да го издвојам и по што мислам дека се разликува од другите е она како е претставена човековата борба за да опстане во живот. Самиот инстинкт на човекот и неговата желба за преживување и атмосверата која беше прикажана мислам дека беа прецизно доловени. Она што исто така ми се допадна во филмот е смиреноста на самиот актер, кој успева да се соочи со ситуацијата без да падне во некоја депресија, успева да го задржи своето расположение што мислам дека беше конечно во некој ваков филм главниот лик беше редно да го претстават така.

 

Најпрво, му симнувам капа на @Bender Rodriguez за анализите. Човеку, треба да прекинеш прв да пишуваш, зашто се' што има да се каже - кажуваш ти и после ние другите со подзинати усти остануваме.

Мене лично, ептен многу ми се допадна филмот. Особено што бев премногу разочарана од Интерстелар. Од Нолан се научив да очекувам многу, а филмов му беше, според мене, огромно промашување. Па затоа, како што гласи мојов цитат од другата тема:

>Прво нешто што ќе го кажам, со должна почит кон сите кои се огромни фанови на Interstellar: Луѓе, Interstellar може г**на да јаде во споредба со овој филм. Ајде обратно да одам, за да објаснам зошто. Пред се' затоа што настаните што се случуваа во овој филм беа далеку пореални отколку во Interstellar. Interstellar беше долг, досаден, сакаше да биде многу научно настроен, а врска немаше, се расфрлаше со научна терминологија и формули, па некои објаснувања... Освен тоа, имаше некои нелогични работи, а врв на сето тоа беше крајната сцена кога ќерка му на Метју МекКонахи е 80 годишна баба, а тој е млад (ОК, според настаните и објаснувањата не е нелогично, но колку е реално - тоа е друго прашање). Всушност, уште понелогично беше кога сам себе се гледаше во собата со книги и се обудуваше да искомуницира.

Овде, во The Martian, немаше такви заплети, немаше премногу нелогичности, се' беше објаснето на јазик кој може да го разбере секој нормален човек. Акцијата почна уште од самиот почеток, интересни пресврти имаше, многу добри замисли и колку што се информирав, најнеизводливото нешто во филмот беше оној момент кога Мет Дејмон ќе си ја дупне ракавицата за да може да стигне до бродот.

Музиката беше баш свемирска, ме потсетуваше на CIvilization - Beyond Earth, игра која многу ја сакам, додуша оваа верзија не ми е омилена, но такви беа звуците и таму. Тука беше и "so '80s" диско музиката, што ми даваше некој интересен шмек на филмов. Мислам дека Марс и условите таму беа доста добро прикажани. Мет Дејмон одлично се снајде во улогата, Џесика Честејн ја сместија во секој можен Sci-Fi филм, а исто така и Кејт Мара. Шон Бин имаше некоја кратка и споредна улога, ама барем не умре (фала ти Боже ), а Џеф Даниелс интересно ми изгледаше во сериозна улога.<

Тоа е дел од мојата километарска рецензија во другана тема, со некои измени, за да не се караме премногу (во врска со Интерстелар ), иако бев првата која рипаше да се споредуваат овие два филма. Ама гледам и дека има доста пристрасни филмомани, кои никогаш нема да признаат дека Нолан се зафркна овој пат и дека филмот не му чинеше (зашто и јас знам да бидам таква, па ги разбирам).

Што се однесува до Марсовецот, не сум верувала дека научна фантастика може да се направи да биде и забавна, а не само круто и роботски настроена. Филмов, иако во поголемиот дел Мет Дејмон си прави монолози, ми беше многу забавен, а уште позабавно беа изнесени некои научни факти. Како што спомна Бендер, муабетот со вселенскиот пират ми беше многу интересен, а имаше доста вакви моменти.

Зашто Американци, најјаки, тие се' можат сами и знаат најдобро, не им треба помош од никого, инаку тоа ќе биде понижување. Get it?

