Интересна тема. -Астерикс-добар стрип, филмовите сите до еден ми се катастрофа. Од анимираните може да се пробере некој посаглам. -Тор-исто како и стрипот-не ми се свиѓа. Не верувам дека и новиов филм е нешто посебно. -Хулк-го имам гледано само оној со Лив Тајлер и не беше лош. -Конан-филмовите се различни од стриповите. Тој со Шварценегер е без врска, овој најновиот донегде ОК. -Тинтин-одлични стрипови. Анимираните сериски филмови (ги даваа на Алфа мислам до скоро) беа одлични, а овој на Спилберг долгометражниот е нешто посебно. 10+! -Фантом-филмот со Кетрин Z и Били Зејн (го утепаа од давање на Телма) не е лош и го доловува ликот од стриповите. -"Таличниот Том"-оној францускиот игран филм е беден, а цртаните филмови не се ништо посебно. Стрипот е ок за пополнување време. -Модести Блејз е добар стрип, штета што нема снимено добар филм за овој стрип. Излезе некој страшно глуп филм, срам за името на стрипот. -Кикас филмовите се добри, првиот дел беше одличен, вториот беше како на сила сниман. -Капетан Америка и Железен човек 2 и 3 се симнати одамна ама чекаат ред за гледање. Според нивниот удел во "Одмаздници" би требало да бидат во ред, особено К. Америка. -Спајдермен најновиов е претерано тинејџизиран, постарата трилогија со Тоби Мегваер беше подобра. -Бетмен-незнам зашто ама никогаш не ми се допаѓале филмовите, а сум ги гледал скоро сите филмови. Скоро гледав еден подолг анимиран филм и единствено тој ми го фати око. -Трансформерси се добри филмови. Последниов дел беше претерано полн со акција па на моменти не можеше да се следи дејството. -Супермен најновиот чека за гледање, "Смолвил" пробав да ја гледам неколку пати ама беше страшно досадна па се откажав. Филмовите со Рив беа и сеуште се најдобро нешто од овој жанр. Серијана што одамна ја даваа на Сител со онаа од "Очајни домаќинки" беше без врска. -Корто Малтезе-добар стрип, има неколку анимирани филмови. Според стрипот нема снимено филм, така и нека остане. Филмови како Икс Луѓе, оние со моторџијата Николас Кејџ, Волверини и сл. не гледам. Серијата "Агентите на S.H.I.E.L.D" има различни критики и коментари, па ќе почека. Добро би било да се снима филм со Црната вдовица (Наташа Романов. Добро ја одигра Јохансон во Одмаздници), Рип Кирби (добар стрип), можеби за промена со Spiderwoman.