Феминско (филмско) фоаје - Poor Things

@Bender Rodriguez муабетот со шифрата и мене ми падна на ум. Има некое чудно чуство што ме тераше да го догледам. Плус некаде прочитав пред да го гледам „детето ќе се врати во собата“ и цело време очекував пресврт ама испадна само соочување на крајот.
Мене ми се допадна, небообичаен филм ама мислам не заслужува волкаво внимание.

Селфлес ми е каде каде подобар филм, ги гледав со неколку дена растојание па затоа ги споредувам.

 

Мене многу ми се допадна филмот.
Сепак на крајот е прашање на вкус.
Лично мене она сценарио ми е најголемиот хорор што можам да го замислам! Значи само што почна филмот ме лазеа морници и се чувствував многу возбудено.
Многу се поистоветувам со карактери во филмовите и не можам, а да не размислам што би правела јас во таква ситуација. И одговорот ми беше јасен дека ќе се самоубијам по одреден период.
Жалното е всушност дека стално има трошка надеж во нас и тогаш кога сме на дното. Дека ете ќе се случи нешто некој ќе не спаси итн и мислам дека тоа е тоа што ја оддржа мајката во живот.
Ликот на мајката ми се допадна. Јасно се гледаше како сите тие години влијаеле врз нејзиното психичко здравје. Мислам дека беше многу реално прикажано тоа. Сепак не можев, а да не се восхитувам на нејзината сила и храброст.
Не ми се допадна тоа што на детето и имаше кажано дека собата е светот и дека се на телевизија е измислено. Иако можам логично да го разберам тоа, дека се чувствувала како да никогаш нема да излези од собата па затоа и го направила тоа. Морничаво беше баш. Онака да пробаш да замислиш дека се што постои е една единствена соба. Страшно.
Детето ми е преееееемногу слатко! Душа. Некој нагоре искоментира дека било разгалено, што е логично нормално. Тоа не беше ни свесно во каква ситуација се наоѓа и сепак дете си е дете. Мајката се обидуваше на секој можен начин да му обезбеди што е можно по нормален живот. Многу беше интересно кога излегоја надвор и се му беше ново и возбудливо.
Друго сакав баш да го видам апсењето на киднаперот. И малце повеќе за тоа. Сакав едноставно да видам дека ќе плати!!!
Многу бев потресена од филмот и морам да признам дека половина филм плачев хаха.
Вакви работи страшно ме допираат и мене многу ми се допадна филмот иако морам да се сложам со повеќето тука дека не беше нешто многу многу посебно.
И искрено мислам дека можеби и не може да се мери со другите оскаровци- барем тие што ги имам гледано. Некако сите ми беа многу подобри во сценарио, труд, актерски екипи...
Без разлика на оскарите, филмот многу ми се допадна и на крај ми е мило што го гледав.

 

Според насловот и краткиот опис на ИМДб, очекував нешто здодевно, монотоно, бавно и навистина, филмот беше таков.

Мислев дека детево е женско, потоа дознав дека е машко. Добро е што подоцна човекот кој го виде детето и му помогна рече девојче, бидејќи си мислев дека јас сум единствената.

Почетокот е прилично неинтересен. Ги прикажуваат како живеат, во каква ситуација, што додава на приказната, но сепак мене ми се причини некако многу долго. Дури околу 20-25 минути подоцна почнува да се случува нешто. Очекував нешто повеќе од приказната за нејзиното затворање.
Интересно беше како таа му објаснува што е вистина, со телевизијата.

Откако се спасија, мислев дека од некаде повторно ќе се врати Олд Ник и ќе ги врати назад, но потоа се сетив дека гледам драма. Се помешав со трилери, во последно време само тоа гледам.
Штом веќе се спасија, треба нешто да се случува, што е следно, ќе има ли некаков проблем, но повторно ништо, уште еднаш здодевно.

