Цртачки предизвик - Тема: Inktober'52 (Astronaut)

Седнав да учам онака и само ми текнува дека ќе отворав темава и си прам „аман еднаш на време да ти текни“. Нов месец - нов цртачки предизвик! Од кога заврши Инктобер се думавме за начин како пак да се дружиме, уште еден 30 дневен предизвик ( а, има многу на интернет) мислам дека е ту мач, јас бар изгубив кондиција претходниот месец секој ден. Е сега, идејата за сега е вака:

• Има различни цртачки предлози и секој можи да предложи одреден цртачки предизвик и сите влегуваат „во игра“.
• Ќе има неделен цртачки предизвик зошто имаме разбирање за туѓо време и колку време уствари можи одреден цртеж да ни одземи, а некогаш то е саати, па и денови.
• Цртежот кој ќе има најмногу лајкови одлучува кој е следниот предизвик.
• Према мене, океј е да се повторват предизвици оти иако има многу, одредени се популарни со причина. Пишете за оваа точка шо мислите, дали сте за повторвање на предизвици по некое време ако сите ги уживале?
• Материјалите кои ќе ги користите се целосно на вас, нема ограничувања како Инктобер.
• Идејата ми беше од Понеделник до Недела да се ставаат цртежи, и во Недела да се задади темата шо ќе биди од Понеделник. Без победник, без нешто комплицирано, туку ова со лајковите е за да се избери следен предизвик и да е интересно, а притоа да има доволно време да се црта кога ќе имаме некои покомплицирани теми.
• Ако имате најмногу лајкови и не ви се допаѓаат предложените предизвици, секогаш можи да предложите нов предизвик или пак „тема“ односно збор на кој ќе се црта таа седмица.
• И ако сте расположени за да направите поќе од еден цртеж и имате желба и време - зошто да не?

Е сега предизвиците можи да бидат и исто така цртање на дадена тема, а можи да бидат покреативни како цртање со лева рака, цртање како мислите дека личи членот над вас, од шкртка да се напрај уметност, можи да се црта ако сме во близина на некој празник да се обидиме да ја доловиме атмосферата во цртеж. Поентата ми е нема да се натпреварите конзистентни, као со лева рака нема шанси добро да личи цртежот ( десна рака за тие кои се леваци) ама важна е забавата и пошто јас со другари се бериме на видео чат и цртаме вака - ви гарантирам дека е забавно. Кога пример предлагате цртање со лева рака, предложете и тема на која ќе се црта, можи и такви комбинации да се прат. Као буквално се можи да се прај, сите идеи се добредојдени!

За оваа седмица:

1. Пошто темава ја отворам во Среда ради мрза, нека биди првата седмица кратка за да биди динамично, па од Понеделник почнуваме по „план“. Ако имате забелешки какви било ве молам коментирајте ги зошто јас пробав да добијам поќе мислења ама не добив и зато вака ја отворам. Пишете како мислите дека треба да е за на сите да одговара. Као не само за времето, за било какви забелешки, вака можи и поќе луѓе ќе ја видите за да ја средиме темата на самиот почеток.
2. За прва тема, ако се согласувате, ете јас предлагам да е the scribble challenge чисто колку да почниме, па до Недела ќе знајме кој има најмногу лајкови за да предложи следен предизвик. Долку ќе го објаснам предизвикот.

The Scribble Challenge:
Предизвиков се исполнува така што земате лист хартија и со стило/ молив, по ваш избор шкрткате нешто со затворени очи. Откако ќе ги отворите очите и ја видите вашата шкртка, почнувате да цртате со нејзина помош. Од таа шкртка треба да направите да личи на нешто, користејќи ги нејзините „помошни“ линии. Многу уметници сликаат скеч, па ако се решите за боја и да комплетирате целосно дело - сликнете и така. И тоа е добредојдено.

​

(примерот е преземан од интернет, задебелените линии се шкртката кој некој ја направил, посветлиот дел е делото кое е нацртано, комотно кренете ја раката дур шкртате не мора да е една споена линија).

Следни предизвици ќе пишам во едно до две мислења ( зависи колку надолго ќе фатам да објаснувам) за да не се мешаат со ова првото кое се однесува на оваа прва, почетничка седмица.

Let the hunger games begin.

 

Од збор до цртеж:
Ова е преедноставно. Се пишува еден збор и од зборот се прави цртеж. Значи се предлага збор од тој кој избира предизвик, и се кажува дека од зборот треба да се нацрта нешто на тој начин шо зборот е искористен ВО цртежот, а не е само тема на цртежот.

​

( сликата, пак, преземена, можи да биди оставено едноставно со молив или можи целосно да се комплетира и со боја и останати детали)



Предизвик со три маркери:
Овој предизвик се исполнува така што затворате очите и од сите бои кои ги имате одбирате три „на слепо“. И после само со користење на тие три бои правите цртеж ( + мастило ако сакате за аутлајн, не е читин ahahah).

