Читате ли книга затоа што сите ја читаат?

не . сега пред неколку месеци сите ја читаа the hunger games , јас си мислев дали да ја читам дека сите ја читаат , видов trailer од филмот и едноставно не ми се допадна ..

 

Од трејлерот на The Нunger Games тешко и дека нешто многу се сфаќа, барем со мене беше така. Многу работи ми немаа никаква смисла, ми беа дури и некако смешни , се додека, после долго убедување од другарките, не земав и не ги прочитав сите 3 книги и не ми се разјасни се. Не знам, мене неспоредливи ми се книгата и филмот. Екипата е се супер избрана и погодена, ама не е тоа тоа.

Да се вратам на темата. Често ми препорачувале книги и сум ги ставала на листата за читање, па кога конечно ќе ги прочитам ми се има случено да се чудам зашто воопшто сум чекала до тогаш за таа книга (од што била убава) , но и да се чудам зашто слушам други за подоцна да се разочарам од истата.

 

Па многу ретко. Обично читам книги кои се по мој вкус. А веќе ако навистина стане многу популарна книгата и добие некоја награда или слично, вреде да се прочита.

 

Книгата што сите ја читаат - не, благодарам.Книгите што сите ги читаат се најчесто хит за една сезона.Тоа се евтините и лесни приказни.Ама добро е што и тие се читаат.Така се едуцираат читателите и си го градат својот вкус.Па потоа ќе знаат што да читаат.

 

Не, читам она што мене ми се допаѓа.

 

Не.Пошто познавам многу луѓе кои не сакаат да читат книги

 

Порано ги купував книгите што ги промовираа издавачките куќи. Така се зае*ав 2-3 пати. Ај што дадам пари ама и се радувам на книгата и кога ќе почнам да читам се разочарувам.
Сега од библиотека земам, а и чичкото таму ми го знае вкусот и ми дава предлози. Досега не ме разочарал.
Сега иако веќе сум ги читала, знам кои книги сакам да си ги имам во колекцијата.

 

Не, нечитам книга затоа што сите ја читаат!!! Многу мои пријателки ја прочитаа 50 нијанси на сиво, но јас непланирам да ја читам, едноставно книгите од тој жанр ми се без содржина!!! Повеќе сакам книги кои што имаат содржина која ќе ме држи во неизвесност, книги кои раскажуваат за минатите времиња или книги од секојдневниот живот!!!

 

Еднаш го направив тоа и никогаш повеќе.
Ја зедов ,,Помрачување'' и веднаш ја оставив книгата.
Не ми беше ни интересна,ни ништо.

 

Немам проблем со тоа да прочитам нешто што е популарно. Ама имам проблем кога некој ќе ми каже дека нешто е подобро од нешто друго само бидејќи е попопуларно И за жал, популарноста има големо влијание на тоа како ќе се гледа на книгата.

 

Пред да прочитам нешто популарно би сакала да слушнам критики од вистински читател на книги кој се разбира во тоа (и тоа многу зависи во одлуката која ќе ја донесам за тоа дали да ја прочитам книгата или не). Но овака да земам да ја читам затоа што и така кажано неписмените ја разбираат... не.

Чист пример ми е 50 нијанси на сиво.
Таа книга ќе ја прочитам кога ќе ги прочитам сите книги на светов.

 

Никогаш. Читам добро проверени книги од автори чии дела и претходно ми се допаднале, или ако самиот наслов и краткото сиже на крајот од книгата ми остават впечаток.

 

Напротив. Да, си треба препорака и се` тоа оправдувам и практикувам.
Но, најлошата причина можеби за да читаш една книга е затоа што сите ја читаат.
Барем според мене. Особено ако станува збор за уметничка литература.
Уметноста ми асоцира на индивидуално, не на колективно.

 

Зависи кој ќе ми ја препорача.
Сигурно нема да ја читам Лајла Грејс, ама имам прочитано одлични книги што се популарни со причина.

 

Онаа Калуѓерот што го продаде своето ферари, сите почнаа да ја читат па ај и јас. Ама толку не ми тргна книгата, ме уби во поим некако. И еве од лани уште не ми е дочитана до крај .

 

Другарките едно време ја читаа Лајла Грејс. Ау нема теоретски шанси. Извадоци од филмови, серии, поговорки...

 

Од мала, од кога знам за себе читам. Читам се, и на македонски, и на англиски и на српски/хрватски. Од бебе ми ја всадиле љубовта кон пишаниот збор, и ден денес читам иако помалку.
Во раните години немав некој избор на детски книги дома освен лектирите, па читав книги од библиотеката, секогаш по препорака на библиотекарите, и никогаш не се разочарав.

Со тек на време освен лектирите читав сè што ќе ми дојдеше при рака, така што денес веќе добро знам што би ме заинтересирало и би го задржало моето внимание, па ретко бирам книга според препорака. Многу ретко мојот инстинкт ме излажал кога бирам книга според корица и кратка содржина.

Оние популарни книгички и прирачници за самопомош не ги ни погледнувам, ниту пак ми се прв избор книги што сите ги фалат. Кога одам во книжарница шетам од рафт на рафт и разгледувам натенане, па што ми фати око, си земам. Класици ретко се наоѓаат, а и повеќето ги имам прочитано, но ако сакам да се навратам на нив, фала му на Бога, ги имам кај моите, солидно преведени на македонски јазик, нешто што го нема денес, во новите изданија. Не дека не давам шанса на нови автори според препораки и критики, ама повеќе верувам на книжевни рецензии отколку на вкусот на сеопштата народна маса. Така што, популарни книги читам само ако мене ми фатиле око и ако добиле одлична рецензија. Инаку, по секоја цена не. Сметам дека не секоја книга го заслужува моето внимание и време, па сакам тој дел од времето кој го одвојувам за читање да не биде залудно потрошен. Некој ќе рече, нема залудно потрошено време во читање, но според мене, има - ако книгата не вреди, не си научил нешто од неа, ако не ја паметиш после десетина дена, месец, година, тогаш дефинитивно не вредела.

Еднa работа што сè уште ме вади од такт - лошите преводи. Досега не сум сретнала солиден превод на македонски јазик на нови изданија. Жалосно е што делата на Зафон и Хосеини се измасакрирани, не може човек просто да ужива во нив (само како пример ги наведов). Сосема подруг ми беше впечатокот кога ги читав на англиски јазик. Мислам дека издавачките куќи кај нас треба малку повеќе да се посветат на самиот превод отколку на профитот. Ама за жал, парите го вртат светот.

 

Токму затоа и не ги читам тие книги. Бидејќи знам дека не е тоа што мене би ми се допаднало.

 

Напротив. Намерно нема да ја прочитам.
Книгите што најчесто сите ги препорачуваат се чик книги, а баш тие ги избегувам.
Земам книги по препорака од библиотекарката, или најчесто сама си избирам која книга ќе ја читам после едно добро пребарување на интернет.

 

Направете си акаунти на goodreads, супер е за проверување на книга пред да почнете да ја прочитате, има одлични рецензии