Форумџика на годината 2015: Lady Phoenix

Честитки @Lady Phoenix имаше сјајни мислења и си ја заслужи победата.Сакам торта частење

 

Честитки @Lady Phoenix. Заслужено си ја доби наградата, па годинава уште поактивна да бидеш.
Поклон од мене за победата

 

Честитки @Lady Phoenix, сосема заслужено и да продолжиш да ни го разубавуваш форумов со твоите мислења.

 

И како што е редот, откако завршив со сите активности и подготовки за славење, нели (погоре наведени, кој не знае - нека си прочита убаво ), време е да го утупам максимално со еден говор, како што доликува на крај на секои избори. (Знам дека ова на @Bridget нема да и' се допадне, а најверојатно и на некои други, ама тука сме да го тупиме )

Најпрво од се', да се заблагодарам на @Femina за подарокот и за тоа што толку луѓе држеше во неизвесност. (Малку да се пошегувам)

Второ, би сакала да кажам дека во изминативе денови, а особено денес и вчера се чувствував како во оние контактнине емисии на телевизија кои поставуваат тема од типот „Личност на годината“ и веднаш сите на тапет ги ставаат Грујо или Заев и ги плукаат до максимум. (Мора и малку политика да вмешам, инаку нема да го биде мислењево, да не речам, говорот.)

Трето, сакам да им се заблагодарам на сите кои ме номинирале, а потоа и кои гласале за мене. Ќе бидам искрена и ќе речам дека очекував да се најдам на списокон горе, ама не очекував дека ќе бидам меѓу први две-три, а камоли да победам, особено што сум релативно нова (а форумов го следам од самиот почеток). На некои сум им била по кеиф, некои не ме ни забележале, некои сигурно не ме ни сакаат, ама за оваа година - бидна. Само морам да кажам дека списокот беше прилично квалитетен и секоја девојка и жена која се најде таму - навистина заслужи.

Многу детално не сум ги следела претходните избори, само инцидентно, па нека ме просветли некој дали се случило на список да се најдат релативно нови членки и како котирале, многу ме интересира. Оваа година ми е мило што немаше скандали (освен ако не настанат сега, отпосле ), што помина мирно, демократски, фер, без виртуелно тегнење на коси и млатење. Се' беше на ниво, културно и фино, па дури и зафркантски, на мое задоволство.

За оние кои се најдоа на списокот - што да кажам.
Ана Каренина не била залудно победник веќе еднаш, секогаш со нешто интересно, секогаш застапена во доста теми, со квалитетни мислења (и да, мислам дека за рејтингот на еден форум е битно да има квалитетни членови).
Анат е смирена, одмерена и многу паметна и искусна жена која неизмерно ја почитувам и се сеќавам на почетоците на форумов дека беше иста таква и секогаш беше во состојба да подели совет и да помогне некому, особено со здравствени проблеми.
Битерсвит e една од двете жени мајки-херои кои сум ги забележала на форумов (другата е @galapce), која е реална, расположена за дискусија и за објаснување. Од друга страна, жал ми е што некои ја гледаа како материјалист, зашто за мене е само мајка која ги сака своите деца и го сака најдоброто за нив. Мислам дека сите добро знаеме зошто се најде на листава - нејзините постови (кој чита +/-40 знае, кој не чита - треба да почне ) се секогаш фамилијарни и урнебесни. Еднаш не сум ја прочитала, а да не ме насмее и се чудам како се справува сама со 3 индијанчиња. Башка, епска е нејзината љубов кон сопругот.
Цка беше очекувано да се најде на оваа листа зашто сите сме свесни дека ја има во секоја тема и тоа редовно со реални, а сурово искрени и дури и смешни мислења. Откако остана со клавирче, тотално се смени, има љубов за цел свет, како да се наоѓа во некоја пролет во нејзиниот живот. Љубов, мераци, пеперутки, се' е розево и убаво. Стана комплетно друга личност (која повремено и по потреба се враќа во нормала ), ама ми е мерак да ја читам.
Кримсон е едно посебно суштество. Баш е како што ја викаат, "brains & beauty", и таа титула со право си ја носи. Девојка, толку млада, а толку зрела. Девојка на која животот и' приредува лоши изненадувања, а таа успева да се бори со тоа, да биде среќна, да го цени животот и убавите нешта, да се забавува до максимум. За себе вели дека има мрачна душа, ама мислам дека со своите приземјени мислења и интересни и смешни кратки СДК постови сите добро не' расположила и насмеала. Кримсон, и јас во тебе гледам многу светлина. Ова беше твоја година.
Даничап отсекогаш ми делувала многу сериозно, но сепак кога сум ја читала (бидејќи и таа е подолго тука) сум се восхитувала колку е вредна, амбициозна, цврста, одмерена, со издржани ставови. Оваа година во славната тема видов една друга нејзина страна. Како што ја нареков „тајно жарче“ - навидум озбилна, а всушност со супер смисла за хумор. Позитивно ме изненади. Во Фемина инстаграм на сите ни има изнудено лиги, тоа сум сигурна, а модните комбинации ги владее. Добар „противник“ што ме тролаше до самиот крај.
Кукла наша е смешки во движење. Доволна причина за да се најде на листава е нејзиниот хумор, кој понекогаш е и мрачен, кога успевала да извади од памет некои членови. Не сака да чита долги постови како мојов, а ниту да пишува. Ама тоа што ќе го каже - кажано е.
Реинбоу е единствената личност што го одржува форумов. Жал ми е што не сум ја запознала подобро, но најверојатно не сум ја начекала во тема во која е во елемент. Вака, впечатокот ми е дека е многу мирна, сталожена, дека ја почувствувала суровата реалност што не' опкружува секојдневно и дека има бурни, но многу исправни реакции за такви чувствителни теми. Посакувам со лесно да ја износи бременоста, малото да ја усреќи бесконечно и ЌЕ ПРОТЕСТИРАМ АКО НЕ И' СЕ ДАДАТ НЕКОИ ПРИВИЛЕГИИ, ЗАТОА ШТО ЗАСЛУЖУВА.
Спешл е посебно девојче, всушност девојка. Сега веќе Спешл не е Спешл без Анабел. Тие две заедно под рака ми одат. Толку весела, нежна, мила, интелигента, емотивна, мирољубива и романтичарски настроена личност... Вредна, зрела, што би рекол Капетанот - доказ дека постои надеж за младинава.
Витамина иако кратко време е на форумов, исто како и јас, сепак мислам дека сите успеавме по малку да ѕирнеме во нејзиниот карактер. Преполна со емоции, секогаш и повеќе од подготвена да подели совет, особено љубовен, креативна, уметничка душа на која конечно и' се исполнија соништата. А во темата +/-40 се опушта и има луда смисла за хумор.