Па претпоставувам дека бил земен таму за да препознае можен растителен свет доколку го има и стручно да земе примероци од почви и слично. А понатамошните истражувања (бидејќи нели рекоа во една прилика дека носат тони примероци од Марс), најверојатно ќе бидат изведувани на Земјата. Сепак, копмирите што ги садеше, да, ги садеше во марсовска почва, ама другите услови беа земски.

Толку засега.

I'll be back!

 

Секако ми беше во план филмот,па супер се погоди со темава
Прва работа,не знам зошто правите споредба со Интерстелар,знам дека и двата се во вселена,ама во суштина се многу различни.
И да признаам,освен некои нелогичности,мене Интерстелар ми беше прилично интересен,гледано од забавен аспект,не научен.
Е сега,Марсовецот ми беше многу поинтересен.
Немаше патетика и драми,ниту премногу комплициран научен дел,разбрав што се дешаваше
Најдоброто е што ако размислиш,се беше возможно и одлично објаснето,освен она со ракавицата,што иако беше кул,не го сфатив како се реализира.

Музиката беше соодветна,имаше некои постари песнички што одлично се вклопуваа,како и оние вселенските звуци што ја правеа атмосферата возбудлива,како да чекаш нешто да се случи секој момент.
И се случуваше

Најинтерен дел ми беше хуморот и саркастичните досетки на Ватнеу,онака позитивно размислување,дека не е се така црно,иако реално,се беше многу црно
Мислам дека во тој дел се разликува овој филм од останатите вселенски,научно фантастики,пример како Гравити,што го мразам од дното на душата

И дефинитивно може да се пласира во номинирани за Оскар,не само од аспект на содржина,туку и за визуелните ефекти,одличната глума од Мет Дејмон и музичката трака.

Откога го напишав ова да се осврнам малку на вашите коментари.

Бидејќи ако малку размислиме,во принцип светот "doesn't give a shit that much" Само се преправа.Искрено јас и се зачудив што се потрудија толку,па дури и Кинезите се откажаа од својот проект за да му помогнат.Реално гледано,тој е само еден човек,а тие беа подготвени да жртвуваат 6 други и илјадници долари опрема,да не зборувам искористија опрема која требаше да служи за идни мисии.Не само тоа,ова да беше друг филм,ќе го оставеа таму,ќе се преправаа дека не го регистрирале и ќе ја заташкаа целата работа.Не би било прв пат,ниту па последен.
Ама овде навистина ги дадоа сите сили,па и работеа најдобрите научници,и се разбира,да се покаже силата на НАСА и Америка,сето тоа беше медиумски покриено,за добра репутација и да испаднат демек фер и поштени по секоја цена,без разлика на исходот.

Ова мислам и Феникс го има одговорено,ама еве пак.На Марс не може да се одгледуваат никакви култури,ниту пак растат некакви растенија.Нема вода,како што знаеме,а климата е безмилосна.
Тој одгледуваше компири во Хабот,создаде вода самиот и тие беа заштитени од ниските ноќни температури,се додека не му ја однесе бурата вратата од просторијата.
Најверојатно т.е моја претпоставка е дека негова мисија беше да зема примероци од почва,потоа да прави анализи на Земјата и да најде култури што можат да успеат таму,дури и да создаде некои хибриди и сорти,нешто што би било долга и истражувачка работа.


Мене друго не ми беше јасно,типот ботаничар,ама разбираше комплицирана инженерска работа,од квантна механика,до аеродинамика и астрофизика.
Сигурно тоа не го учат на тренинг.Освен ако се спомнало тоа некаде,а јас го пропуштив.
И она за хексадецималниот систем и едноставно фактот дека му текна дека постои таа машината Pathfinder,типчето изгледа беше со натпросечна интелигенција.
Ако беше некој друг од неговиот тим,не знам колку би се снашол.

