@hardtodealwith Покрај генерализациите од кои не можеме светлина да видиме, не заборавај дека има и такви што не се пронаоѓаат во атмосфера на толку извиканите друштвени, а празни седенки. И тој што не сака блаботење може да биде пријатна личност.
Не зборуваме овдека за седенки и пријатни луѓе.Ефектот на харизмата е да ги привлечеш масите и преку привлечноста да ги контролираш.Масите не сакаат некој што осеќаат ги избегнува и не би се дружел со нив.
Јас ја поседуваам Личност што секогаш е впечатлива,привлекува,мистериозна,моќ на некој начин,сите очи вперени во неа и сл.. Но немора да значи дека секој би гледал позитивно,зависи..
Харизма доаѓа од старогрчки и буквално значи -дар божји. Може да се толкува и како талент, и на сите ни е познато дека секој талент бара и работа за да биде препознаен и уважен од светот, а со тоа доаѓаме до заклучок дека и како талент мора најпрво да постои. Лично сметам дека правите харизматици се раѓаат како тоа.. Животните искуства и карактерот само ја дефинираат.. Харизматик може да препознаете и во селанец кој ве маѓепсал со две реченици додека ви покажувал каде се наоѓа пештерата која ја барате, а покрај тоа сте посакале да ви раскаже и приказна.. Сите имаме посебна појава и енергетско поле, и ете нивното ја има таа моќ да допре до луѓето неретко и на масите. И никако харизмата не е тоа што е, без да стои -гениозен талент и човек со екстремна емотивна интелигенција / имагинација зад нејзе. Гласот, реториката, перформансот, само ја надополнуваат. А не ни мора. Нем/слеп човек може да биде харизматичен со неговиот внатрешен богат свет ако го поседува и сигурно ќе се рефлектира надвор истиот преку неговото енергетско поле. Многумина мислат дека може да се научи донекаде ,и постојат такви прирачници, но сметам дека моќта на таквата надоградба завршува кога завршува смената на шефот кој научил со правото однесување да влијае позитивно на вработените, но и тоа е успех и и те како треба за одредени позиции да се учи харизматично однесување. Сѐ на се', не очајувајте ако не сте харизматик, тоа се навистина многу ретки луѓе, и верувам дека се раѓаат со некоја мисија за светот, но на нив останува дали и како (за добро или лошо) ќе го искористат тој божји дар. И секако, не мешајте со харизма некој кој е интересен, пријатен, сексапилен, шармантен... или уште помалку инфлуенсер по социјалните мрежи.. Најмалку е тоа! И најбитното, никогаш не кажувајте самите дека сте харизматични, оти дури и да посетувате на тоа, кога самите ќе се пофалите, се' паѓа во вода!
И харизматичните личности здосадуваат по некое време. Aко планираат да ја употребат харизмата во некоја цел, треба да ги искористат 5-те минути дури се уште "тазе" во очите на луѓето.
Не се учи тоа, вродено е. По предметот психологија имаше дефиниција дека е тоа збир од индивидуални карактеристики на личноста. Ќе излезеш на бина да зборуваш, сите ќе гледаат во тебе и внимателно ќе слушаат. Ти ја владееш сцената во тој миг, господариш со нивното внимание. Ќе се измешаш во толпа, ќе останеш запаметен по некоја посебност. И во Македонија сум видела јавни личности, имаат убавина, но не и харизма, нешто како вештачки цвет. Убаво, ама не мириса, не се менува. Има убави луѓе, ама зрачат некоја отапена, мрачна енергија.
Харизматичен човек може да те убеди да го гласаш, да му купиш производ. Не мора да е добар, но е харизматичен и ќе те купи на прва. И мислам дека многу луѓе не можат да направат кариера, оти немаат харизма.
Ич не сум харизмстична, барем јас не се сметам за таква. Ама на пример две личности ми рекоа дека секогаш сум позитивна и насмеана, и тоа докторки мои матични. Едната гинеколог, другата заболекар. И на двете места не ми е ич пријатно, посебно на забар умирам од страв ама некако не покажувам. А со луѓе, посебно непознати, јас сум дива коза, интроверт невиден. Поголем самотњак човек кој може без друштво од мене нема, гарантирам. Секако освен најсаканите, семејството. Не верувам дека сум пријатна за друг, што вели маж ми немаш лоша душа, имаш лош јазик Во однос на мене маж ми е се нај, нај. Значи таков човек ниту сум сретнала, ниту ќе сретнам. Со луѓе е нешто најхаризматично, најпривлечно суштество за разговор. Толку е пријатен, има еден куп пријатели, познаници. Со секој може секаков разговор да води. Со млади, со стари, со деца. Јас сум труп невиден, и тоа не се учи, таков сум карактер. Мене ме изморува дружење, муабетење 28363828 часа. Кога одев на работа жена постара од мене 30 год. ми велеше дека сум многу сериозна. А јас глава во компjутер, работам и со никој не ми се разговара освен кога морам за работа. А па тек на телефон колку мразам да зборувам, подобро да си пишувам
