Хигиена во хотелите

Денес прочитав дека феновите за сушење на коса, што се поставени во тоалетите во хотелските соби биле најпрљави и најзаразни, со многу бактерии, оти собарките никогаш не ги пребришувале.
Навистина не ми текнало и фен да пребришувам, но мислам дека мажми ќе ме прогласи за најголема лудача, похондрија.
Обавезно бришам и дезифинцирам далечински управувачи за телевизор, носам од дома мои навлаки за перница или ставам врз неа мој личен пешкир, пребришувам ормарчиња, комоди пред да ги извадам од куфер и наредам алиштата.

Кога би можела и усисивач и џогер би носела од дома(се шалам)

Дали има некој друг хипоохондрик ко мене?

 

Гледам насловот сте ми го промениле.
Во ред, нека биде вака.
Сакам да кажам дека хигиената во македонските хотели е катастрофална, посебно каде што има спа центар, лековита бања и уште ако имаат склучено договор со фондот за да можат пензионери да одат..од леле мајко.

 

Мене многу ми е гадно кога ќе помислам дека на перницата пред мене спиеле милион луѓе. Исто и за душекот ова.Јас си носам навалака од дома и ја ставам врз нивната навлака.
Кога идам во хотели со пет ѕвезди не во Македонија немам замерка.

 

Да сум газда на хотел и дневница ќе ти исплатам

 

Хотелите при секое заминување на гостите заменуваат постелнина и пребришуваат купатило и плакари. Си имаат тие средства кои ги користат, повеќе гостинот валка без осет отколку валкан хотел. Од друга страна, секој може да си пребрише ако сака ама реално е непотребно. Освен тоа,во текот на престојот се менува постелнина и се пребришува купатило,се ставаат чисти крпи и се надополнува аксесоарот во тоалетот. Ниту еден хотел не сака поплаки во однос на хигиената.

 

Многу сте свилени.

Влезете со луминол и ќе видите како изгледаат хотелските соби

 

Ни пребришувам, ни дезинфицирам, ни ставам мои навлаки. Си има вработени кои се грижат за хигиената. Болест не сум добила.

 

Не, не, далеку сум од свилена особа, повеќе може да се каже дека сум се изнагледала нечисти соби...не велам дека во сите хотели е исто, таман работа, но и во хотел со 6* далечинските управувачи, кваките од вратите и од фрижидерот, масичката и столчињата на балкон си ги пребришувам со влажни марамчиња за дезинфекција.
Од сега и понатаму и фенот ќе го бришам.
Прекривките што им се украсни, врз чаршафите
е, тие веднаш ги диплам и ги тргам оти знам дека тие не ги перат после секој гостин што им е на престој.
Во нашите хотели не се чистат длабински душеците, а тие се најгрозни, во нив има траги од сперма, мокрача, пијалок идр...така да имам обичај да го потргнам чаршафот за да видам на што ќе спијам, а да незборам за оние помошни легла за дете...брррр..катастрофа.
Барам обавезно уште еден чаршав плус, ако не носам од дома.
Терсенлие женче сум, нели

 

Аман бре Вајлд.

На темата вакво е моето правило: ако не го гледаш, не постои. Се преправам дека не гледам и дека не ме интересира инаку нема да можам да излезам од дома.
Хотелите се поарни од јавниот превоз пример.

 

Sorry to burst your bubble

 

Темава е измислена како за видеата на ПППППППППППетер.

 

Јас, јас јааас.
Значи мислам дека 360 степени се вртам околу местото каде што престојувам и детално гледам дали е чисто.

До сега каде што сум престојувала во вили и хотели (надвор од Македонија) се било чисто, комфортно, дезинфицирано, се како што треба. Немало потреба да се потресувам за хигиената.

 

Од еден наш хотел тотално се разочарав.
Завесите беа валкани, мирисаа на прашина, очигледно оддамна не беа испрани.
Во собите немаше бањарки и требаше од рецепција да се подигнат за да одиш во спа ...па кога ни дадоа едни флекави партал бањарки, која под мишка отпарана, која на џебовите, а на мажми па и мала, тесна ...ама немале други..бруки

 

Ама одиш во хотел да се одмориш, а не и таму да чистиш уште невлезен бар денес со интернетов и со букингот буквално се ти е на тацна, пишуваат посетителите коментари и брутално се искрени во однос на хигиена.

 

А вие ги лижете кваките и феновите па олку драма што биле нечисти?

 

Јас пак мислев дека само јас сум таква. Си носам и јас средства за дезинфекција со мене и чистам.
Од кога ги гледав епизодите на Youtube за тоа како се исчистени хотелските соби, прво, по препорака го чистам даљинското, кваки, па се останато.
Короната дополнително ме поремети од тој аспект.
Ретко до сега немало потреба да помине и моја рака. Само два пати се имам одморено на одмор во буквална смисла. И на таквите сместувања велам, секоја чест на одржувањето на чистота. Би се вратила повторно, дури и бакшиш сум оставала на тие што чистат.
Ама и во какви се случило да бидам сместена. За срамота. Го даваш по скапа цена, со намештај од умрената баба и крпа никогаш што нема поминато.
Погоре прочитав да читаме коментари. Обично тоа се случува преку агенција. Некои од понудените смештаи не можеш да ги најдеш, а на слики нормално се изгледа совршено. Исто и кога бараш сместување на лице место, па и немаш нешто избор, условен си да прифатиш било што слободно.
Во секој случај, не треба вината во гостинот да се гледа, туку треба да има некакви стандарди на издавање.

 

Не однеле на екскурзија во хотел кај шо спиевме една вечер со бубашваби па еве сите здрави живи сме
Се шалам, не спиевме зошто беше премногу гнасно . Друг случај сум имала каде покривалките беа валкани, побарав и веднаш ми ги сменија од хотелот и се извинија (не кај нас).
Иначе обавезно си носам своја навлака за перница, имам лоша кожа па не би сакала да ризикувам.

 

Ау... Плаќам хотел за да не сум јас чистачка.
Ако не ми е ок барам нова соба или чистачка. Да ставам алкохол на фен, нема шанси. Ако ми е гадно, мијам раце. Чаршафите се чисти и доста ми е. Досеа болест не сум фатила. Сум стигнувала среде ноќ од аеродромот и да чистам у 2 ноќеска, ноу. Ако е толку ужас, одам у друг хотел, ама не ми се десило.

 

Јас само вц школката знам да ја поминам со алкохол и друго ништо. До сега не сум имала проблем со нечист хотел, ама доста обрнуваме внимание на критиките пред да тргниме некаде во некој во хотел. На тие од екскурзиите не се ни сеќавам, дете сум била тогаш и не сум обрнувала толку многу внимание на хигиента на хотелот. И уствари тоа повеќе наликуваше на хостели, а не на хотели.

Не сум ни ногу прибирлива. Доволно ми е само основни критириуми за хигиена да бидат запазени. Посебно кога одам на летување некаде, одам првенствено заради плажата и водата, не ми е битно толку дали има 4 или 5 ѕвезди.