​

Сега прв пат видов предизвиков, од кај шо уствари ја преземам сликата, и добив идеја, не мора да е само со маркер туку со било каков вид на боици:

• дрвени
• водени
• темперни итн

По избор на тој кој треба да бира. Нека седи името на предизвикот вака, ама за да не пишам исто објаснување со различни видови на боици, нека се подразбира дека типот на бои кои ќе се користат е избор.



Уметност со кафе:
Тука мислам дека и нема потреба од нахнадно објаснување. Правите кафе ( поретко, погусто) и го користите место боја. Нигде не читам за користење и на талог ама реално никогаш ова го немам праено така да не знам како е, кога ќе го избериме предизвикот заедно ќе научиме како најдобро се црта со кафе аххаха.

​

Линкче од каде преземав овие слики до сега. Можи да ви се најди.



Bob Ross Challenge:
Инструкциите за овој предизвик се многу едноставни. Земате лист, или платно, изборот е ваш. Боички. Си пуштате Боб Рос видео и одите чекор по чекор да цртате по неговите инструкции. Изборот е ваш. Ве молам кажете обично шо боички користи да си набавам зошто и да неќите да го прајме заедно, сакам сама да го прам.

​

Линк од целата приказна од кај шо иди сликата, прочитајте прејако е.



Цртање со лева рака:
Барем ние кога сме цртале со лева рака го правиме така што прво на дадена тема цртаме мини цртеж со десна рака и после со лева рака го прецртваме. Пошто со послабата рака е тешко да мислиш и да одиш по замисла, полесно е прво да видиш како сакаш уствари да дојди. Ама секогаш можи да одите директно со лева рака, не е проблем.

​

1 min/ 30sec/ 10sec:
Ова кога слушнав инструкции не мислев дека е возможно да се напрај. Ви гарантирам дека ќе бидите изненадени колку многу можи да нацртате за 10 секунди. Идејата е, се дели листото на три дела, земате тајмер, пуштате и цртате една минута на дадена тема ( можи темата да биди дадена од тој кој го избира предизвиков). На вториот дел од листот планиран за овој предизвик, цртате на тајмер со 30 секунди. И за крај, на третиот дел од листото пуштате тајмер 10 секунди.

​

Исто и овде се оди со идејата, прво да се види шо сакаме да нацртаме и полесно е кога го гледаш и го прецртваш ама секогаш има опција за обратно цртање односно 10 секунди, па 30 секунди па 1 минута. Као, од сите предизвици можат нови предизвици да излезат, да остајме да излези креативното од нас. Исто така гледам на нет дека има и поинаков предизвик со време: 10 минути, па 1 минута па 10 секунди. Буквално можиме сите варијации да ги пробаме ако ви е интересно.



Предизвикот Амабие:
Амабие е јапонска легенда за сирена. Ова беше предизвик пред извесен период, како awareness за COVID-19 и многу уметници имаа свои интерпретации за тоа како Амабие изгледа и правеа уметност со неа. Идејата е дека штом има пандемија, треба да се копира ликот нејзин за добро здравје. Предизвикот е буквално да се нацрта сирена. Линк за да прочитате поќе, интересно е.

​

p.s. Сирена со три перки е.



Zentengle:
Се црта така што на листот хартија правиш искривена линија, па друга искривена линија и после внатре во искривените линии црташ некаква шема или ги пратиш веќе направените искривени линии. Прај смисла? Ко за некој шо ги претставува сите овие предизвици, абер немам да опишам нешто, зато толку се потпирам на примери.

​

Ова е уствари линк од каде крадам неколку идеи. Отворете линкот убав канал ми гледа иако го немам гледано многу претходно. Ама мислам дека од сликата е јасно шо сакам да кажам.



Од објект до некој лик:
Се зема било кој објект од непосредно опкружување ( ова можи да биди на избор на секој кој учествува или да биди избрано од тој кој го избира предизвикот), пример саксија, топка, книга, и целта е да се направи во сладок лик.

​

Нормално, девојката на видеото вели дека ликот мора да е сладок ама не мора да е, ние можиме да го прајме и покомплицирано, некогаш страшно, некогаш слатко, по наш избор. И овој предизвик можи да се разчлени на многу поситни и за нијанса поразлични предизвици.



Уметност од една линија:
Мислам дека имам цртано лично јас по темите на овој начин. Земате една линија значи без да крените стилото/ моливот или шо и да сте избрале, ја виткате дур да излези „нешто“. Штом крените моливот, значи сте завршиле.

​

Мислам дека сликата објаснува многу шо проба авторот да објасни на многу беден и мизерен начин. Да, јас сум авторот. Да, јас не знам да објаснувам.

Ова ми е 10та слика во мислењето така да одам да си земам нешто благо па ќе соберам уште некој предизвик и ќе објавам вака, за да имате избор. Повикав и пријател за да направам шо покомплетна листа од која ќе можите да бирате.

