Леле бе ова било пред 20 може 30 и кусур години, и на мајка ми и на свеки така им рекле...мене не ми рекоа. Па и да ми рече така, демек не знам јас што да им кажам ...демек ќе ќутам и јас ќе и плеснам нешто ....ова дефинитивно не е причина за да се пораѓаш во приватна клиника. Немојте бе со вакви размислувања.... ќе земеле кредит за приватно породување, а немаат пари.... после од што ќе живеете Инаку пред 6 год. се породив во Чаир, бесплатно беше породувањето и престојот во болница со сино картонче. И сега планирам да одам во некоја од државниве клиники, се мислам меѓу ГАК или пак Чаир....има време, ќе видиме.
Да пред 20 години било ама истиот тој доктор кој и го рекол тоа сега е директор на Гак така да не знам што е сменето а и ништо поарно не помина пред 10 години кога се пораѓаше со брат ми, среќа имаше пријател еден кој и помогна иначе ќе ја оставеа таму во соба да се мачи Со оглед на тоа дека веќе имам некои здравствени проблеми нема да ризикувам недај боже да се искомплицира нешто поради нивната негрижа, па колку само случаи имаше на компликации од бактерии , па салите се затвораа триста чуда
Па ете бил д-р, а сега е директор, како не е сменето И мајка ми со нас (имам сестра близначка) се пораѓала во ГАК и тоа цел ден, 24 саати , да не бил татко ми галамџија и да не ја кренел цела ГАК на нозе може ќе се пораѓала 48ч...кој знае, ама јас се породив за неполни 2 часа и знаеш што, мм тогаш беше дома и чекаше да му се јавам да му кажам новост...така што се` е индивидуално. И за компикациите...па кој мене ми гарантира дека во приватна клиника нема да се случи ништо неочекувано, дека се` ќе биде лагано ...никој И ич не се плашам ниту пак помислувам дека ако се пораѓам во државна клиника ќе ми се случи не дај Боже нешто мене или на бебето...вакви мисли ич не ми паѓаат на памет. Малце офф топик...неодамна имав разговор со една мајка во исчекување за која можам да кажам дека се ептен солидно финансиски потковани и истата кога ја прашав каде ќе се пораѓа (очекував да ми рече Ремедика или Систина најискрено) ми рече во ГАК, а парите ќе ги инвестираме во зачувување матични клетки. Искрено и мене не ми се даваат 90,000 ден.(мислам дека во оваа тема прочитав) за едно, две, три уф- уф -уф, клекни-стани, диши-издиши.
Настрана „прекрасните услови“ и „супер односот“ на персоналот во приватните болници, што мислите, ако скраја да е нешто тргне наопаку, КАДЕ ќе ве испратат така полуголи, со болки и на сред пороѓај да ве средуваат и спасуваат? Мене не ме плашеа условите, ниту вработените. Мене ме смируваше фактот дека што и да се случи, најголемите стручњаци и најпотребната опрема ќе ја имам до мене на ГАК, и тоа беше пресудно за мојата одлука. Бев сместена во апартман, ама искрено - ниту боја знам каква имаше, ниту ТВ пуштивме, ниту ВЦ детално прегледував. Бебето инсистирав да биде цело време до мене, и тоа ми беше најважно. Сепак, секој со своите приоритети и желби Иначе, и ние ги вложивме парите во матични клетки...
Јас со двете деца се породив во Систина. Со првото природно, и не се сеќавам сега колку чинеше, мислам дека беше нешто над 70000. Со второто се породив со царски рез, и се сеќавам дека беше околу 2000 евра, не знам точно до денар. Плус секогаш имав нешто дополнително - онаа инекцијата за РХ- мајки, и не знам уште што излезе... Ама со двете лежев подолго од стандардното, многу беа мали, многу жолти, па чекав да се стабилизираат. Мислам дека со првото бев некои 7-8 дена, а со второто 10.
Јас со двете во Систина,природно.Тогаш беше околу 60.000 ден,цена во која беа вклучени и болнички денови.Јас останав 4 дена,т.е.3 ноќевања. А сега,бев минатата недела,(мојот доктор повторно се врати во Систина),и имаше брошури кои ги разгледував додека чекав .За природно породување заедно со болнички денови е 65.000 ден,а за царски 90 или 95.000,не знам точно,исто со пресметани болнички денови.Само со царски се лежи повеќе.Во цената се вклучена и стандардни процедури како лабараториски испитувања,вакцините први за бебето и бесплатен педијатриски преглед во првиот месец. Ама ги изрекламирав... Јас сум презадоволна ,се пораѓав во старата болница и мене ми беше битно каде.Односот на персоналот во тие моменти и секако хигиената и негата,за мене беше пресуден.