Муабетов ми беше, има добри причини зошто секоја од нив се најде на списокот и зошто толку рамномерно беа распределени гласовите, а не сконцентрирани во голем број кај еден член.

Многу сум среќна што се зачленив, многу сум среќна што стекнав многу убави виртуелни пријателства, за кои се надевам дека барем дел еден ден ќе станат и реални. Многу сум благодарна што во најтешките моменти постоеше вакво место каде сакав да избегам од реалноста. Се надевам дека уште подобро ќе се запознаеме, дека нема да си ги расипеме взаемно стекнатите впечатоци, туку напротив, ќе бидеме позитивно изненадени едни од други уште повеќе.

Јас сум таа што сум, овде ги пресликав и пренесов сите мои емоции, сите мои особини (подобри и полоши), бидејќи сум отворена личност на која и' претставува замарање да создава лажна слика за себе, не за друго, туку зашто после ќе треба да памтам што сум лажела, а слабо памтам.

Верувајте дека ова многу и' значи на мојата несигурна личност. Како што кажавте - не е битен подарокот затоа што имам се' што ми треба (само здравјево малце ме зеза ), битно е дека учествував и битно е дека форумов сте го доживеале како поубаво место како резултат на мојата активност. Ветувам дека нема да ме снема и уште од сега да си кажам да не ме номинира никој идната година, зашто мислам дека е фер секогаш некој нов да се наоѓа во анкетата, или барем претходните победници да ги нема.

Ајде, па идната година и некое машко да се најде на списокот, квалитетни ги имаме.


Ајде сега на славење, доста беше тупење.

 

Честитки @Lady Phoenix, сосема заслужено!
Со здравје да си се служиш со Kindle-от, и уште долго да не дружиш на форумов!
Било која од списоков заслужи да ја понесе оваа титула, бидејќи сите на свој начин придонесуваат форумов да биде едно пријатно катче.

Од срце ви благодарам на сите што ме номиниравте и гласавте за мене

 

А бе секогаш ми победуваат фаворитите
Честики @Lady Phoenix, сосема заслужено.

 

Честитки и од мене за @Lady Phoenix, мојата женска „верзија“ според некои (@RainBow, I'm looking at you ), мислам дека знаеш дека и јас бев дел од Team Phoenix.



Сосема заслужена победа и многу коректна „борба“ (ако можам така да ја наречам) за титулата со @danichap, за што исто ми беше особено драго.

Спојлер: ЗАДОЛЖИТЕЛНА ГАРДЕРОБА ЗА ВЕЧЕР

Чекаме пршута!

 

Честитки за победата @Lady Phoenix , заслужено си ја доби наградата

 

А за болдираново, зошто сакаш да знаеш ме интересира? Сакаш уште една титула за прилично нова членка која за брзо време успеала да дојде до титулата? Еве и за тоа ќе ти дадеме медаља, толку посебна членка досега не сме имале. Само вие среќни и весели да сте.
Честитам.

 

Честитки @Lady Phoenix

 

Да, @Bridget-ка, сакам да знам колку сум посебна, па и медаља, или по можност, нешто повеќе да добијам од круната, наградата и честиткиве.



Чисто ме интересираше бидејќи и јас и Витамина сме нецела година на форумов, а сме на список.

Ајде од мене ќебапите за останатите 9:



@Kukla994 се чека пивото од тебе!

 

^
Тие сте, ти и витамина
Ајде уживај во денот, остај ме мене, ме знаеш.

 

A be jas nikogas ne pijam ama sega ke se napijam.
Fala Bogu sto go docekav ovoj den so struja.
Ziveli!

 

Bregito, ne mi go sekiraj momicevo sea, ajde.

 

Aјде кој е за частење, нека повели:

 

Искрено ти честитам @Lady Phoenix, иако ќе бидам пак искрена и ќе ти кажам дека не гласав за тебе ама те номинирав. На крај моите гласови отидоа за Danichap, Vitamina и Cka. Не е дека не заслужуваш, но изборот дозволува само три опции, а има сериозно добри членови на листата. Ми беше многу тешко да се одлучам за кого да гласам, дури на момент помислив ич да не гласам ама во последен момент ги избрв тие три.
Еднаково ќе ми беше мило ако и Crimson победеше или пак bittersweet.

Заслужена победа.

 

Вака сега...честитки до златната @Lady Phoenix и како шо гледам ти оваа година си феминката која го зеде оскарот.Знаеш..си кажав дека гласав и за тебе муцје
Море бе Феникс,ти зеде оскар,а Леонардо ди Каприо уште нема земено....
иначе озбилно шо беше наградата или јас не скопчав?