Аа и заборавив,Џесика Частејн стварно ја ставаат во сите вселенски филмови,а во филмот иако севкупно 15тина минути,ич не ми се допадна.Командир,ама неодлучна и без цврст карактер
.
И за крај,неколку "quotes" од Ватни,мора да признаете,генијални му беа

Спојлер

Mark Watney: Okay, so let's do the math. I have enough food to last for 50 days. So, I'm going to have to science the shit out of this.
Mark Watney: I am the greatest botanist on this planet.
Mark Watney: Mars will come to fear my botany powers.
Mark Watney: They say once you grow crops somewhere, you have officially colonized it. So, technically, I colonized Mars. In your face, Neil Armstrong!
Mark Watney: I've been thinking about laws on Mars. There's an international treaty saying that no country can lay claim to anything that's not on Earth. By another treaty if you're not in any country's territory, maritime law aplies. So Mars is international waters. Now, NASA is an American non-military organization, it owns the Hab. But the second I walk outside I'm in international waters. So Here's the cool part. I'm about to leave for the Schiaparelli Crater where I'm going to commandeer the Ares IV lander. Nobody explicitly gave me permission to do this, and they can't until I'm on board the Ares IV. So I'm going to be taking a craft over in international waters without permission, which by definition... makes me a pirate. Mark Watney: Space Pirate
Mark Watney: I admit it's fatally dangerous, but I'd get to fly around like Iron Man.
Mark Watney: Alright, let me get a few things out of the way, right off the bat. Yes, I did in fact survive on a deserted planet by farming in my own shit. Yes, it's actually worse than it sound. So, let's not talk about that ever again

 

Јас мислам дека, како член што го праќа НАСА во вселена, треба да има поголема подготвеност од обичните ботаничари и научници што остануваат на Земјата. Еве, од она што го читам за мисиите на НАСА во кои се праќаат астронаути, астронаутиве треба да се запознаени со се' - од опремата со која располагаат, до се' во врска со вселенското летало (инженерски работи, технички работи, регулација на топлина и други параметри, ризиците по здравјето и како да се справат со истите), што значи, Вотни покрај неговата специјалност како ботаничар, дефинитивно имал тренинг, со оглед на тоа што филмот е доста реалистичен.

 

Дај и јас да кажам нешто, односно да ги извртам зборовите што вие ги кажавте за да изгледа дека имам opinion.
Јас не сум го гледала фамозниот Interstellar, така што нема споредби од мене, сега кога го кудите толку не знам ни дали да го гледам.

Ќе го кажам тоа што го забележав за овој филм, бидејќи не гледам многу science fiction филмови (не дека не ги сакам, туку што знам, не сум гледала многу). Не знам другите какви се, и имав очекување да си ги мачам ушите од непознати поими и си замислував луѓе пред комјутери како брзо зборуваат работи кои не можам да ги следам, и затоа некако го одбегнував филмов, ама по толкку препораки решив да седнам и да го изгледам и не згрешив.

Навистина интересен филм, ни во еден момент не ми беше досадно или да мислам дека ништо не се случува и само тапкаат во место. Не, како што реков, интересен, ми го задржуваше вниманието константо, за разлика од другите во последно време на кои често се фаќам како вртам низ телефонот и не го ни гледам филмот.

Јас и во рецензијата реков, она што особено ми се допадна (покрај одличните ефекти), е тоа што ги имаше тие комедични моменти, оние што ги спомнавте, еве Мар ги има цитирано. Мислам дека да не беше филмот така малку опуштен немаше да биде тоа што е.
Она што ми беше малку нереално е оптимизмот на Марк (така се викаше?). Сега, се наоѓа сам во пуста пустина, со ограничени залихи храна и вода, а тој прави смешки пред камерата. Малку нереално, но сепак забавно и не знам дали ќе беше подобро да не беше толку оптимистички настроен. Па што се жалам тогаш? Океј, нема врска.

Ова ми е прв филм со Мет Дејмон ако не се лажам и мислам дека е одличен актер, мислам, што му фали, дури се чудам што читам дека некои го мразеле. Зошто, имал некоја лоша улога?