Е сега, Олд Ник. Човекот кој ја затворил Џој, поради која причина не знаеме. Требало да дадат барем кратка позадина зошто го сторил тоа, дали имал некоја посебна причина. Не се знае кој е тој, која му е целта, што сака да направи. Ниту пак го дадоа на крајот, да објасни зошто го сторил тоа.

Очекував повеќе обиди за бегство, но два беа сосема доволно, со оглед на тоа дека е поважно она што се случува надвор од собата.
Е, сега, дека Џек направил "thrilling discovery" , јас не видов ништо од тоа. Само се запознава со светот и сфаќа како нештата функционираат. Всушност, кога ќе размислам подобро, за него лично, е огромно откритие.

Каква беше врската меѓу Џој и нејзините родители? Единствено прегратката во болницата, друго нешто кое барем малку ја објаснува ситуацијата, се до караницата со мајка, нема. Зошто таткото изреагира така, зошто не можеше да го погледне нејзиниот син?

Кога ја прашуваа за телевизија, мислев дека ќе раскаже како живеела таму, која е причината за тоа, но тоа не се случи. Се зачудив кога ја прашаа дали размислила да го даде Џек да го однесат. Дали таа всушност го помислила тоа. И таа во тој момент сфаќа дека доколку го пуштила да го изнесат од собата, колку неговиот живот би бил различен, сфаќа дека и таа на некој начин е причина и влијаела зошто Џек бил со неа во собата. Но, сепак никој не гарантира дека Ник би го однел детето во болница или на сигурно место и дека нема да го повреди.

Во последните 30 минути, навистина ми здодеа, едвај чекав да заврши.
При крајот, кога го донеа кутрето, си помислив конечно нешто интересно.

Не ми се допадна филмот и предолго траеше. Според мене не е ниту за номинација, а камо ли пак за Оскар.

Сега да исчитам се што сте напишале за филмот. Прилично сум сигурна дека ќе пронајдам одговор на неколкуте прашања кои ги поставив.

Ќе се обидам да ве дружам повеќе.
Ова ми е една од омилените теми, обожавам да ве читам. Дури и кога го немам гледано филмот кој се коментира, сакам да прочитам што сте напишале, но некако се воздржувам.

Поздрав до филмоманите.

 

@RainBow јас моментално немам некој посебен предлог. Освен да се навратам поназад и повторно да изреферирам што сум предложила, а не било гледано.

Другиве друшки некако слабо даваат предлози.

П.С. Sicario, Solace, Ingloriuous Basterds, Black Swan, Inception и уште некој од тие во анкетата, да има поголем избор.

Овие ги откопав од последниве страни

 

Можда Pawn Sacrifice и/или The Walk? Не сум гледал ниеден од нив, ама у план ми се.

 

Би го предложила Regression, само не знам дали веќе сте го имале како предлог

 

Exposed?

 

How to Be Single

 

Јас исто како и @Bozica1980 би го предложила Exposed.

Излезен е во HD, го гледав пред недела дена и му недостигаа многу нешта за да биде добар.
Баш сакам да мрчам за овој филм.

Инаку, го изгледав The Illusionist и ги читав мислењата за филмов. Во план ми се сите филмови кои се коментирани да ги изгледам и цела тема да ја прочитам.

 

Како пресмета, ако не е тајна?

 

леле... Искрено, не го очекував прашањево, ама кога седнав да ти одговорам, сфатив дека сум направил утка у втората пресметка, т.е. не сум ги одзел сите комбинации кои не влагаат у шаблонот, така да, thanks for that.

Вака - прво, вкупниот број на можни 4-цифрени комбинации од 10 бројки (од 0 до 9) е 10000 - тука нема некоја посебна филозофија. Почнуваш со 0000, завршуваш со 9999, тоа ти се 9999 цифри/комбинации, плус уште една (0000, нели), т.е. вкупно 10000.

