Чик литература

ти ја препорачувам автортката Александра Потер... Една од моите најомилени авторки Скоро сите нејзини книги ми беа многу интересни: Внимавај што посакуваш-може да ти се исполни, Која е таа девојка, Мојот господин совршен. Овие книги не те оставаат на мира дури не ги прочиташ Сум ја прочитала и Дали често доаѓате овде, но не ми беше многу интересна, а следно планирам да ја прочитам Не си тој што го посакувам од истата авторка. Исто така имам прочитано неколку делови од Купохоличарка, само не можам да ја најдам Купохоличарка и бебе. Се надевам дека помогнав Поздрав

 

За (не)среќа се’ повеќе книги се од овој жанр.
Имам читано, ама не знам колку ми имаат останато во сеќавање.

Попрво би се сетила на деталите од Клетници, отколку на Шминкерка (крајно глупава и гадна книга) .

Но, понекогаш се потребни вакви лесни книгички..

 

Ја ОБОЖАВАМ чик литературата ... особено книгите на Александра Потер ...
Исто сакам да кажам дека повеќето убави серии и филмови се снимани според книги од чик литература Gossip girl , Sex and the city , Shopaholic ...итн.

 

И јас ја обожавам чик литературата. Имам прочитано неколку книги од Александра Потер и Софи Кинсела и дефинитивно уживав во нив. Лесни книги со многу хумор, го отргнуваат мозокот од здодевното секојдневие.

Би можеле ли да ми кажете некои книги од овој жанр кои би можела да ги најдам во библиотека?! Бидејќи повеќето наслови што ги видов тука ги нема во градската библиотека, а не сум баш во најдобра финансиска состојба за да можам да ги купам.

 

Јас не ја сакам бидејќи нема поента и како што си прочитал, така забораваш и остануваш без некој впечаток и не ме поттикнува да размислувам. Плус, приказните цело време се едни исти и ликовите се недооформени.
Ама сепак од време на време потребно е да го пуштиме мозокот на пасење па еднаш годишно и јас знам да земам некое книжуле со ваква тематика.

 

Во последно време ептен се нафрлив на овие, мајку му.
Последна што ја прочитав ваква е „Ѓаволот носи Прада“, а сега брзо ги читав и „Шминкерка“, „Ангус, танги и страсни бакнувања“ (сум се газела од смеење на книгава), „Шопингохоличарка“ третиот дел мислам, кога ќе ја најде сестра и, сега чекам една другарка да ми ја даде „Дебела, чипс, бисквити и љубовна болка“ (вака мислам дека беше ).И „Јади, моли се уживај“ ја читав сега брзо, не знам дали спаѓа во жанров, ама ептен ми беше интересна, за два дена ја прочитав.Интересни се за тепање време, а и смешни се бајагички.

 

Чат-пат ќе земам некој чик книга и секогаш ќе се покајам! Еве последна ја прочитав Која е таа девојка? Книгата беше ептен досанд читаш едно 150 страни и ништо апсолутно ништо важно не се дешава. Едвај ја дочитав ми можам да кажам дека не ми се интересни и не ми се реласкирачки ама ич попрво би зела некој љубовен роман да читам одколку чик, а жално во денешно време се преплавени со чик литература али тоа е има некој што ја сака и ја бара

 

Не обожавам ваква лесна литература. Не значи дека порано не ја читав. Едноставно сега за да ме задржи една книга треба да има соодветна тежина.

 

Единствени прочитани книги од чик литература ми се сите делови од Купохоличарка (освен последната - Мини Купохоличарка, која мислам дека уште ја нема овде) - Софи Кинсела. Ептен се навлеков тогаш, по 100 страни читав на ден.

Добри се за опуштање, хумористични, ако не ти е денот ќе те расположат .. Лошо кај нив ми е што после нивното читање, не ми се чита нешто сериозно

 

Во последно време не преферирам чик литература. Некако сите ми се исти и ми се здосадија. Единствено кога ќе сакам да се опуштам и да го пуштам мозокот на пасење читам ваква литература

 

Овакви книгички за летово се милина...таман си го оставаш мозокот на пасење,си уживаш додека ги читаш

 

За овој одмор, во мојот куфер меѓу фустаните, костимите за капење и млеката за сончање, беше и ова




За одмор и моменти на опуштање.
Не бара никаков ментален напор, но поттикнува на размислување.
За сите кои не се задоволни од својот живот и живеат со убедување дека на другиот му е поубаво.

 

Една од најдобрите чик книги кои сум ги прочитала е „Која е таа девојка?“ од Александра Потер. Лесна, хумористична и забавна, а од истата авторка доста смешно дело е и „Внимавај што посакуваш“

 

Често читам вакви книги.Си се опуштам како романтичен филм да гледам.Ги имам читано сите од Софи Кинсела сега ја чекам новата, имам нешто и од Александра Потер, Мег Кабот, Меги Олдерсон..

 

Последна женска книга мислам дека ми беше Сексот и Градот (поклон за роденден ми беше).
Пред 3 дена прочитав книга што се вика Сета љубов на светот. Кога почнав да читам, очекував чик лит, ама уствари немало врска Срам да им е што така ме излажаа со насловот. Ама добра книга

 

Најмногу ги сакам овие книги. Софи Кинсела ми е омилена авторка,
Последно ја читав Заспана убавина

Еј а да ве прашам тие Чокохоличарките од овој жанр на книги се или некои детски?

 

И јас сум обожавател на овој жанр на литература,Софи Кинсела,Александра Потер(или портер беше) имаат убави книги.Минатата година баш кога го читав купохоличарката и сестра и се смеев како луда буквално,ја имав најдено во пдф верзија на англиски.Дали некоја од вас знае дали последниот дел шопахолик енд бејби го има по нашите книжари?.Последно пред 10тина дена ја прочитав Клубот на чокохоличарки интересна беше,меѓутоа имаше некои несоодветно преведени изрази .Како на пример главната хероина на книгата Луси кога била помлада ја викале дундеста ај објаснување на овој израз.Ве молам за препорака на други автори од овој жанр.

 

Го има последниот дел во Топер а го има и на интернет на хрватски јас од таму го читав.Инаку читај нешто од Мег Кабот, Николас Спаркс, Сесилија Ахерн, Меги Олдерсон..

 

Кажете некоја добра книга...одамна не сум читнала нешто интересно

 

Губење време... Немаат никаква смисла, немаат порака...Не гледам ништо добро во врска со нив. Луѓето ги користат за опуштање, но мене веројатно би ми биле досасни...Немам причина да читам таква „литература“...