Ти одговорија сите погоре, но да не останам покусо. Бедејќи Америка, секако дека е поубаво самата НАСА да си го спаси астронаутот, односно да си го исчисти ѓубрето што го направи. Немаше да биде толку јако ако се собереше целиот свет со заеднички сили, ќе се засенеше Америка.

Спојлер

Она што некако ми се провлече низ прсти за филмов е дека е направен според истоимениот роман од Andy Weir. Видов некои цитати од книгата кои ги нема во филмот, а баш се интересни.

И за крај:

 

Па чекајте малце другари, ја сум #TeamInterstellar. Немојте ве молам Марсовецов кој е само една обична холивудска приказна да ја споредувате со научно ремек дело како што е Интерстелар.

Да, Интерстелар е тешка научна фантастика, но само последните половина час кога влегуваат во коцката. До тогаш имате два часа Карл Саган напреден курс по астрофизика. Нема една работа која не е научно издржана, за разлика од Марсовецот кој растеше компири во песок без сонце, во лабораториски импровизирани услови кои меѓу другото откако му одлета „нивата“ му останаа живи и здрави уште 200 дена. Кои компири на земјава нема да скапат после месец дена? Сте заборавиле некогаш купени компири дома да видите какви стануваат после месец?

И како бе тоа одлета во вселената без капак на ракетата од Марс? Како преживеа песочна бура заради која цел брод го евакуираа на почетокот? Како со салотејп и фолија живееше на Марс и одржуваше притисок? Па ја со фолија и салотејп не можам доручекот да си го спакувам за на работа, а да не ми испаднат неколку трошки надвор? И жити све го ловеа у вселената откако он си го дупна тоа чудото од оклопот за воздух и управуваше со него. А овие другиве па импровизираат експлозии откако година ипол дена се возикаа од Земјата накај Марс и у задњи момент „еј извини дечко ми излезе нешто, не можам да стигнам на време“.

Ок, разбирам, треба да биде SCI Fi и тоа е сосема во ред.

Од чисто гледачко-филмски агол, мене ме задоволи. Мет Дејмон е сосема просечен, не знам како ќе брка Оскар за главна улога, ама они си знаат. Сепак, како целосно остварување е сосема задоволителен. Држи без проблем внимание, па дури и создава тензија на крај иако знаеш дека не може да умре Мет Дејмон. Затоа сакам unordinary режисери, кои не се срамат и плашат да ја сјебат приказната со нечија смрт. Можеа да направат да си одлета у празното, па да зборевме тука сега „како можеа, срам ги било, две години потрошија за џабе, бла бла...“

Мене ми се свиѓа идејата да ги гледаме оскаровците, па ако се сложуваат и другите, баш би ми било да ги искоментираме сите до еден.

 

I'm with @Captain-Omni on this one.
После Interstellar, филмов ми беше пародија.

Да не одовлекувам, America the greatest nation, saves the day.
Yeah, right.

Имам многу забелешки од филмот кои така фино би ги измрчила до крај, ама it's just not worth it.

Уште ја чекам оставката на директорот на NASA.

Live long and prosper.

 

Девојки, прво фала ви за одговорите – искрено, не очекував дека некој стварно ќе се потруди да размислува околу прашањава, кои ги нафрлав онака, колку да не испадне дека филмов нема ни една маана.

Е сега, пошто бевте така љубезни да ми одговорите, размислував у врска со моиве прашања и вашите одговори, па морам уште малце да промрчам.

У однос на моево прво прашање,

Се сложувам, држи вода ова. Но, ако више решиле дека спасувачкава операција треба да ја изведат сами и да демонстрираат јачина пред целиот свет, можеби требаше да ангажираат повеќе од 7-8 души, кои ќе работат деноноќно за да стигнат на време да ја спремат сондата. Можеби требаше да запослат армија од илјадници стручњаци и техничари кои ќе направат 2 или 3 сонди до крајниот рок, по принципот „нек има, нек се угоде“. Вака само ризикуваа да испаднат неспособни, како и што испаднаа, откако им се прееба таа едната, саката сонда што едвај стигнаа да ја склепаат.