Јас се породив во Чаир со царски и бев вкупно 6 дена и неплатив ништо со плав картон сите испитувања за мене и бебето ништо не ме чинеа, а поминав супер, е сега во приватните е многу скапо и ако нешто тргне наопаку одма случајите ги праќаат во државна така да болница е болница.
A Mногу ме интересира Pомите од каде наоѓаат пари за пораѓај? или им даваат попусти нешто... Tие по 10 деца прават, ова е скапо изгор бре.
Јас со првото се породив во чаир, со царски, и плативме само за апартманот во кој лежев една недела, тогаш мислев да заштедам повеќе за бебето и сите трошоци, но иако породувањето ми беше кај еден од најдобрите хирурзи и помина безбедно, потоа ми се искомплицира од некоја алергија што ја добив додека лежев во шок соба, и иако бев потоа одвоена во апартман, си поминав многу лошо , и сама потпишав да си одам побрзо зашто не ми поминуваше состојбата. А со второто потоа отидов по истиот хирург кој се префрли во Св. Лазар и таму плативме 1750 евра за пораѓањето со царски и исто толку за матични клетки, и не знам дали нешто се доплаќаше за анестезијата што ја примав неколку дена, ама вредеше. Инаку и јас сум го слушнала тој муабет дека ако нешто се искомпицира ги праќаат во Државна . На сите кои ве очекува породување ви посакувам со лесно да помине, и одржувајте си ги позитивните мисли
Да земам кредит за пороѓај во Систина или Ремедика? Ма нема шанси.Доктор во Ремедика и доктор во Гак и двајцата колеги од иста генерација-овој од ремедика имаше пари плати,а просек 7.00,а овој од Гак има просек 10.00.И зарем е пресуден тука докторот според вас.?НЕЕЕ вие правите избор според болницата,а не мислите ли дека најважниот за да помине породувањето е докторот и никој друг.? Јас не ги сфаќам едноставно луѓето.Пиштат дека немале пари,немале шо да јадат а се пораѓаат во систина со цени глава да те заболи а тие кутрите одвај земаат милостина од мама и тато по 6000 месецот.Ако цената е 90 000 мкд на крајот ќе излезе 120 000 со вртење на муабети од типот овА требаше,трошок за инфузија,за ова за она.Па знам и на двете места одам на пракса,специјализирам гинекологија и акушерство.А да и ова заборавив.Мислите дека докторите во СИСТИНА или незнам каде се од марс?Па сите бе специјализираа на Гак.
Искрено, претеруваат со цените. Но, тоа е кој има ќе си плати кој нема ќе оди на државно. Ако е комплицирана бременост можам да ги оправдам средствата ама ако е од помодарство НЕ. И во двата случаева сама ќе се пораѓа, нема наместо неа докторот да раѓа, а уствари бабица те цело време пораѓа. Болки се трпат во секој случај а ако несакаш си земаш-плаќаш инекции, епидурална и во приватно и во државна болница. Претпоставувам дека секој гинеколог- доктор дали во државна или приватна ординација дневно пораѓа по неколку бебиња значи не е до искуството. Друга работа е ако нешто тргне наопаку и до сега не сум чула да остават жена на бокс сама и да умира. Јасно е дека е друг третман на приватно и на државно. Неоспорен факт е дека на приватно имаш друг третман само поради таа голема сума на пари и подобри услови а на државно зависи каде (во кој град) можеби е мизерија за некого ама и таму се пораѓаат жени. Имав нормална бременост и се породив на државно. Имав опција и во друга ординација ама несакав (не беа проблем парите). Сакав тие пари да ги искористам за друго. Е сега си имав докторка пријателка која си ја викав од дома. Не дека нешто правеше ама ете стоеше до мене и имав некоја сигурност. Сите работи кои ми ги носеа (колачи, сокови, чоколади) им ги давав на чистачките и сестрите и ако нешто ми затребаше ми одговараа. Да се разбереме тоа го прават сите. Тоа е мое искуство во државна болница во Ку-во.