 

Цртање на нешто старо:
Знајте она, 2016 вака, ама 2020 вака? Сите некогаш сме почнале со цртање. И претпоставувам дека голем % од тие цртежи ги имаме физички или бар дигитално. Гледате кај одам со ова, не? Епа си избирате еден стар цртеж и го п р е ц р т у в а т е. Добар начин е да се види колку сме подобрени. Ова уствари со тие со кои цртам ни е планирано за следна средба, да ископаме стари цртежи и да ги прецртаме и после уште нешто, шо ќе го пишам одма после сликата оти ние ќе го прајме споено ама можи ние тука да го викаме башка предизвик.

​

Е сега ние шо ќе прајме друго е, шо секој ќе пушти стар цртеж во ЛП на другиот ( тројца сме па е изводливо ама мислам дека има начин и тука да напрајме така), цртежот кој го пуштаме е исто, стар цртеж пример мој, го пуштам на другарка ми и таа го прецртва во нејзин стил, а јас прецртвам од другарот стар цртеж, во мој стил. Не знам како би се организирале за ова на форум, ако имате идеи плс. Интересно е.



Цртање лик во повеќе стилови:
Избирање на еден лик, дали од филм, цртан, серија и тој лик да се прецрта по неколку различни стилови на цртање. Пример цртан vs аниме стил или стрип vs манга. Исто така можи да биди спој на повеќе цртани, пример лик од еден цртан е нацртан во стил А. Па се прецртва во стил Б кој е уствари стил во кој е нацртан друг цртан. Во видеото шо го линковав во претходното мислење со објаснување, е спој од два цртани:

​

Doodles:
Пополни цела страна со мали doodles! Ц е л а страна. Не е читинг и да е мал лист ама ... ама ...

​

Цртај по песна:
Ова е исто така нешто шо го имаме праено ама се потсетив од видеото од претходното мислење. Се избира една песна и се црта по неа. Песната можи да биди избрана од тој кој избира предизвикот или секој да црта по своја песна. Ние лично, пуштавме песната на loop да врти дур думаме и цртаме. Најчесто временски не ограничувавме. Можи исто така да пробаш да завршиш цртеж дур трај песната (~ 3 минути).

​

Ок не можев да најдам слика тука ама морав нешто рандом да клам оти инаку ќе пукнев ако остаев едно без слика. Идејата е на шо ве асоцира сликата - то цртате. Можи да биди шо било.



Скулптура од ѓубре:
Ова не е веќе цртање ама ќе го остам да трепка оти е уметност иако темата ја именував „цртачки“ предизвик. Земате работи „за фрлање“ и прајте скулптура од ѓубре. Уметност од ѓубре. Ова можи и да се напрај така шо се шо ви е пред трошење да го потрошите на даден цртеж.

​

Цртање со гума:
Ова баш сега го видов во форма на јутуб видео, линк. Накратко, го сенчаш листот ЦЕЛ и после со гумата како шо бришиш така уствари црташ.

​

Цртање со затворени очи:
Ова не знам како заборајв, а го имам праено. Буквално се задава тема за цртање, и се црта своја интерпретација ама ... со затворени очи. Линк.

​

Модифициран Боб Рос предизвик:
Ова го видов ко го пишев претходното мислење ама си реков „нее ... со храна?“ и сега ми текна дека буквално кафе предизвикот го напрајв. Се прати пак видео на Боб Рос ама не се црта со бои туку со frosting и прехрамбена боја се меша во frosting. Јас го пишам како Боб Рос предизвик, ама секогаш можи да биди на било која тема.

​

Линк од видеото, прејако е одамна гледано ама ќе го прегледам.



Пикселизирано цртање:
Накратко, имате замисла за нешто ама не го цртате со линии и споено и убо ама ... го ... п и к с е л и з и р а т е.

​

Многу се сеќава дека ми е мака да објаснувам?



Анимација:
Буквално земате неколку мали ливчиња, ги редите последователно и цртате некакви движење. Нема шанси да не знајте за шо зборам. Flip- book.

​

Не мора да е толку големо како на сликата, можи да е само неколку последователни слики, пошто посекако ќе го ставаме ние како слика неколку карди освен ако некој не го мрзи да го снима своето па да го прај во гиф али процес е тоа.



И то е то. Мака ми е за уште. Ама сега знајте, во првото мислење е the scribble challenge и то е предизвик до Недела така да сакам да гледам цртежи напраени од ваши чкртки!

edit. Повикав и пријател за да комплетирам 20 ( +1 ) предлог предизвици, да не ми се лути пријателот @SStasia поз ma4e mwa.

 

Да, таа е прва, зато ја оставив сама во почетното мислење, другите се отворени за избор ако некој нема идеи шо да предложи следен предизвик ако добие најмногу лајкови.

 

Благодарност до @Celltica шо го скрши мразот, еј од она шкртка немаше чоече да видам, скапав гледање и си прам "daaamn предобро".

@SStasia чкрткава ти е како one line уметност :о Грев е врз неа да црташ, така да си знајш.