Црн-бел бумбар [Контактна емисија на Сител]

Што мислите за оваа емисија што се емитува на телевизија сител.
Според мене емисијата како емисија,нејзината цел и предмет ми се добро осмислени,дискутабилна е,народот може јавно да ги искаже мислењата,да се одредат позитивни и негативни настани,што му се допаѓа на населението,а што не...Замислата е интересна.
Од друга страна,негативното мислење за емисијава е што водителката,како и целата телевизија е многу партиски настроена.Како да е портпарол на владечката партија Кога и да ја гледам се чудам како некои личности добиваат првпат по 2-3 месеци,а некои како што се Николче,Митре и други по 3 пати во една емисија.
Дечкото што ја води на замена не ми е политички настроен па затоа повеќе ми е интересен кога тој ја води.А и Тања не е лоша...
Вие што мислите?

 

хахаахах мене баш ми е шема таа тања... увек ги затнува сите ама многу се смеам кога ќе почнат да се караат, врегаат, па груевски, па бране па дрн дрн јариња... интересна е ја пратам често

 

Ја мразам пошто водителката е апла ВМРО-вка, а ВМРО-вци мразам затоа што се крајно прости луѓе.
кој се навредил, се навредил. Негова работа.

 

Емисијата не ја гледам само кога ќе ја затечам. Интересна ми е, има доста препукувања, овој бил подобар оној...но сепак секој си има свое мислење. Тања - водителката како карактер ми се допаѓа, секогаш е цврста и стои на своите ставови..а тоа кој колку пати се јавил и кој како е настроен спрема политичките партии и баш незнам..а за водителот Огнен(мислам дека така се викаше) едно време кога ја мењаше Тања гледав една емисија и со него и стварно има пријатен глас, и гледачите доста го поздравуваат и почитуваат, се гледа дека е добар, културен и има разбирање со луѓето па затоа и го сакаат...

 

Не ја гледам емисијата. Сум слушнала дека секој ден партиски војничиња од различен град треба да гласаат.....така да

 

Ретко ја гледам, ама ОК ми е, поттикнува дискусија и почитувам што секој може да го каже своето мислење. Па ваљда не прашуваат таму од телевизија пред да го вклучат човекот за која партија ќе се изјасни, не? И водителите ми се допаѓа како ја водат емисијата.

 

Не прашуваат, ама малку само биди против ВМРО те гасат затоа што времето ти истекло. А ако зборуваш пофално за ВМРО и прекувремено ќе те остават да зборуваш. Политички обоена емисија. Посебно водителката. За тој што ја заменува незнам затоа што го немам начекано, ама водителката ми е крајно одвратна

 

Црн бумбар за емисијата
Не,емисијата има добар концепт,ама сето тоа губи смисла затоа што е премногу очигледно дека е само инструмент на владеачката партија со кој се наметнува во јавноста,демек се слушало мислење на народот.А водителката е крајно одвратна.Абе не дозволува лош збор да се каже за ВМРО, одма прекинува и тоа го прави на многу некултурен начина,божем не дозволувала навреди во емисијата.А кога некој е против другите партии не само што дозволува навреди и секакви зборови туку и таа додава свои мислења, кои знаеме какви се.И кога некој ќе и каже дека е партиски определена она одма се буни,демек таа е само водител,бла,блабла...
А тој дечкото што ја заменува енкогаш е ок,не е толку пристрасен и не се меша во одговорите на гледачите.И да,кога веќе ги спомнав гледачите одамна сфативме дека најредовните се послушни партиски фигури кои секогаш имаат среќа да добијат линија!??Аха,секако
Се на се,не ја сакам емисијата затоа што е само уште еден проект на власта со кој се обидува да пере мозок на народот и на секој можен начин да се промовира себеси и своите ставови,и сето тоа на телевизија која е под нејзина команда

 

За емисијава коментиравме пред некој ден на факултет. Се изјаснив дека сум против оваа емисија затоа што е премногу партиска. Па и кај нас речиси сите телевизии се определени, А1 ги бранат ставовите на опозицијата, а сител на владејачката партија. Водителката е определена и те како. Крајно дрска и безобразна. Не внимава како се однесува со оние гледачи кои имаат спротивни мислења од нејзините, т.е. од нејзината партија. Ако веќе замислиле таква емисија тогаш нека дозволат секој да си каже што мисли, без разлика на која партија е. Мислам дека девојката има некој што добро и го чува грбот штом се дрзнува така да се однесува и тоа на телевизија.

