Дали, некој дома ги има правено и ако има сакам рецепт, посебно за тестото... Интересни ми се, а изгледаат како да не се тешки
Преубави се! Тестото мислам дека е како за пица. Според вкусот имам почувствувано оригано и вегета можеби и малку бибер. Во пицеријата каде најчесто ги јадам имаат и сусам. Мх мх мх. .
Ги имам правено дома со готово тесто за пица. Им ставав кечап, оригано и сусам. Може и кашкавал. Вкусни се .
Тестото е како за пица. Јас имам јадено секакви, значи имате простор да ги направите како вие си сакате. Со кашкавал се многу убави. Имам јадено и со малку доматен сос и оригано. Има и едни само со сусам. За матурата моја кога нарачувавме, баш видов дека уставри е пица тесто, ама во форма на коцка, и само од него сечат тенки парчиња.
Пица тесто е,кое претходно е запечено.Потоа се премачкува со путер,врз него се додава сусам и вегета,потоа се редат парчиња кашкава и горе оригано и повторно се враќаат во рерна за да се стопи кашкавалот.До душа како сакате ги правите,има секакви,ама мене овие ми се најубави.
Пица тесто кое се премачкува со путер, ситно сецкано лукче и зачини по желба (сол, вегета, сусам,оригано, мешавина зачин од оној готов што го има...)
Јас фурнаринките ги правам на овај начин... 1 сув квасец 1 лажичка шеќер 1 лажичка сол 1 јајце 500 гр. брашно 250 мл кисела вода 1/2 филџан масло...Сето ова се меси заедно и се остава малку да нарасне...потоа се дели на 6-8 делови и со сукало се прави ептен танко тесто ...пола см отприлика ...со нож се сечи тестото низ цела должина на растојание од 1,5 см да се линиичките и после и од другата страна за да дојде како шах(за да не збувнува )...се мачка малку со вода , се става крупна сол, оригано и сусам и се остава да нарасне уште 10 мин...се печи на 200 степени-15 минути...Добар апетит !!!
Секој си додава зачини по свој вкус. Јас ги правам од готово тесто за пица, го сечам по должина, го премачкувам со маргарин,малку оригано,малку сол-буковец и обавезно сусам. Превкусни се, особено со шопска салата!
Речено сторено....Ги правев по прв пат и навистина излегоа прекрасно на едни ставав бибер , оригано и куркума а на другите кашкавал , куркума и оригано
http://www.youtube.com/watch?v=mUB1Tu7BAZw Ми се допаѓа рецептов. Со мама деновиве планираме да го направиме.
Состојки: 260 г брашно 60 г пченкарно брашно 80 мл масло за готвење 160 мл вода (млака) 1 јајце 1 лажичка сол 1/2 лажичка шеќер 1/2 кесичка сув квасец малку сусам, сол, црвен пипер, ким (за посипување) Подготовка: Замесете го тестото. Во сад измешајте ги сите потребни состојки за подготовка на тестото и месете се додека не добиете фина, компактна смеса. Тестото покријте го и оставете го да нарасне околу 30 минути. Стасаното тесто поделете го на 3 дела и секој дел тенко расукајте го. Со помош на ноже за сечење пица, исечете го тестото на тенки стапчиња (за полесно, тестото првин префрлете го во плех за печење, па потоа сечете го). Префрлете ги стапчињата во намастен плех за печење и оставете ги да одморат 10-тина минути. Пред печење, намачкајте ги со малку вода и масло и наросете со сусам, сол и црвен пипер. Печете во загреана рерна, на 230 степени, околу 10 минути водејќи сметка да не изгорат бидејќи не е потребно долго печење. Наросете сирење, кашкавал или сл. и сервирајте ги. Ги пробав превкусни се
furnarinite se pravat od testo za pica ggotovo se kupuva, go mackas so zejtin mu stavas origano i sol i susam i gi peces i na kraj gi seces i tomatelo sos i spremni se za jadenje