Хаику поезија

Првомартовски

Пречекај ме со
салата од марула
и кромидчиња.

Да знам дека сме
се отарасале од
таа туршија.

 

Хаику како последица на несоница во три по полноќ

Штом не можам да
заспијам, место овци
бројам слогови.

 

Молк е, тишина
темните облаци се
растргнаа мирно.

 

Растргнаа мирно се 6 слогови.

Да не бидам офф:

Ако немам лак
на ноктите, себе не
се препознавам

 

Патување

Црниот куфер
Е подготвен за на пат
Во ходник стои.

Не ми се оди
Во градови во кои
Веќе сум била.

Светот е голем
Никогаш не ќе можам
Цел да го видам.

 

Некоја летна
Вечер, искради се низ
Мојот прозорец.

Под отворено
Небо да се љубиме
Сé до зорите.

 

Под боси нозе
суви лисја шепотат,
а в душа студ

 

Баш сакав да прашам во темава - в ќе се смета како слог?
Гледам дека во темава некои го употребуваат како слог, а некои не.

На пример tumblr овде го пишала како слог

А Hipster не

Знам дека според правилото треба да има согласка (освен ако се работи за р како замена), ама за в никогаш не сме учеле дали ќе се смета како слог.

 

^ Јас не со сметав како слог и мислам дека не е, туку ете во мојот пример в час ќе се смета за една акцентска целост. Ете така ми дошло да си ги поврзам и да ги сметам како еден слог,а ко грешам нека ме поправи некој, јас така знам али не викам дека можеби и погрешно знам.


Инаку никаде не можам да најдам дали в` предлогот се смета за еден слог или не.

 

Две правнички се
во дилема. Нека се
јави филолог.

 

Далеку си ми,
А секоја секунда
Мислам на тебе.

Љубов бескрајна
Долготрајна, а сепак
Неостварена.

 

В се смета како слог!
Денес правев муабет со другарка ми, она е лектор и ми кажа дека се смета како слог.
Имало и правило кога се употребува во, а кога в, не можело било кој предлог да се користи. Правилото не го знам, треба да проверам, ама битно за темава наша е дека в е слог

Да не бидам офф топик, ќе го искористам хаикуто веќе постирано во Што би му кажале

Јас ќе ја пуштам
косата, ти брадата.
Договорено?

 

Како никогаш
До сега болна легнав
По тебе сонце.

Не ме прашувај
Што ми е, туку само
Силно гушни ме.

 

Мојот прв обид. Доколку имам грешки ќе ве молам да ме исправите



Времето брзо одминува
Цигарата ми догорува
Уморна сум.

Расцутени дрвја околу
мене, не се радувам
нешто ме стега.

Нека биде чудо
тагава моја
да ја снема.

 

^ Хаикуто се пишува во распоред 5-7-5.
Значи првиот стих треба да има пет слогови, вториот седум, па третиот повторно пет.
Точни ти се стиховите:
мене, не се радувам
нешто ме стега

Другите ќе треба да ги измениш за да бидат право хаику

Он топик:
Надвор мириса
на омекнувач. И знам
- дошла пролетта.

 

Наоѓам парче
спокој во боите на
зајдисонцето.

Затворам очи
пред вжареното небо.
Дишам длабоко.

Нешто ми вели:
Не грижи се, од утре
ќе е подобро.

 

Избери маркер,
за јас да те подвлечам.
Најважен си ми.

 

Прв обид... Инаку не ми е јасно она со в-то... Навистина.

Падната роза
а трњата боцкаат
нема ливчиња.

 

^ В има исто значење како во.
Дилемата беше дали се смета како слог, затоа што не е согласка. Ама според правилата во нашиот правопис, се смета како слог.

Он топик:

Сплети ми венче
од цветови. Во душа
уште сум дете.

 

Биди ми моја
скриена среќа мала
и одведи ме.

Дур ова небо
ја љуби Северница,
душа мирува.

Чудни одаи
околу нас,јас и ти
во една од нив.

Совршенство? Не.
Сите имаме мани.
Чии ќе љубиш?