Читате ли книга затоа што сите ја читаат?

Не.

 

Баш дека сите ја читаат и даваат квази критики за истата, ми се одмилува.
Ангели и демони ја препекав и ете ја, стои на полица со години. Одбивност ми се створи кон книгата. Кој стигна до неа, ја прочита и преку ноќ станаа сите стручњаци за таа област.
Моментално сум определена кон руските класици и општо трилери, па барам на нет соодветна книга за мојот интерес. Кратка содржина, првото поглавје или задната страна на корицата, се оние кои одлучуваат.
Имам и доверба во библиотекарот. Според жанрот кој му го барам, дава соодветна книга.
Ама затоа во книжара одам со претходно прочитани критики и слушнато мислење. Еднаш ме зафркнаа во Матица, каде ми го дадоа 3от дел, за до пола книга да не сфатам која е целта и зошто толку бесмислен почеток.

Имаше и страна на која што го пишуваш авторот и делото и дава слични книги, т.е. соодветни на жанрот. И таа ми има доста помогнато во изборот.

 

Не.Кратко и јасно.Си читам јас што сакам,по мој избор,па дури и лектирите,иако мислам дека некои се како за петто одделение,а не за средно,но ајде јас пак си ги читам сите.Си читам што че си одберам и така.Ете планирам Злосторство и казна да ја читам за распустов,а пред неколку дена дознав дека лектира ќе ми била.Коинциденција или не знам што..хмм...Ама пак јас сакав да читам.Ги читам Спаркс,Мисо,Кристи и ред други не затоа што се популарни и сите ги читаат,туку дека тие премногу ми се допаѓаат и затоа што јас сакам да читам.Ете така..

 

Читам скоро се’, не затоа што читаат други, туку затоа што јас сакам да читам. А кога околу некоја книга ќе се крене голема прашина, обично ја читам за да видам што е работата. Како и да е, има исклучоци, па постојат книги кои не би можела да ги прочитам, па макар ги прочитал и цел свет

 

Не.Не сакам да читам некоја книга само поради тоа што сите други ја читаат, затоа што во различни периоди,зависно како сум расположена, ме интересираат и читам различни жанрови на книги.
Понекогаш читам тешки психолошки книги,понекогаш лесни романси. Понекогаш фикција,понекогаш историски романи. Има периоди кога преферирам класици. Дури и ако некој ми препорача книга не мислам веднаш дека и мене би ми се допаднала, секој има свој вкус. Затоа седнувам на компј.и проверувам каква е содржината.
Уживам да одам во библиотека и сама по полиците да барам книги кои во моментот би сакала да ги читам.
Најчесто љубезно го замолувам оној кој работи таму да не ми препорачува книги ( најнова, најбарана,најчитана...)

 

ne definitovno...ili da citam kniga nekoj so mi ja predlozil i veke mi kazal so se raboti nema sansi, so ke si odberam jas- toa ke si citam bez da go znam krajot i sodrzinata...

 

Најчесто се случува да почнам да читам некоја книга зошто сите ја читаат ама се случува и да ја оставам недовршена пример 50 нијанси сива, калуѓерот што го продаде своето ферари но има книги и што излегле добри

 

Не. Обично сакам да си ги читам книгите кога фамата за нив ќе стивне, за да најубаво си проценам.
Така беше со Хари Потер, со Господар на Прстените, The Hunger Games дури сега ги читам и гледам.

 

Тоа е голема грешка! Читајте, и не само читање, правете она што вас ви се допаѓа, она што ве исполнува, и не се срамете од тоа, а не она што сите го прават. Да се претопиш во толпата и не е толку предизвикувачки колку што е да бидеш посебен, оригинален, со свој озграден вкус за нештата, не само за книжевноста, туку за се. Да се натераш себе да правиш нешто што сите го прават е од причина да бидеш прифатен во таа група на луѓе именувана како "сите", со тоа што ќе имаш и ти што да кажеш кога ќе се отвори темата за тоа што го прават во нивниот живот. Тоа е жално, потиснување на самиот себе, губење на своето јас, на својот идентитет....

 

Од актуелните книги не, но од оние класици како Војна и Мир на пример, чувствувам потреба да ги прочитам. Така ја зедов Ана Каренина да ја читам, си реков како може ова сите да го прочитале а јас не. Имам уште многу такви книги на листата за читање.

 

Не !

 

50 shades of gray ја прочитавте?

 

Ќе дојде на ред за читање после Белешките на Лајла Грејс

Спојлер

...значи never

 

Искрено не. Мислам дека е форсирање кога се зборува за „тренд-книга“. Искрено Лајлица не би ја прочитала, ама баш никогаш, како ни „50 нијанси сиво“.
Читам она што ме интересира, што ќе ме привлече. Читам книги од автори кои се многу помалку познати од Спаркс, Коељо, Агата Кристи, но имаат ремек-дела.
Мислам дека нема врска колку таа книга е хит, ако е затоа Лајлица требаше да земе до сега Нобелова награда за книжевност. До душа доби признание за најчитан автор, оф не!!

 

Не

 

Не, не мора тоа да е причината

 

Ако има препораки од луѓето на кои им го знам вкусот, и верувам дека би се допаднала и мене, тогаш да.

 

Обожавам да читам книги, тоа е нешто што ме исполнува Не ми е битно да бидам во тренд со книгата ако таа е најчитана и најпозната, битно е да таа да е по мој вкус !

 

Се имам неколку пати изгорено, поради „скандалозната“ популарност да се нафатам, да видам на што личи книгата. Некои книги па ми биле интересни во тој период, што денес ако би се прашал, би делувало по малку комично колку наивно сум се навлекувал на одредени автори кои црпат одредена популарност на нивниот шик-лит. Но тоа е, вкусот се надградува, некои книги ги израснуваш, други им даваш шанса... не значи дека буквално сите ако читаат (малку ми е смешен терминов), мораш и ти да се фатиш за орото. Но ако си го познаваш доволно вкусот или пак сакаш да откриеш нешто сосема ново, вреди да се проба. Иако тоа не е никаква гаранција дали би ти се допаднала книгата или не.

 

Да да после се каам.
Со тек на време научив дека ако сите ја читаат таа книга не е за мене.

Читам книги највеќе од периодот 1900-1950, ретко кога ќе дадам шанса и на некој друг период.