Јас имам проблем со тесни вилици и криви заби, и ортодонтот пред да ми стави брикети одби и реши дека е подобро да носам мобилна за да се рашири вилицата. И моментално носам мобилна. Нема никаков проблем со твојата возраст, дури до 18 години мобилните апарати се бесплатни а имаш право на 3. Искористи шанса.
А колку пари се обично затоа што ја носев 2 пред неколку години и сега за наредните после 3тата најверојатно би требало да плаќам
Напишав дека 100 евра е еден мобилен апарат, што значи дека за двете вилици ќе биде 200 евра. Фиксните апарати се од 500 евра нагоре двете, зависи каде ги ставаш и што е вклучено во цената, но и по која техника се работи.
Дали некој од вас има искуство со Дентаестетика и фиксни протези, односно со д-р Елена Василевска Ѓеоргиева?
Јас ќе ставам фиксна протеза во Дентисимо, во Драчево, презадоволна сум од докторот, така што очекувам позитивно искуство и сега. Се мислам помеѓу метална и порцеланска протеза, ама мислам дека ќе ставам порцеланска, сепак не се приметува до толку како металната. Имам 25 години и дури последнава година ми се појави искривување на еден заб, што премногу ми пречи и сакам што побрзо да го решам овој проблем. Докторот ми рече дека ќе треба најмногу една година да ја носам протезата. Малку ме фаќа трема, се надевам се ќе биде во ред.
Здраво, сакам да прашам доколку некој знае дали некаде во Македонија ставаат протези од внатрешната страна на вилицата и колку кошта тоа задоволство. Поздрав
И јас кревам рака како личност со фиксен апарат. Од вчера официјално. Процесот на адаптација го нема. Изгледот го засакав по првиот поглед во огледало. Знаев дека ќе носам од мала, и спрема бев. Само ја промашив бојата на ластиците/гумичките, али тоа ќе го поправам за три недели кога ќе се сменат. Немам никакви проблеми при говорот. Не чуствувам никаква болка. Најверојатно сум отрпнала и нивото на толеранција на болката рипнало нагоре во меѓувреме. Поотрпната ја чуствував вилицата кога претходно ја вадев мобилната наредното утро. Единствено нешто што ме иритира е полнењето на просторот меѓу брикетите со храна. Погрозна глетка нема.
1 година сигурно до тогаш би требало да имаш резултат, и уште неколку месеци за стабилизација на забите.
Нема одредена граница, кај секој е индивидуално зависно од тоа за каква аномалија на заби станува збор. Јас мојата ќе ја носам 2 години со сигурност на горна вилица. Па коментарот дека се носи една година фиксна, паѓа во вода. Познавам личности кои носеле само неколку месеци и аномалијата е корегирана. И други кои носат со години.
Треба да ставам фиксни протези,но не сум во можност одма да фрлам толку пари.дали некој знае каде и колку е на рати??
Јас си се договорив со докторот, секој месец му плаќав во 3.000ден плус 500денари контрола. Ствар на договор е, сепак се многу пари и ретко кој може да ги плати одеднаш
Година дена со сигурност мора да се носи и до тогаш се средува аномалијата , и потоа уште неколку месеци за стабилизација. А повеќе од две години тоа е премногу и нема логика, тоа е веќе неажурност на ортодонтот
Јас тврдам дека постојат аномалии кои може да се средат со 6 месеци носење фиксна протеза, и во мојот случај, аномалии на кои им е потребно повеќе време. И има логика, да.
Јас не го негирам тоа дека некои аномалии можат да се средат за 6 месеци, може и за 3 месеци, но пред 1 година не е препорачливо да се вади фиксната затоа што поголема е шансата за побрзо враќање на забите во првобитната состојба. А за носење протеза ПОВЕЌЕ (не 2)од 2-3 години ви гарантирам дека нема логика. Не знам дали имате некакво познавање од стоматологија и ортодонција, ама еве јас имам и ви тврдам.
Според пишаното до сега, без ова мислење и редактираното предпоследно, стои дека се носи 1 година и ни помалку ни подолго време носење нема логика. И доколку се носи подолго, се носи од "неажурност на ортодонтот". Јас пишав дека се зависи од аномалијата на забите на поединецот, и нема точна бројка колку време се носи. За враќе на забите после, може да се случи и после неколку години носење фиксна. Затоа се носат после мобилни, или се става специјален лепак, по вадењето. Па дадените гаранции и логика, немаат гаранција, ниту логика. Ова се знае од општа култура, не ми треба високо образование за истото.