Мојата теорија (заснована на она што го слушав додека Ник ја внесуваше шифрата) беше дека првите две цифри од шифрата беа исти, а вторите две беа различни - и од првите две, и меѓусебно. Исто така, комбинации кои содржат 3 или 4 исти цифри исто така испаѓаат од игра. Што значи, првите цифри мора да бидат 00--, 11--, 22--, итн., а вторите две не смеат да ги содржат првите две (на пр., у комбинацијата 00--, ни 3-тата ни 4-тата цифра не смеат да бидат 0, а и не смеат да бидат исти меѓу себе).

Колку за пример, у низата бројки кои почнуваат со 00--:

0010 0011 0012 0013 0014 0015 0016 0017 0018 0019

оние означени со црвено испаѓаат, зашто не се уклапаат со зададените критериуми - у првата се повторува една бројка од првите 2 цифри (нулата), а у втората, се повторуваат вторите 2 броки. Што значи, од вкупно 10-те можни комбинации, само 8 го исполнуваат критериумот.

Вакви комбинации кои почнуваат со 00-- има вкупно 72 - 8 у низата која содржи единица како 3-та цифра, осум у низата у која двојката е 3-та цифра, итн. до низата у која 9 е 3-тата цифра, односно вкупно 9 низи. 8 цифри по 9 низи е 72.

Ако ги собереме низите кои почнуваат со две исти цифри, 00--, 11--, 22--, итн., завршувајќи со 99--, добиваме вкупно 10. Што значи, 72 х 10 = 720 можни комбинации (т.е. уште помалку од мојата претходна, утната пресметка од 810.)

720 комбинации х 3 секунди за секоја = 2160 секунди, односно „цели“ 36 минути.

Тоа би била пресметката, мање-више.

 

Фала на исцрпниот одговор, ми разјасни некои работи.
Кока-Кола за тебе да се освежиш

 

Јас не стигнав да го гледам Рум. Возот ми пројде што ми пројде, ама се оградувам од коментариве пошо можеби ќе се потрудам да го изгледам во скоро и ќе ве препрочитам тогаш.

Само што некако климава ми е работава и за сега со жалопојќиве....

Дојдов само да го оставам предлогов што го гледав сега скоро, нека седи за следна прилика, за да не го заборавам... Selfless




п.с.

А јас не сум душичка да си се насмеам?

 

Brooklyn, a?

А бе, вие сте решиле да ме откажете од темава.

Ај, ќе размислам дали вреди да се гледа ова чудо, па може и ќе пишам импресии.

 

Уште кога видов дека овој е изгласан, знаев дека нема да ви се допадне. Straight up, јас го ставам во ист кош со Room, ко што рече ти, типично оскаровско филмче, според сите прописи.

Но, се надевам дека ќе го изгледаш, има нешто посебно во твоите мрчаторски мислења што ме тера да се смеам дури и кога ми се допаѓа филмот. Знам дека ќе се мрчаторски, освен ако не си некој таен обожавател на романса и тажаленки.

 

Што е работава? Нема ни еден коментар сеуште.

Ајде сега сите што гласаа за филмов, да се нацртаат тука на дискусија!

 

Е така, убаво им кажа @Lady Phoenix .
6 гласови, а досега ниту едно мислење.

 

Еве, еве, јас прва ќе сум Додуша, не знам што да кажам, воопшто ништо посебно немав впечаток за филмов.

Очекував да е мех филм, со различни светлосни агли и длабоки погледи во далечина, како Room. И токму тоа и го добив. Демек многу емотивно нешто, имав чувство како некој да ме давеше и да ми велеше „Растажи се! Те допревме ли? Емоционален ли е филмов? Многу е тажен нели?“ Е, не, не ме ни допре, ни ми растажи. Туку ме направи да се почувствувам себично што уопште не ме погоди смртта на сестрата, која впрочем еднаш дали ја дадоа во филмот, јас се сеќавам само кога се испраќаа на бродот. И не сфаќам што беше толку трагично, направено е повеќе да те фати жал за хероинава оти демек сега нејзе ѝ е тешко и се наоѓа на крстосница, а не за самата сестра што умре.

