Инспириран од дискусијата во "Црна хроника" и постот што го видов од "Слободен печат", решив да ја отворам темава. Спојлер: Пост од СП Прво сакав да искоментирам на оваа тема, ама не можев да најдам, па решив јас да отворам, а мислам дека после сите случувања, потребна е. Иако фемицид претставува убиство на жена само затоа што е жена, според мене е многу повеќе не само убиство, било каква врста на насилство или омраза кон жена само затоа жена е фемицид.. Јас иако како маж не сум сум директна мета на фемициди, сум опкружен со жени кои ми се битни во мојот живот и не знам колку после сите случувања се безбедни.. Проблемот не потекнува од едно место сигурно и нема преко ноќ да се реши.. Прво најголем пропуст гледам во институциите, после може и секој од нас имаме придонест во истово, кој со не реагирање да не се меша, кој поради себичност "Ако мене ми е добро зошто да се борам за друг"... Исто не знам дали кај нас има организации/куќи кој што згрижуваат жени жртви на насилство (не знам стручен термин), знам во Србија има, знам и како функционираат, ама за Македонија немам слушнато.. Што вие мислите на темата? Каде го гледате најголемиот пропуст за толкав пораст на фемициди? И покрај толку закони кои што треба да ги штитат жените, се враќаме назад и се доближуваме до земјите кај жените уште се третираат како материјал, а не човек..
