Новата анкета е поставена. Исфрлени се филмовите кои не добија гласови, другите остануваат во конкуренција. Време е за гласање!
Butterfly on a Wheel Филмов го имам гледано најмалку два пати, а поради мојата слаба меморија за филмови, и двата пати успеа позитивно да ме изненади. За мене, Butterfly on a Wheel трилер кој е барем на неколку нивоа повисоко од масата други филмови од истиов жанр. Почнувајќи од симболичниот и поетичен наслов на филмот, инспириран од стих од Александар Поуп, преку сценариото, и завршувајќи со актерската екипа, филмов оддава чувство дека е над просекот, дека се издвојува од другите. Ама и покрај мојов впечаток, на IMDB нема којзнае каква оцена. Она што спроред мене го прави Butterfly on a Wheel да биде добар филм е тоа што умешно успева да искомбинира неколку различни приказни во себе – приказна за киднапирање на дете (најголемиот страв на секој родител), киднапер кој изгледа дека не е мотивиран од финансиски, туку од садистички побуди, приказна за неизвесност и незнаење, приказна за лудак кој презема контрола над вашите животи терајќи ве да правите незамисливи работи, приказна за неверство и приказна за одмазда. И сето ова проследено со голем број на неочекувани пресврти. Другото нешто што ми се допадна е тоа што филмов од самиот почеток ве закопува пред екраните и не дозволува да ги тргнете очите ниту за миг, не ви дозволува да здивнете ниту на момент. Има одлично темпо, комбинација од напнати сцени проследени со (навидум) моменти на олеснување, за веднаш потоа повторно да ви го крене нивото на адреналин. Нема да навлегувам во приказната, затоа што ако сте го гледале филмот ја знаете – прилично е straightforward, не остава простор за нејаснотии и различни толкувања на настаните. Тоа е тоа. Приказната како приказна не е без свои маани, но самиот филм не ви остава премногу време да размислувате за нив или да ви пречат – едноставно, едвај чекате да видите што ќе се случи следно. На крајот од краиштата, за мене тоа е и поентата на филмовите. Филмот е и уметност, неоспорно, но она што мене ми е најбитно кај еден филм е да ми го задржи вниманието, да биде оригинален, да може да ме изненади, да биде интересен и пред сѐ – забавен. А Butterfly on a Wheel ги исполнува сите овие критериуми. Покрај ова, тука е одличната актерска екипа – Марија Бело, Џерард Батлер и Пирс Броснан, кого овде го гледаме во (за него) несекојдневната улога на психопат и негативец. И одлично му стои. Butterfly on a Wheel жив доказ дека за да се направи добар филм не е потребен огромен буџет и цел куп познати холивудски фаци. Доволни се 2-3 добри актери и оригинално сценарио.
Добро филмче Ми се допадна многу, најмногу поради крајот кој ме изненади искрено. Цел филм онака напнат, не знаеш што ќе се случи, не знаеш зошто. Јас мислев дека ќе биде обична предвидлива приказна, му го упропастил на типот животот, изгубил поради него и работа и жена и се па сега му пукнал филмот и се одмаздува. Мислев дека ќе биде тесно до крај, дека едвај ќе го спасат девојчето и нормално среќно ќе си живеат посилни и посплотени..... ама не Убаво си го доби лигушкото, макар што можело и поубаво да си го добие, ама ај
Филмчево е топ ^ Барав трилер некој, и си викам ај чекај да видам што избрале во ффф. Добар избор на филм. Pierce како и секогаш, одлична глума. And отсекогаш ми бил симпатичен. Филмчево на почетокот не ми беше нешто, ама со секое дејствие т.е барање на Том , повеќе внимание обврнував. Знаев дека има нешто повеќе, нешто подлабоко во сето тоа ( ама ни на крај памет уште на самиот почеток не би ми текнало дека овие двајца имаат договор). Прво, мислев дека колегата од Нејл го најмил Том со цел да му се одмазди, се додека не дојде моментот кога отиде Нејл во полиција. Тогаш почна да ми се вртка низ глава: -" А, замисли жена му и овој Том имаат склучено некаков договор" Ама ова само беше сомнеж. Цело време и се сомневав дека бејбиситерката ја однела ќеркичката Софи. Дефинитивно секоја чест на Аби и Том Добра одмазда направија. Ама сериозно ли Нејл се извади со Карл ?? Ни ја не би му верувала, макар и да не би имала некаков си договор. Ех, мажи мажи Искрено малце паника ме фати кога беше качен на врвот на часовникот. Неговата фобија, е и моја Толку се препотив, замижав дури. Стварно не можев да гледам колкy високо само беше. Се осетив ко да бев јас во тој момент, таа сцена, на тој врв и на таа височина Сума сумарум, 10ка од мене има филмчево. За наредено го предлагам : The Invisible Guest (ако веќе сте го имале, извињавам се )
И мене двaпaти ми е гледaн oти ми е еден oд oмилените. Сaмo сегa не би гo гледaлa пoвтoрнo oти и втoриoт пaт е вишoк, кoгa ќе се изгуби неизвеснoстa веќе не е тoa -тoa. Плус сегa пoвoзрaснa сум и не гледaм тaкa трaгичнo и дрaмaтичнo нa Spoiler: Не oтвaрaј aкo не ти е гледaн изневерувaњетo пa мислaм декa беше претерaнo и можеше да заврши трагично доколку сопругот (не му го паметам името) изгубеше нерви пример...oвa oд стрaнa нa прикaзнaтa. Инaку дoбрa глумa, дoбри aктери, нaпнaтo и непредвидливo дo крaј, не знaм другo штo дa кaжaм
Јас го предложив и го изгледав ама никако да најдам време да шкртнам нешто. Бидејќи веќе сте искоментирале јас само ќе кажам едно-предобар филм со уште подобар крај. Постојано ми го задржуваше вниманието и ни на момент не беше досаден. 10ка чиста од мене
Новата анкета е поставена. Додадени се The Invisible Guest на @IronLady и Baaria на @boomsleng. Време е за гласање!