Е вака. Воопшто не сакам филмови кои го ставаат главниот лик да одлучува некои тешки ситуации, при кои прави ужасни одлуки. Уште кога умре сестрата знаев што ќе се случи, па уште кога изникна овој ергенов што ја засака во Ирска, како да знаев дека ќе ја оплеска во стилот ќе мисли многу и ќе сфати дека Америка не е нејзиниот дом и дека тука припаѓа дрн дрн, демек се прелажала, и после на крај секако пак ќе остане со Американецот со некоја глупост пример, ќе дојде во Ирска и ќе ѝ свири серенади и таа ќе си ја исправи грешката. Знам, претерав, секогаш го очекував најлошото од филмов.

Сепак, не испадна така, и нашата Ејлиш си ја исправи грешката уште пред да ја направи и одлучи да го остави ергенот да си ја брка среќата и да се врати кај lover boy во Америка. And so, they lived happily ever after. Јеј, сега можам мирно да спијам.
Ме потсети на филмовите според книгите на Николас Спаркс, хероината е нормална, секојдневна девојка (иста како мене и тебе ), која сака да си ја најде својата среќа, т.е. lover boy во Америка. But, life sucks па така хероината ја ставаме пред испит, ова или она, направи ја правилната одлука. Хероината избира погрешно и сè се сплеткува уште повеќе, на крај си ја исправа грешката. The End.
Во овој филм не беше така, па затоа е на некое малку повисоко ниво од тие филмови.

Како што спомнав, не ми се допаѓаат такви ликови, нестабилни, наивни, добрички, душички. Не, сакам да видам нешто невообичаено на филм, такви во животот ги има со лопата да ги ринеш.
На крај, поентата е што не видов ништо ново од филмов, сè веќе бев видела досега, затоа и не знам зошто му дадов осмица, кога реално па и не заслужува.

Некако како да ми е тешко да им влезам длабоко во суштината на филмовите, постојано пишувам како од далеку, гледајќи ја целосната слика. Ќе ми простите за тоа.
Ете сум јас, ги чекаме преостанатите 5.

 

Не го изгледав филмов, не од инает, или за да ви го бојкотирам неделниов избор, него затоа што немав доволно ни време, ни волја за да го гледам. А сега пишувам само за да ја потсетам @RainBow дека може да се постави нова анкета, за да го фатиме викендот за гледање – може и истата, само без Бруклин.

That being said, и јас ќе прашам зошто од 6 гласа за Бруклин, добивме само едно мислење за него? – нешто што, да бидам искрен, и не ме изненади премногу.

Искрено, не ги сфаќам луѓето кои гласаат во темава, а немаат намера да го коментираат филмот за кој гласаат, а можеби дури ни да го гледаат. Што е поентата на ова? И зошто побогу го правите? Прашањава не се реторички, навистина сакам да знам и се надевам ќе ми одговори некој од гласачите од Пустец кои ги има на темава.

Мојата замисла за темава е да гласаме за филм со таква содржина која ќе поттикне некаква дискусија. Што значи, не мора секогаш ни да биде добар филмот – пошто има филмови кои се стварно добри, ама едноставно освен коментар од типот „Филмов е закон!“ нема простор за некоја друга дискусија или дебата.

Главното е да има за што да се дискутира по гледање на филмот.

Океј, се слагам дека кога се работи за нов филм, кој повеќето не сме го гледале, не можеме да знаеме дали ќе има за што да се дискутира или не. Ама да не се лажеме – дали некој стварно помисли дека во филм како Бруклин ќе има нешто вредно за пишување или дискусија? Ја лично, не верувам во тоа и затоа и се чудам зошто побогу имаше најмногу гласови.

Ете, добивте доза мрчење од мене и неделава, иако не за филмот.