 

Мислам дека се вика “Бумбар“ правилно
Не ми се допаѓа затоа што се јавуваат се едни исти! Уште по гласот Тања ги познава. Немам ништо против што е водителката или воопшто сител политички обоена, затоа што денес нема кој и нема што не е политички обоено. Е сега кој знае правилно кон која партија треба да се осврне тој нема да седи дома без работа и да плука по власта! Ете а1 е чисто сдсм-оска телевизија па јас и на неа гледам програми, гледам и на сител и на мктв и секаде каде што има добра програма. Не сум како некои болни комунисти или пак вмро-вци што нема да гледаат одредена телевизија затоа што била од спротивната партија!

Да не бегам од темата, Бумбар не ми се допаѓа затоа што ниеден од тие што се јавуваат не кажува нешто точно и правилно!

 

И Тања и Огнен ми се ОК, работата е во тоа што Огнен многу им попушта, и им остава и откако ќе им истече времето да си зборат, и не ги прекинува... затоа го сакаат... Ама Тања опасно ги крати ))))

 

Ама многу е интересно како ги крати само тие што зборат против нејзините миленици,а тие што зборат добро за власта имаат и повеќе од минута за зборување

 

Пред некој ден се јавува еден гледач и вика
- Тања вие мажена сте?*
- Не, зошто?
- Па, како така не сте се покориле на кампањата на Груевски за трето дете?
- Ве молам гасете го гледачот

ахахахаха убаво и кажа =))))

он топик - премногу исполитизирана емисија. Од мене Црн бумбар

 

Идиотска ми е емисијата.
Не знам зошто, можеби дека се јавуваат се едни исти луѓе, пензионери без работа, па ајде сега да вртиме и да си пополниме време.
Ако се воведе некоја песна, малтене ќе ме потсетува на Вашите 5 минути од времето.

Имам чувство дека истата емисија може да се изведе на поинакво, повисоко ниво, за нијанса поинтелигентна емисија и нормално ќе добие на квалитет.
Ама па од друга страна нашиот народ е тој... прост.

 

ја мразам емисијава. Цело време се јавуваат едни исти бадијалџии кои немаат друга работа.Многу лош тајминг имаат баш за време на ручек и за жал мора да се слуша. Интересен ми е делот кога и се пуштаат на водителката ако може така да се каже(даваат комплименти) а таа ги сече од корен..од линија де

 

Посовршена емисија за овој прост народ не постои!

Многу ме нервираат водители кои јасно го покажуваат своето партиско определување во емисија...

Тоа е непрофесионализам! Тоа е дебилизам!

Ама, кога ќе видиш во Сител менторот им е тој - д уан енд онли ЛАТАС.

Така да не знам што и друго би се очекувало...

Ужас, со еден збор, тоа е моето мислење за емисијава!

 

И демек ако има ваква емисија, ќе се слушне гласот на народот! Ветер во магла! Црн бумбар....џабе потрошен 1 сат пред екраните!

 

Поглупава емисија немам гледано!!! Па таа Тања водителката толку се приметува дека е политички ориентирана кон ВМРО, просто ми се гади кога ја гледам како се расправа со некои гледачи кои ја критикуваат власта, а сите кои ја фалат ги остава до крај да се испукаат.... уффф ме нервира

Еден голем црн бумбар за емисијата и 10 ЦРНИ БУМБАРИ ЗА ТАЊА-НАЈНЕПРОФЕСИОНАЛНАТА ВОДИТЕЛКА ШТО НЕКОГАШ ПОСТОЕЛА(полоша е дури и од оние што ги водат глупите квизови )

 

Емисијата е глупава, ретко да ја начекам, некогаш случајно ако ми е оставено на Сител слушам нешто.
Баш како што кажавте, народот ни е ептен прост и ептен се соживува со тие (what the fuck ) бумбари.
Јас стварно незнам на кој му текна да ја нарече бумбар. А инаку, дали постои бел бумбар?

Мене водителката ми е антипатична, а гледачите се приказна сама за себе.
Јас кога ја начекав емисијата баш пред некој ден еден зборуваше за задниците на лавовите, а друг дека со душа чека да дојде Водици, па со задоволство да ги гледа објектите од Скопје 2014 од Камен мост.
Мислам хелоу.

Но за жал, оваа емисија ќе трае уште многу долго баш заради народот и неговата желба за коментирање и правење паметен.
Ама тоа само преку телефон.
Вака кога треба да се протестира пред собрание, никој нема да дава бумбари.

 

Сител е ВМРО-вска телевизија,Тања е ВМРО-вка,и никој неможе да ме убеди во спротивното.Многу е глупа и прозирна и не си ја врши добро својата работа.И ако и е за се што ја навредуваат и повеќе и треба.Кога некој ке зборува против ВМРО веднаш го исклучуваат.А ако зборува убаво,како што рекоа и повеќето од вас,и повеќе го остава да зборува.И само се смешка.Хаха,гуска една Одвратна е црн бумбар за емисијата!