Башка, ако целиот муабет беше US supremacy, зошто после прифатија помош од Кинезите? Некако, као да сакаа да испаднат способни и самостојни, ама и не сакаа премногу да се потрошат и позамараат околу тоа.

Да ти кажам искрено, додека го гледав филмов, си помислив – да се случуваше ова вистински, најверојатно ќе ја заташкаа работава, ќе ги избришеа снимките од сателитот и ќе се правеа дека не ги виделе и на никој немаше ни да му кажат дека овој успеал да преживее. Кога сме више кај ова...

Спојлер: ИДЕЈА ЗА ФИЛМ

Btw, еве блиц-сценарио за филм: Марк го оставаат случајно на Марс и после, кога ќе дознаат дека е жив, од очигледни и практични причини, го кријат тоа и не превземаат ништо. Мислејќи дека сигурно е одамна мртов, НАСА си ја испраќа наредната планирана мисија на Марс. Но, не знаат дека Марк Вотни успеал да преживее, јадејќи компири наѓубрени со сопствениот фецес. Од МекДоналсдс диетата, самотијата, зборењето сам со себе и од диско-музиката од 80-ите успеал начисто да забега, па откако ќе слета новиот екипаж на Марс, им се прикадува у станицата, таков разбушавен, прљав и забраден целиот, и почнува да ги убива еден по еден – за да се одмазди затоа што го оставиле на Марс, а и затоа што е нели, мрднат. Екипажот не знае што се случува, луѓето умираат еден по еден, се расипува осветлувањето во станицата, се бркаат во темница, паника и тензија на сите страни. Уште само за крајот не сум сигурен.

Hollywood, if you’re reading this, I’m ready to sign a deal!

Но, да се вратам на темата - овде као демек влијаеше и тоа што законски морале да ги објават снимките од сателитот најмногу за 24 часа, иако да бидеме реални, таква ситници како законски прописи не би им сметале премногу на САД in real life. Ама ОК, останува да се надеваме дека и во слична вистинска ситуација, би постапиле барем малку слично на ова што ни го сервираа во филмов.

А сега, у однос на улогата на Марк Вотни на Марс:

ОК, тука морам да елаборирам малце. Прво, ботаниката е, воглавно, теоретска наука и се занимава со растенијата од академски аспект: класификација, морфологија, структура, раст и еволуција на билките. Ако сакале да проверат дали почвата нуди можности за одгледување на некакви си земски култури, требале да пратат педолог; ако сакале практично да се обидат да засадат нешто во марсовски услови, требало да пратат агроном; ако сакале да модифицираат некои постоечки култури за подобро да бидат прилагодени кон атмосферата на Марс – биотехнолог, итн. Поентата ми е, во ниту една ситуација, праќањето на ботаничар на Марс не е оправдано и издржано.

Тоа е исто како да ја однесеш колата на поправка кај физичар, наместо кај механичар, пошто нели физичаров е запознаен со сите концепти на физиката и механиката.

Ботаничар би бил од корист на Марс само кога таму би имало флора, па да отиде човекот да си класифицира, категоризира и проучува марсовските растенија.

У секој случај, си стојам на мислењето дека чим слетале на Марс, требало да тури марсовска земја у неколку саксии, да буцне по еден компир во нив и да почне да кака во саксиите.

 

Него, доста гњавам со моиве прашања, да разгледаме малце и од тоа што го пишале другите.

Астронаутите на НАСА потекнуваат од најразлични професии – меѓу нив има воени пилоти, инженери, а во последно време и научници. Така да, од тој аспект, претпоставувам дека држи вода муабетот секој од нив да има различни познавања, на страна од космонаутската обука и обуката за основните системи на леталото и опремата што ја носат со себе.