јас лично не би дала толку пари за приватно освен ако не е морално.. и што ако отидам во Систина или Ремедика место мене некој да не се пораѓа.. подобро тие пари би ги дала за зачувување на матичните клетки на детето отколку за тоа. каде и да одам болката е иста тоа е што е и недај боже да има некои компликации пак те праќаат во државна и крај на крај не сум некоја принцеза да не можам да издржам неколку дена..
Абе женски оној кој си има си сака тинтрање, неам нишо против тоа. Секој со своето искуство. Во приватно мислам дека и те како повеќе пазат, пошо ако згрешат, бришка. Во државно не е толку строго. И на државна се плаќа многу понекогаш (знаете кога би можело да биде, да не цртам овде). Вака или онака, воопшто не ми се допаѓа...тажно е тоа што во животов некои глупи ситници се подостапни и цел живот се собираат пари за покрив над глава, да се породиш и достојно да те закопаат.
По тоа што јас го поминав во болницата каде што се пораѓав, за втор пораѓај воопшто не размислувам пак таму. Здравје, ако до тогаш отворат приватна овде, сигурно таму ќе е (ако цената е прифатлива). Инаку ако е се во ред, би ја одбрала штипската болница за пораѓај. Да знаев што се ќе поминам во струмичката болница, не 2.000 и 4.000 Е ќе дадев за пораѓај во приватна. Сепак секој е со различно искуство. Читнав дека Систина природен пораѓај со 3 дена во дво креветна соба-65.000, со вклучена епидурална (по барање), нега за детето и две вакцини, преглед од ортопед, крвна слика. Друго не се сеќавам. Цената за царски со пет дена во дво креветна соба -95.000. Но, како што напоменале погоре, не се вклучени дополнителни трошоци.
Мене од страв и лоши услови при првото пораѓање ми требаа 10 години да се одлучам за второ. Не да ги фалам, ама ми беше испочитувана секоја желба од Др. Тимчева, мора да ја пофалам. Првото дете го родив 3750 гр., бев сечена и многу лошо поминав, докторот ме форсираше и се ми е како во транс, ја изгубив цела енергија, мислам дека ми требаа години за да се вратам во форма, ми се провлече лошиот пораѓај низ животот. Второто дете го родив 4050 гр. и родив шо се вика на трето напнување. Е парите за во приватна болница ги штедев подолг период, високи се цените, ама кога ќе ми текне дека за да одиш во вц треба да чучнеш и ако сакаш да се измиеш нема (не да нема услови туку нема каде), тогаш се се исплаќа, сега кога ќе ми текне како си поминав со вториот пораѓај се ми е поубаво.
кои стручнаци која опрема , па немаат гинеколози за лек !!!! (ова е од извори од гак) толку немаат лекари да е страшно , порагаат специјализанти кои 2 месеци се на специјализација !!! сите стручнаци си отидоа од таму е баш ради тоа ке одам во приватна болница , не толку за да ми се смеат кога ке ме видат не толку за убавите кревети колку за стручнаците кои си отидоа од гак. и никоја да не се прави ако не е битно собата не е битно чаршавот ...оооооооооо и те како е битно!!!! знам мал милион мајки и дечиња посебно од чаир кои завршија со компликации само од нехигиената ! и дали вреди да вреди да се оди во приватна , тоа што е мноогу скапо е ама немаме избор
женички колку пари е царски во државна по барање на пациентот или пак пр доколку дојде да неможе да се породе по природен пат па да мора да се породи по царски,јас го носам карлично а 5 месец сум има ли шанси да се намести до 9 месец да се намести како што треба ви благодарам
^ Обично при крај на 8-ми се мести, рано ти е. Ако мора царски, ќе те породат со царски, а ако не мора, нема зошто да бараш. Не знам ни дали воопшто има таква опција.
Не си отидоа сите од ГАК, каде си го слушнала тоа? Јас баш заради тоа што сакав одреден доктор да ме пораѓа отидов таму, оти нели, тој таму работи - и сè уште е таму. А има и одлични специјализанти, кои навистина си ја знаат работата. Не значи дека во приватниве клиники се најдобрите стручњаци, сите тие си заминаа од ГАК само поради пари. Па сега кому како му се приоритетите... не значи дека ако некој има висока цена, навистина е стручњак и дека навистина ќе ти помогне.
