Мислам дека салатава заслужува посебна тема Има многу варијанти на оваа салата, а и јас секогаш ја правам на различен начин, сакам да експериментирам, а како вие ја подготвувате? Еве најчесто како ја подготвувам (+-некои состојки). Состојки: 4 домати 1 марула 300-400 гр. стек (сецкан на парчиња, го ставам да се динста со една чаша вода, масло, вегета и црн бибер, и откако ќе испари водата се пржи и заруменува) 2-3 кришки леб (јас ги печам во тостер) на коцки или кубети 2-3 варени јајца кашкавал сецкан на коцкички маслинки Прелив: 2 лажици сенф 2 лажици павлака 1 лаж. мајонез 1 лаж. оцет сол, лимонов сок, неколку капки бело вино и малку масло Јас некогаш не ставам леб, туку си ја јадеме со фурнаринки. Ммм, и за брзо време имате вечера, а добра е и за гости, па со бело винце, ммм.
Јас вака ја правам. Пилешки стек пржен,зависи колку сакате(јас 2-3 парчиња ставам) Марула пченка (од замрзнатата ставам,ама претходно во топла вода да се одмрзне) пармезан кубети мајонез зејтин и балсамико. Мњам....
Јас вака научив да ја правам во грчка пицерија во америка и е превкусна марула пармезан моцарела сето тоа добро се меша со посебен дресинг ( направен е од маслиново масло, оцет и нешто друго )кубети и пилешко и има прекрасен вкус, посебно го дава дресингот ке откријам што е и ке ви пишам
Мојата Цезар-салатка 2-3 парчиња бело пилешко мевце..исецкано на ситни парченца 2-3 мали доматчиња(шери) 1 зелена салата 1 кесиче кубети со лук и магдонос 1 конзерва пченка.. Тоа е се само што оддамна ја немам направено со кубети ..
Еве ја мојата полузимска варијанта на Цезар салатата. Во оваа не користам домати и краставици, иако нив Количините ќе ви бидат зависно од тоа за колку луѓе ја правите Марула има во секое време (затоа ја викам полузимска варијанта) - се мие убаво и се сечка како за обична салата. Во оваа верзија не користам домати и краставици, иако и нив ги има во секое време. Мисиркино бело месо - прво се проварува, па се сече на парчиња и се мачка со сенф секое парче. Се остава да постои и се зачинува со црн пипер и малку сол. Се пропржува на малку масло во тефлонско тавче, може да се додаде и малку лукче, ако сакате. Парчиња стар леб без кора - се сече на коцки и се пропржува на малку путер, исто во тефлонско тавче, па може и во тавчето во кое претходно прво сте го пржеле месото. Главица кромид - сечена на кругови Кисели краставички - сечени на кругови. Прелив правам од малку мајонез, сенф, коњак, маслиново масло, оцет или сок од лимон убаво да се меша да стане течно - место мајонез, може се стави јогурт. Се реди салата, месото, леб, кругови кромид и краставички, се прелива и се украсува по желба. Превкусна е.
Јас штотуку направив една верзија,вкусна е Марула нели,мортадела на покрупни парчиња(пошто ќе правам пилешки прсти и похован кромид,го заменив стекот),лепчето прво го потпеков на тостер претходно напрскано со маслинов зејтин и вегета а потоа и го потпеков на рингла од шпорет на која претходно ставив нели фолија,кисели краставички на кругови и прелив од 2 лажички павлака 2 лажички мајонез и 1 лажичка сенф и малку лимонов сок. Сеуште се двоумам дали да додадам варено јајце,на кругови,ама само одозгора За декорација пармезан.
Моја верзија на Цезар салата со димен лосос Марула Парченца стар леб пропржени на маслиново масло и ситно изрендан лук Парчиња димен лосос Не ставив класичен прелив затоа што сакав да доминира мирисот и вкусот на лососот. Ја прелеав салатата само со лимон и маслиново масло.
Пред некој ден си правев цезар дома ( за прв пат ) и многу вкусна ми испадна Најпрво стекот го ставив да се пропржи и додека се пржеше му исечкав малце лук колку да добие маалку шмек. Кога се готови ги извадив и ги ставив на чинија со салфетка да се упие маслото. На таков апарат за печење лепче ( незнам како да го опишам , на тој што рипаат лепчињата ) испеков две кришки, ги исеков на коцки и ги ставив малку во тавата кај што се правеше месото, малце само минутка-две. Марулата ја исеков, потоа го додадов месото, лепчето, немав шери домати па обични ги исеков на помали парченца и нив ги додадов. На крај прелив со многу сос направен од мајонез, павлака и балсамико. Превкусна ми беше
Состојки: 1 парче пилешки гради 1 земичка чиабата 50 грама пармезан 2 чешниња лук 5 супени лажици мајонез 2 супени лажици вода 1 главица црвен кромид 2 ротквички Листови зелена салата Чери домати Сол и бибер Маслиново масло Подготовка: Летната сезона е карактеристична по салатите, но понекогаш сакате свеж вкус на зелени лисја и зеленчук збогатен со нешто поконретно што ќе Ве засити до следниот оброк. Цезар салатата е совршено решение со крутони, пилешко и богат вкусен прелив. Чекор 1: Прво ќе го направиме најважниот дел од Цезар салатата – преливот. Разликата меѓу добра Цезар салата и лоша Цезар салата е само во преливот... Направете го како што треба и имате успешен рецепт… Ставете исечкани чешниња лук и рендан пармезан во мајонезот и добро измешајте... На крајот ставете вода за да го разредите сосот и да го направите побел. Оставете го на страна за подоцна. Чекор 2: Исецкајте го белиот леб на мали коцки за крутоните. Ова е уште една можност на рецептот да му дадете вкус... Ние користиме чиабата леб, но ќе одговара било каков леб. Ставете ги крутоните во тава и веднаш ставете им сол, бибер и маслиново масло... Пржете го лебот често превртувајќи ги парчињата... сакаме тој да добие боја и вкус, но не и да изгори. Чекор 3: Пресечете го парчето пилечки гради на половина, зачинете го и потоа ставете го во загреаната Делимано Грил тава… Пржете го на обете страни вртејќи го хоризонтално и вертикално за пилешкото да добие вкрстени линии. Чекор 4: Време е за сервирање: Ке започнеме со едноставна подлога од зелена сала, а врз неа ќе ставиме крукчиња ротквичка и црвен кромид … Следни расфрлајте ги крутоните, потоа и пилешкото, а по него ставете парчиња рендан пармезан и на крај преливот… Не срамете се... Накапете од преливот преку целата салата… Сервирањето ќе го завршиме со ротквичка и едноставно купче чери домати. СОВЕТ: Некои верзии на Цезар салатата вклучуваат и сардели во преливот за тој да биде дополнително солен... Исто така можете да ставите и сланина или колбас за поинаков вкус. Едноставно подгответе ја салатата во голема чинија и земете 2 вилушки за себе и за пријателот. Уживајте
Денес прв пат правев цезар салата и навистина ми излезе превкусно. Читав повеќе рецепти низ интернет и на крај ја склопив следната. Состојките ми беа за две лица. Два домати исецкани на коцки, една помала марула, две кесички кубети, 300 гр стек (издинстан на помали коцки) ги измешав во еден поголем сад и додадов маслиново масло. За сосот употребив една мала кесичка мајонез, 3 големи лажици павлака, рендан пармезан, малку маслиново масло, мала лажица сенф, пола шоља вода, сол, бибер, вагета и лук во прав. Целата салата ја прави сосот, а вкусот на овој сос беше преубав.