Претпоставувам дека би било логично кога би се организирала мисија со луѓе за посета на Марс да се одберат the best of the best, најдобрите, најпаметните и најснаодливите. А бидејќи секој човек плус во екипажот е дополнителен товар и трошок за мисијата, би било логично и да најдат луѓе кои ќе се разбираат во повеќе од една работа, пред се од практичен аспект. Така да, мултитаскинг способностите на Мет Дејмон во филмов не ми беа премногу нереални.

Истото важи од аспект на „интересност“ на филмот – секако дека сакаме да гледаме натпросечно интелигентен момак со исклучителни problem-solving способности, кој се справува со сите можни ситуации и наоѓа излез од нив, отколку да гледаме некој ретард кој ќе седи во хабот и ќе чека да му снема јадење за да умре.

Идејата беше дека разликата во притисокот на кислородот во оделото, кој е приближно 0.5 atm, и оној на вакуумот на вселената, нешто ситно над 0 atm, ќе може да се искористи како млазен погон, откако Марк ќе направи дупка на ракавицата и нели, ќе лета као Ајронмен.

Проблемот со ова во реалниот свет е што произволно направена дупка на вселенско одело, со неправилен облик, не може да послужи како начин за движење, барем не во саканата насока. Она што ќе се случеше со Марк е следново: млазот на кислород кој излегува од оделото ќе предизвикаше да почне да се врти неконтролирано, во круг, и да се почне да се движи у некоја рандом насока. Вака некако:



Ама ОК, ќе им го простиме и ова.

Можеби беше нереално, ама мене ми беше освежувачки во ваков тип на филмови. За разлика од Робинзон Крусо, каде Робинзон го малтретираше јадниот Петко, со својот белечки moodiness или Том Хенкс, кој забегуваше со паметот и збореше со топката-Вилсон, доброто расположение кое го држеше Вотни, заебанциите кои ги правеше на своја сметка, како и со колегите од бродот, у комбинација со The Best Worst Disco Hits ми беа закон.

@Captain-Omni, мислам дека треба да го предложиме и изгласаме Интерстелар за гледање, ми се чини ќе има интересна дискусија.

Ќе ти реплицирам само за компирите:

Ако не се лажам, компирите скапуваат на земјата како резултат на бактерии кои нели, на Марс ги нема, па затоа и имаат „неограничен“ рок на траење - @Lady Phoenix нека ме исправи ако грешам, она беше по храната.

П.С. Го гледав (The) Experimenter пред некој ден - филм за експериментите на Стенли Милграм, па сакам да го предложам за некоја наредна дискусија. У контекст на The Experiment кој го гледавме, слободно можам да кажам дека може гомна да јаде у споредба со овој - и експериментот е боље и филмот како филм беше одличен.

 

I'd watch this, I'd watch this!

P.S. @RainBow, видеово опишува сѐ што сакав да кажам за филмот.
Фала ти што го сподели, I bow to thy creators

 

Можеби малку хаотичен ќе ми биде постов, ама ајде да се произнесам по некои прашања.

Многу ситничариш, па и ти. Добро е што бил ботаничар. Башка, од каде знаеш како им е организиран образовниот систем таму во Америка, па особено во НАСА? Може еден човек се разбира од повеќе сродни науки.

Бактериите, топлината, влажноста - тоа се главните фактори за расипување на било која храна. Може ќе се прашате и како не успеа да закачи некоја болест јадејќи ги покаканите компири? Епа не може да фати инфекција, затоа што на Марс официјално, сеуште нема живот, ниту пак услови за развивање на живот. Освен тоа, како прво, доволно е компирот убаво да се исчисти од почвата, а башка што после тоа и термички се третира, а како второ - ако не се лажам, ги складираше компирите на ладно, така што ниту можат да 'ртат, ниту може да скапуваат.