Знаев дека ми е познат од некаде, ама све си мислев дека е од „Последен филм и кратка рецензија.“ Ај ќе го убацам Wonder Woman како џокер наместо Contratiempo, да промовираме малце феминизам.
Кога ќе заврши анкетава, а и рецензиите да предложам: Children of man Spoiler Ми се свиѓа во филмов, ептем. Долго го гледав, на рати. Можда со недели..можда и месец ме фати ама, толку ми е концетрацијата за филмови периодов.
Најмногу ми фали оваа тема од сите кога немам време за форумов . Да не останам покусо, и јас да предложам филм. http://www.imdb.com/title/tt4481414/?ref_=nm_flmg_act_5 Освен што естетски ги задоволува сите критериуми ( Chris Evans ) , ми личи ко да има подлабока приказна и порака. Ајде гласајте го, па да го гледаме
Јеееј, конечно филмче за кое имам гласано Ми беше на листата за гледање, само чекав добра снимка. Глумицата физички многу ме потсеќа на Бела од Твајлат па дури и во некои движења а глумецот секогаш кога ќе се појавеше во кадар ми беше како fresh air on a Tuesday in May (знам, треба да ја почнам Sense8;)... Покрај глумецот, плакнев очи и на еротските скици на Густав Климт. Упорно си мислев дека е лесна романса ама после првите триесет минути атмосферата не ми штимаше. Божем насловот не беше доволен... Пропратно имаше некои интересни детали кои наговестуваа што следува. Клер е вљубена во нацистичката архитектура на Берлин што на еден начин дискретно ни ја открива скриената природа на Енди (рестрикции на слобода; sидови). Човек што пораснал во суровата средина на DDR и никогаш не простил на мајка му што го оставила развивајќи на некој начин омраза кон жените (посебно колешката, хехе). Насловот се однесува на Стокхолмскиот синдром - еден од најголемите психолошки феномени кои настануваат во ситуации кога доаѓа до зближување на жртвата и сторителот. Веќе обработена тематика во постари филмови, најсвежо нешто што паметам е Room (2015) ама она што не го знаев е дека овој филм е базиран по истоимениот роман на Melanie Joosten. Којзнае дали е верен на пишаното. Сè на сè, ми се допадна стварно. Имаше доста симпатични кадри и хемија меѓу глумците (добра му беше фората со „contemplate“). Некои сцени дефинитивно не беа потребни, филмот долг ми се чинеше ама добро. Се надевам дека почесто ќе ми победуваат фаворитите за почесто да се дружиме. Бидејќи чесно си го заслужив правото на глас, мојот предлог за следната недела е Raw (2016).
Искрено за филмов не знам што да кажам, ни ми се допадна нешто ама не ми беше ни лош, едноставно рамнодушна ме остави најверојатно дека приказната ми е веќе видена... иако за момент си помислив можеби ќе има некој пресврт на крајот меѓутоа испадна предвидлив, успеа типката да се спаси и тоа...
Еден од најнапнатите филмови што сум ги гледала... На моменти досаден и предвидлив, но според мене многу поучен, да не веруваш на некој што ќе го сретнеш на улица... Одлична глума на актерите, Макс Риемелт ми е омилен
Како да е време е за нова анкета, а? Што викате? Додадени се Everything Everything на @iloveyou29, Raw на @DzingrlakaDzikica, Gifted на @Jason123, Children of Men на @zhap4e и The Unknown Woman на @boomsleng. Се надевам не испуштив некој, доста нови предлози има за овонеделната анкета. Осеќам, ќе биде интересно. Време е за гласање!
