Забележав дека во неколку мислења е споменато ова семе, но не се дискутира наголемо за него и бидејќи има големи придобивки од него, сметав дека заслужува своја тема. Накратко кажано, Chia-та е цветно растение кое и припаѓа на фамилијата Lamiaceae (нане). Потекнува од јужниот дел на Мексико и Централна Америка, каде било важен дел во исхраната на Маите и Ацтеките. Помага во намалувањето на телесната тежина. Неговото консумирање пред јадење го намалува апетитот, го успорува варењето и како резултат на тоа, подолг период дава чувство на ситост. Исто така го намалува високиот притисок и помага во борбата со дијабетесот (го регулира нивото на шеќер во крвта). Богато е со протеини, јаглехидрати, масти и растителни влакна. Содржи 5 пати повеќе калциум од млекото, 3 пати повеќе железо од спанаќот, 3 пати повеќе антиоксиданси од боровинките и 2 пати повеќе калиум од бананите. Исто така ги содржи и омега 3 и омега 6 масните киселини. Со само две лажички чиа можете да внесете 18% калциум, 24% магнезиум и 50% манган од препорачаните дневни вредности. Според се што сум прочитала досега, семево ми изгледа како одличен додаток во исхраната и со намера сум да почнам да го користам. Имам слушнато дека го има и кај нас, но не сум сигурна каде точно може да се најде.
^ Го има во големите маркети, од Виталиа е 322 денари (во тегличе е). И во продавниците за здрава храна го има на рефус. Го имам пробано, но мене ми е скапо ова семе, па затоа си земам мелено ленено семе. Во секој случај, чијата е одличен додаток во исхраната.
најубавото нешто што го користам , ми се разубави кожата ноктите ми се цврсти , 1 год откако го користам не ме има фатено никаков вирус , и ослабена сум 5 кг без диета
Има Чиа семе на Натура, јас го земав од Керфур за околу 90 денари, го користам во се и сешто, во смуди, во мусли, кога правам интегрален леб, во кифлички.. Кажи го рецептов за слабеење? Како го користиш?
Моментално ви е на акција во Рамстор тоа на Натура, 62-65ден така нешто беше за 100гр. Јас го обожавам и скоро секаде го додавам а кога кризирам за благо од него си правам пудинг.
Ем здраво, ем вкусно Ние дома го користиме редовно веќе месец дена, јас го додавам наутро во овошно смути и забележувам дека енергијата преку ден ми е видно зголемена, едвај чекам да видам како ќе ми се одрази на кожата и ноктите @slavica999, може рецепт за пудингот?
@Nausicaa јас си го правам чиа пудингот по оваа рецепта: 500ml млеко 2 лажици супени чиа семе 1 лажица мала екстрат од ванила 1 лажица мед а може и шеќер Во сад ги ставам млекото, медот, чиа семето и ванилата.
Неколку дена го конзумирам чиа семето измешано со сончоглед лупен и ленено семе,наутро во чаша јогурт,забележувам промена во метаболзмот,пошто ми беше мравка бавенво секој случај,само полезности би добиле со конзумција на чиа семето бидејќи е јак оксиданс и знаеме како би делувал.
Во чаша од 250-300мл ставам кокосово млеко или млеко од бадем и 3 лаж чиа семе. Промешам и ставам во фрижидер да набобри. Најдобро е од вечер да се направи и утре да се јаде така се ептен добро згусне. Понекогаш додавам и 1лаж мед или малтекс во млекото (може и со обично млеко). Одозгора посипувам со зависи што имам по дома, коцки темно чоколадо, јагоди, ореви, бадеми, лешници.. За да добијам на брзина и време 1 мала шоља со бадеми ставам во блендер и чаша вода. Блендирам и додавам чиа семе и 1 лаж. какао. Ставам во фрижидер и утредента имам појадок за на работа. Ем здраво ем вкусно, јас ја обожавам чиата
Јас три пати неделно, инаку од невнимание не се повеќе, јадам чиа, ленено семе, интегрален сусам, со брусница, аронија ,малку микс од мусли и јогурт. И дефинитивно ми се забрза метаболизмот.
Јас измешав 50 г чиа семе,50 г сусам, 50 г златно ленено семе, 50г темно ленено семе, 50г семки од тиква и 100 г семки од сончоглед.Сите семиња ги мелам во машинка за мелење кафе и ги мешам во голема кутија.Секој ден додавам по една голема лажица во овесната кашасшто си ја правам за појадок, и чекам резултати. Одкако ги прочитав придовките од чиа семето размислувам да го појачам миксов за уште 50-100 г.
Офтопик, ама морам да те прашам со што го правиш смутито? Се мислам дали би можела да правам со оној рачен блендер што е? Многу ме интересира каков е вкусот на семево, зошто имам и јас гледано еднаш една девојка на јутуб правеше некој вид на пудинг од него ама ни на крај памет не ми текна дека кај нас би имало. И плус еднаш на Виталиа кога видов колку е скапа киноата се разочарав.
На Натура е најефтино чиа семето. Слабо се прави со рачен блендер, посебно семиња.. А мојов е од 700W ама не бива..
Семињата и да останат не ми сметаат, барем дали ќе ми го смеле овошјето/зеленчукот и овесните снегулки? Иако завршува годинава учебна мислам дека ова ќе ми биде најдобра алтернатива за тостовите и сендвичите. Ќе побарам на Натура, фала.
@x.Daisy.x, јас го користам овој http://www.technomarket.com.mk/products/09138478/philips-hr-2100-50 и нема проблем со блендирање на овесни снегулки(претходно одстоени во вода) но чиата ја додавам во веќе направено смути, така ми е највкусно @slavica999, лиги ми потекоа додека го читав рецептот мммм