Она што треба повеќе да не' интригира е како преживеа само на компири во вселената? Зашто долго време беше таму, а компирите ги немаат сите потребни хранливи состојки за да не му се појави некоја состојба на Вотни. Имаат најмногу шеќер, па од нив може дијабетес да закачи само. Недостаток на минерали, на витамини, маснотии... Не пратев толку добро, да видам колку време му издржа другата храна, а колку време јадеше само компири.

Ама како и да е, филм е. Не може да биде се' точно, зашто и досадно ќе биде.

Го гледав завчера. Многу интересен филм. Само не сум стигнала да го рецензирам во темана. Може добра дискусија да излезе од него.

Па претходно пишав дека воопшто не е невозможно. Читав на интернет баш за обуките кои мора да ги поминат и познавањата кои мора да ги имаат астронаутите. Ќе се самоцитирам:

Интерстелар нема жива сила која ќе може да ме натера да го гледам по втор пат.

 

Луѓе значи имаше и пилешко и кечап човекот,не му беа само компирите.
АМа и да беа само тие,тоа беше при крајот,и кога се врати на Земјата сигурно имаше недостатоци на неколку витамини,видовте црвени кругови околу очите и значително ослабе,целиот беше рани и така натаму.
И компирите содржат најмногу скроб,не прости шеќери,што полека се разложува и не предизвикува дијабетес.

 

@Marossa затоа и реков дека не забележав внимателно, колку од времето му остана само компири да јаде. А баш скробот е многу лесен за разградување (особено кога немаш друго за јадење, нели правеше поделба на обороците кои се смалуваа се' повеќе и повеќе) до прости шеќери кога е „зготвен“. А простите шеќери, во основа се глукоза. А глукозата е таа што се регулира со инсулин и што прави проблем кога ќе се зафркне панкреасот.

Ама да не го тупам веќе.

 

Јас се филмав дека ќе го прегледам, што очигледно нема да се деси па да не се устручавам више од темава пуцам од сеќавање.
Ми се свиѓаа и режијата и музиката прилично многу. Режијата - пошо беше одлично скоцкан да не ги осетиш 2 и пол саатите, држеше неизвесност, имаше доза на мини шегички што го правеше самиот филм потол. Музиката пошо беше соодветна, дискретна. Зборам за музиката на сцените, цедињата од капетанката и јас ги осудувам како Мет . Неговата глума ми беше солидна, али ликот не ми беше некоја си ау бау тешкотија за да го прокоментирам глумењето. Не беше лошо и тоа е битно.

Барав сликичка од сцената кога го фати капетанката, кога беа обвиткани со црвената врвца, ама неможев да најдам, е многу ми се свиѓаше тоа како изгледаше и ми остави впечаток. Не ради емотивниот аспект него така за око.

Се мислев многу додека го гледав дали ќе заврши со среќен крај. Eве сега уште не знам што би ме допрело поише. Многу клише ми е ваков среќен крај, ама некој cheesy глас длабоко во мене ми вели дека му се допаѓал исходот на некој чуден начин. Ќе бев видно избедирана ако умреше Мет.
А да бидеме реални, во реална пракса, веројатно и ќе умреше.
Како што некој претходно спомна дека многу беше филмско сценарио тоа што не наканија за еден човек толку пот да вложат (читај финансии) ...може затоа што филм .

Крајот не носи во насока на размислување дека не треба да се откажуваме од безнадежни ситуациии, да даваме се од себе, ништо не е залудно, бла бла... не ми се збори околу очигледното.
Сакам да го прокоментирам оној внатрешниот нагон за преживување на човекот. Сам во вукојебина уште на сам старт вика: I am not gonna die here. И си го исполни реченото. Тоа е тоа што си го носиме во кодот од каменодоба и поради што никогаш нема да можам да ги сметам самоубиците за кукавици, туку тие се онаа отстапка која не се води од основен нагон. Поише ми е некој вид на сила него ли кукавичлок, ама се осеќам дека забегувам од дискусијава, па да си ги оставам јас ставовите настрана. Сакав само да кажам дека ми се свиѓа оваа мотивациона слика што сакаат да ни ја сервираат филмовиве, а гледам е доста доминантна и во номинираните за оскар....

