Препорачајте книги, видеа, документарци, емисии, сè што сметате дека е добар извор за повеќе да се научи за физиката, со тоа што ми треба лесен пристап за почеток. Нешто као физика за dummies. Како да почнам, а да не се збунам и демотивирам?
Ги имам решенијата, проблемот ми е што не знам како да почнам со решавање, како да знам што формула да употребам итн.
Ќе се обидам накратко да ти дадам совети за како полесно да се снаоѓаш со задачи. Пред да почнеш да решаваш, мој предлог е да ги запишеш основните закони/формули кои се дел од областа што ја учите, да знаеш што значи секоја буква во истите, потоа познатите вредности дадени во задачата, и на крај тоа што е непознато. Најважно, немој да заборавиш да ги смениш мерните единици доколку не се зададени во основни мерни единици. Како што гледам од двете задачи, учите за хармониски осцилации па првиот чекор е да се запишат соодветните формули. Во првата задача има пружина како осцилаторен систем, и скоро секогаш кога станува збор за пружина ќе треба да го користиш Хуковиот закон, тоа нека ти биде појдовна точка. Формулата е F=kx, каде к е коефициент на еластичност на пружината, а х е отстапувањето од рамнотежната положба (издолжувањето). Од задачата ја знаеме масата, силата F и х (изразено во метри бидејќи тоа е основната мерна единица за должина, односно ќе биде 0,02 m). После тоа се запишува формулата за периодот бидејќи тоа е она што се бара: T=2pi* кв.корен (k/m) (види во учебник/тетратка ако не ти е јасно како е запишано тука) Гледаме дека имаме непозната к, која ќе ја одредиме од формулата за Хуковиот закон. Потоа само заменуваш вредности и тоа е тоа. За втората задача следи ги истите чекори како и претходно. Еве пак ќе напишам подетално. Тргнуваш од основната равенка за хармониско движење/осцилации: y=Asin(wt+f) y е елонгација, тоа е отстапувањето од рамнотежната положба во даден момент од времето; А е амплитудата или максималното отстапување од рамнотежната положба; w е кружна фреквенција и f (со грчка буква се означува) е фазното поместување. Следно, читаме што е познато од задачата, го знаеме периодот, ја знаеме елонгацијата (од условот да е еднаква на А/2), за фазата бидејќи не е кажано поинаку може да се смета дека е 0, а непознати се w и t. За кружната фреквенција има формула со која се поврзани Т и w кај осцилаторни движења: w=2pi / Т Потоа само заменуваш во равенката, и t ќе се добие по пресметката на arcsin функција. Само внимавај вредноста за arcsin ќе е во степени, но мора да се изрази во радијани за од двете страни на равенката да има исти мерни единици (w се изразува во rad/s). Се надевам ме разбираш за што зборувам Би требало и во решението така да е запишано.
