Ме изненади фиксаторов на Авон Многу , многу ми се допаѓа! Не очекував ама баш ништо , со оглед на целокупниот квалитет на Авон , си го земав чисто од што беше прилично ефтин па да го испробав и не погрешив деф. Уште од моментот кога ќе прснете на лице се осеќа како лицето се затега некако, и на некој начин ја "лепи" шминката на лице и не мрда се додека не ја отстраните ( барем ова кај мене вака се покажа). Истовремено го користам и фиксаторот на Мakeupforever кој е феноменален! И можам да кажам дека во споредба со Авон, не се исти нормално , но блиску се богами А цената на двете е премногу различна. Фиксаторот на Авон го земав за некои си 250 денари мислам беше, а на Мakeupforever околу 25 евра . Количината е иста на двете 125 мл. Покрај тоа што ја фиксира да стои на место шминката, исто така дава и flawless изглед, како да не сте стаиле пудра 100кг иако сте претерала со пудрата можеби . Значи , за тие пари е о-д-л-и-ч-е-н !! Го препорачувам на сите оние кои имаат проблеми со траење на шминката (особено пудрата) , на тие со мрсна кожа, комбинирана т.е. на тие што брзо им светнува лицето и оксидира пудрата Оцена : 9/10
Јас фиксатор имам од Catherine Arley и можам да кажам дека не е нешто посебно.Башка и мириса некако чудно,мислев отпрвин да не е со поминат рок,но не,изгледа таков си е.
Никогаш не сум користела а искрено и сум немала потреба бидејќи ми е квалитетна пудрата и ми стои цел ден, а сенки ретко користам а и кога користам е за 2-3 саати навечер ако одам некаде и немам потреба од фиксатор.
Корекција , неискуството го предизвика непријатното искуство кое го имав за прв пат . Сега сум професионалец во користење фиксатор. Ми треба нов, чекам препорака.
Во спреј ми е попрактичен, а да нарачам од Авон не ми се чека, посебно затоа што морам да одам до Бт да го земам овде немам пристап до каталог . Чисто од љубопитност, колку се од Есенс во прав ?
Баш на темава дојдов да прашам за Кетрин арли ама сега ме премисли мислењево. Денес ми го препорачаа демек најмногу тој му се трошел
Mimi123, и мене ми рекоа дека тој најмногу се трошел,дека бил квалитетен,го скапа продавачката од фалење фиксаторов,ама лично мене ми е малку чуден. Како што кажав погоре,мирисаше некако чудно,а и кога ќе прснеш,како за џабе е,што знам,допри се со прстот малку на шминката и ќе излезе,се размачкува малце.Дали рокот му беше поминат,или не,не знам,но ако сакаш купи го,пробај да видиш и ти дали ти одговара или не.
Фиксаторот Catherine Arley според мене е еден од полошите, ако не и најлош. Исто како да си ја фиксирала шминката со лак за коса, ужасно ја тегне кожата и мене воопшто не ми се допаѓа. Подобро Авон него ли овој.
Денес го свртев градов (во буквална смисла нозе ме болеа) во потрага по фиксатор и не најдов ни од тој порано што го користев. Секаде само Кетрин Арли, само цената варираше од парфимерија до парфимерија. На крај го земав од Јавор за 240 денари. Уште не сум го пробала. Морам да се пожалам на ниската снабденост на парфимериите низ Битола последно време. Некако испразнети се, без намера за нови залихи. Изборот на артикли е скромен, само поекономично и најпродавано . Патем, мојот мириса на фиксатор. Онака обично, нема некоја специфична арома.
јас никогаш немам користено фиксатор за шминка. Се зависи од квалитетот на шминката која ја користите и начинот на нанесување, а најбитно е исто така и подлогата. Кога сум користрела услуги од професионален шминкер, никогаш не ми ставиле фиксатор, а сум добила беспрекорна шминка, која не се помрднала ни при дожд ни при пот ни од солзи.
Пудра за лице Дали некој го има користено фиксаторот во прав од Артдеко? Се мислев дали да го земам ама не познавам никој што го има користено. Ми треба добар фиксатор па не сакам да лупнам пари за џабе.
Пудра за лице Кој фиксатор поточно, тој во тубичка или во кутивче како за пудра во прав ? Јас се навикнав на тој во тубичка и одличен ми е, а последно кога ми требаше фиксатор не успеав да го најдам истиот кај мене и го купив овој. Разлика не забележав, квалитетот е ист. И цената им е тука некаде, мислам дека го купив 800 и нешто, не се сеќавам точно. Но, ако бараш добар фиксатор, мислам дека ќе ти ги исполни очекувањата, според мене, Artdeco имаат најдобри фиксатори. Барем од оние фирми кои се нудат на пазарот кај нас.
^ ист е фиксаторот, само поголема и помала тубичка. И јас го користам, задоволна сум. Некој кој знае колку добар матирачки ефект не видов искрено, барем во мојот случај едно 2-3 саати додека да ми светне носот и челото, ама пудрата ми се задржува доста долго на лицето со фиксаторов.
Фиксаторот јас што го видов во шатци, беше во тубичка и беше 470 денари. Значи не матира нешто баш баш? Брзо светнувам а сакам мат да ми е лицето па и незнам колку работа ќе ми заврши...
Јас со било каква камена, во прав, фиксатор не фиксатор, пак за брзо светнувам. Си се навикнав и веќе не ми претставува проблем искрено. Мене реално одличен ми е. Го измазнува убаво лицето и пудрата подолго стои. Spoiler Пробај ја пудрата во прав на Аура, shine killer. Мене лицето од неа најдолго мат ми издржуваше. Околу 300 денари беше ако не се лажам.
^^моментално сум во битола и искрено тука не видов нигде козметика на аура. Ништо, ќе се подумам уште малку. Стварно незнам дали да го земам тој на артдеко си викам дали ќе ми ја заврши работата што ја сакам. Иначе како се користи, пред да се стави камена пудра или после?
Јас го ставам наместо камена пудра, ми рекоа дека не се нанесувало камена па фиксатор и не знам колку е точно ова, но супер е кога се нанесува на тој начин. Сања, сподели и ти некоја финта. Јас долго време се мислам дали да го земам правот од Аура, многу ми го пофалија ама некако се сомневав во квалитетот и се плашам да не ме прави премногу бела како правот од Есенс.