Во врска со ботаничарството, премногу го преувеличија во филмов. Секој кој е во таа ситуација ќе му текне да посади тоа што има за да преживее. Јака муда, на др.мр.ср.гр.фр.рр. Ботаничар што му текнало да сади компир, браос. Останува да се пробаш, не треба да си стручен за садење и земјоделство.

Ова како што сум читала стварно го праат. Дали за намалување тежина (што чисто сумњам) или за да добијат снимки...не знам. Битно има во меморија нешто од некаде што сум читала дека праќаат предвреме, чија намена секако не е враќање заборавен астронаут, ама ете испадна во моментов да послужи.

Па здравјето и не му беше баш на завидно ниво. Нели при крај коа го облакаше оделото се забележување беше драстично ослабен, со рани, бавен... Шеќерите како храна за мозокот се најбитни за он да остане барем рационален, ако не најаден и здрав.

Исто. Не покажаа ни еден депресивен знак во периодот на престојот таму, што е малку неверојатно без употреба на дроги. Сцената кога си го издроби викодинот со компирот, мене ме влече на тоа дека он по малку си пафкал, ама ете режијата решила да ги пресече тие сцени.

Квиз прашање:
1. Како вие мислите дека би постапиле на негово место?
Јас гарант ќе скинев конци. Ќе бев чил првите (ајде да речеме) 5 месеци ама коа ќе ме рокнеше депресија мислам дека ме стонираше тука на лице место и ќе продолжев да вегетирам во коматозна состојба се додека не престанев и тоа.
2. А на нивно место? Кога се договараа дали да се вратат по него?
Јас мислам дека ќе гласав за не. Он нив не им беше другар, туку некого кого го запознале на почеток на патувањето. Ma да добро во 2 години ваљда и се удружиле, ама децата им мафтаат на камера, а овие одлучуваат за опција да можеби и умрат. Да беше сигурно дека ќе преживеат ајде, ама вака... што знам. Можеби пак само сум посебично копиле од нив.
Најпрво уствари и сето тоа губење години од животот и сепарирање од се земско, за да идам да бркам ѕвезди мене ми е несфатливо. 5 години да фрлам у вода, деца да ми испораснат, да ми испоумре фамилија, друштвото да ми се изнапие без мене...? ОД научен аспект, да. И фала им. Од една страна им завидувам на таквите умови, жртви за нешто поголемо, ама жал ми е за се она што го губат. Пак ќе речам: очигледно не сум некој си совршен карактер. Среќа што има некои кои не размислуваат како мене, па ни напредува човечката раса, а јас си останувам тука пред компјутер, 2 сати да мрсам муда за филм на форум . Ох туго..





Петок еееее... што праиме со анкетата? @RainBow ? Предлагам јас ако ги миксаме оскаровските да го стаиме освен тој Експрерименталниот, и овие што Променета ни ги посочи, ако не, ништо после на обичните неоскаровски избори.
Инаку и јас како Сењор Родригез мислев дека е стара шема, викендски да се глеа, од понеделник да се коментира...Имаме измени?

п.с.

Фала ти Променета .
Те чекаме да ни се приклучиш во скоро

 

Experimenter е добар, може да се дискутира за човековата природа од социолошки/социјален аспект.

Inception може да иде оваа недела, па после Black Swan. Како сакате. Моите предлози сеуште стојат, на претходната страна можеби се веќе.

Еве ги, од претпретходната страна. Lobster само го вадам од листава, ужасен беше. И Марсовецот веќе го изгледавме.

Ајде и други нека даваат предлози.

 

Знам дека се разградува скробот на прости шеќери,ама мислев побавно се разложува во крвта.Нели простите шеќери и општо чиста глукоза имаат повисок гликемичен индекс и побрзо го креваат шеќерот во крвта и затоа и даваат инстант енергија

Нема врска,битно Вотни е жив и здрав