Оваа сезона, приметувам, масовно се носат класични тенки сјајни црни хулахопки без никакви дезени. Не само кај нас, бев месецов во Италија, Австрија и Белгија и истото го приметив. Од многу млади со старки или други патики, до возрасни жени со лобутники. Многу ми е мило, се надевам дека нема да биде само сезонски крик.
Кажите која фирма и колку денски се тие, црните што се познава ногата малку и на кафеаво ударат? Сакам такви, сите што ги имам само црно се познаава, никако да си погодам
Порано купував Пенти,купував убави скапи хулахопки. Веќе не. Едино црни ако ми требаат дебели купувам Пенти бидејќи ги носам подолго време. А ако ми требаат беж боја ги земам најефтините од продавници, се наоѓа за 40-50 денари и супер се, едно облекување и да ги скинам не жалам, право ги фрлам.
Пенти и убави скапи хулахопки не можат да стојат заедно во една реченица. Да кажеше Wolford, Gerbe, Kunert, Fogal, Falke, Cecilia de Rafael итн тогаш реченицата ќе имаше смисла.
Епа не се Пенти баш меѓу ефтините, и Помпеа имам купувано, исто не бев задоволна. Ги плаќав по 400-500 денари, зависи од дебелината. Ефтини се хулахопки до 200 денари, се друго според мене е скапо. За хулахопки што не можеш да ги облечеш повеќе од 2 пати и тие пари се многу. Ефтини се овие што ги земаме по маркети, Санда, Миа и какви уште не.
Јас купувам од евтините. Најчесто Сара Колант. Не ми се даваат пари за скапи хулахопки. Зимно време носам под пантолони, од оние подебелите (40,60, 80 или 100денски). Разни бои имам. На свадба без хулахопка не идам. Стриктно перлон месо боја. И тоа земам од оние од 35 денари. А кога е потопло знам под некое фустанче да облечам. Од оние 40 денски. Тие ми се најтенки. Ич не сакам нозете да ми се голи. Имам и еден пар хулахопки со пуш ап. Имаат ефект.
Се согласувам, не може дотерана цела без хулахопки. Макар и најтенките, ама да ги има. И јас купувам поефтини бидејќи имам долги нокти и можам уште на облекување да ги скинам.
Експерт сум за кинење. Еден период купував од оние поскапите - по 120 денари што се. И оттогаш само евтини. Ама перлон. Тие подолго ми траат. Свилените нема да стигнам ни да ги облечам.
@Fallen.Angel @SummerGirl Мене зборот ми беше за хулахопки над 2000 денари... Се додека не облечете Wolford, Gerbe, Kunert нема да ви е баш јасно зашто толку коштаат. А кога ќе облечете и ќе ги носите цел ден и ќе видите дека немало потреба цел ден да ги поткренете/корегирате, не се појавила ниедна цртичка на материјалот, немате потреба да се почешате во ниеден момент, прстите на нозете не ве болат, немате потреба едвај да стигнете дома за да ги соблечете туку напротив ќе останете во нив до легнување пошто не ни приметувате дека носите хулахопки... Penti, Pompea, Golden Lady, Polzela и слични хулахопки со цени од 500, 600, 700 денари се лоши со низок квалитет брендови, колку и да си мислите дека тоа е некаков квалитет различен од пазарски хулахопки од 50 денари. Јасно дека дури и со Wolford од 50 евра постои можност на прво облакање да се скинат, ама па ќе си преземете мерки да ги сочувате колку што можете: - пред облакање (и пред првото и секое наредно) хулахопките ставете ги 15 минути во замрзнувач за да им се освежи еластичноста, - прстите и ноктите на нозете средени со турпија да бидат мазни и исполирани, - прстите и ноктите на рацете треба да бидат беспрекорни или облечете некакви ракавици (постојат и специјали ракавици за облакање хулахопки, ама скоро сите вршат работа). п.с. Ако ептен ви се брза и немате време да пазите, тогаш пред облакање лизнете ги сите прсти на рацете околу ноктите.
А што ќе ми се хулахопките да ми се некоја јака марка. Ретко кој во оваа држава има 2.000 за хулахопки. И тие од 100 денари вршат работа и ништо не им фали.
Имаат луѓе, верувај. Кој сака нека купува, ама јас сум против. Што ќе ми се? За едно облакање доста се тие од 35 денари.
