Последно време си се почастувам со чаеви, додека порано не сум ги обожувала. Моментално сум на чај од брусница ради определени причини.
Јас тотално се навлеков на нивните чаеви, мислам дека целата заштеда ми оди на чај. Комбинација од бел + зелен чај = Ангелски бакнеж е нешто божествено. Во моментов го имам тој за слабеење - Ајруведски чај и има супер вкус и многу убава арома. Зелениот чај со пинаколада арома не е ни приближно ист како оние гадните зелени чаеви во ќесички. Од последниот таков животот ми се смрачи, толку гадно нешто не сум пробала. Се префрлам на чаевиве од LaSoy за вечни векови. Ги испробав и Велнес енергија и релаксација и исто беа супер. Уште многу вкусови се на списокот... So much tea, so little time. Освен оној зелениот на Виталиа со лимон и ѓумбир и тој од брусница, се` друго од чаеви во ќесички отпаѓа.
^ Кај можат да се најдат овие Ласој? И како им се движат цените? Јас се навлеков на Јоги чаевите, од Биокулт во ГТЦ, само цените не знам како им се, моиве ги купуваат. Предобри се. Не сум поборник за органски ствари и слично (добро, ок, до некаде е во ред, ама она болно и занесено не), ама вкусевите им се прекрасни. Тој со смирувачки ефект со карамел е одличен и рилаксд мајнд е супер. Има и женски чаеви, јас го имам тој за пмс, солиден е ( ) и ванила и цимет е супер. Наредно јас ќе одам да си купам, сакам да видам какви други имаат и да испробам некои нови. А замислете не сум тип на човек кој сака чај...
Мислам дека во Веро центар, во оној дел што е измеѓу спратовите, просторчето од лево... продаваат и природни сапуни и филџани,чајници интересни итн. Другото е на Климент Охридски кога одиш кон Соборна од десната страна, ќе видиш неколку продавничиња после Кинг Бургер кај што беше по главната улица... тука има една ко галерија,една каде продаваат некои шуби-дуби интересни парчиња облека и оваа продавничка со чаши,чаеви. Јас од една феминка дознав за оваа продавничка,кога барав керамички садови цц Другиве чајарки нек потврдат ил нек кажат каде точно беше
Еве ви ја веб страната видете си локација. http://www.lasoy.com.mk/index.php Ама некако цените на одредени чаеви им се превисоки, дури до 1500 денари за зелен чај
Како што ви објаснила жапче, таму се. Во Веро центарот се нови, јас купувам само од оваа на Климент Охридски мислам имаат повеќе избор. Инаку таа цена од 1500 денари да не е за кило? Мерат во кесички од 50 и 100 грама, некој просек да извадат 100 грама околу 150/200 денари е, ама зависи од чајот. Трендафилке, ако имаш пробано чај од јасмин ти го препорачувам зелениот чај со јасмин. Јас сум вљубена во него, истовремено ме смирува и ме енергизира и има прекрасна арома на јасмин. ПОследен пат земав ваков и еден зелен чај со јагода, ананас, портокал и манго. Како лето во шолја е, многу убаво мириса и е превкусен. Плус има и сушени парченца од овошкиве што јас си ги грцкам откако ќе го направам чајот. Е да, да не заборавам дека и ливчињата откако ќе го испиете чајот можете пак да ги користите. Одлични се да се додадат во земјата кај некои билки, а има и еден пилинг, каде се ситнат (во блендер), се мешаат со малку маслиново масло и се нанесуваат на лице. Ова за мрсна кожа е сон.
Чај од нане,камилица или шумско овошје.Доколку изберете еден од овие три,нема да погрешите со сигурност !
Јоги чаевите се по 250 денари. Ла Сој продавница имаш на бул. Климент Охридски, карши Вулкан, во редот на Матица. Пробај го Крисмас Ти
Си ги пијам секојдневно или зелен, или бел, или брусница, но имам и домашни од нане мајчина душица, ајдучка трева, кантарија, тазе набрани и исушени Чајџилница е дома
Јас секојдневно пијам чај, каков и да е, незасладен, а многу и седопаѓа турскиот чај, кој е појак чај. Тетка ми кога се враќаше одТурција донесе турски чај, но не знам како да го припремам. Ако некој знае, нека пише
Чај - не благодарам. Може да се напијам во зима од шумски плодови или јагода/ванила, ама друг чај не можам да пијам ми се лоши од миризбата на тревките.
Дали сте ги пробале новите чаеви на Алкалоид?Многу се јаки 80% -90% овошје. Има од брусница, аронија+шумско овошје и кајсија+лимон. Нешто невидено, подобри чаеви не сум пробала
