Чување слики или предмети од бившите

Не знам дали има ваква тема, ако има слободно избришете ја.

Јас во принцип не сум љубоморна, но ме вадело од такт кога ќе пронајдам некоја слика или писменце од бивша, збутана во некоја фиока. Сега сум веќе стара за тоа, но сметам дека пак би ме извадило од такт.

Мислам дека мажите баш и не се замараат околу тоа. Едноставно заборавиле да исфрлат или слично, но лично го доживувам како краен непочит према личноста со која што живееш.

Па ајде да видиме дали сум единствена.

 

И јас сум иста... најдов едно писменце во фиока рече дека незнаел дека постои уште. И го фрли одма ама се пренервирав.

 

Во ред е да ти остане нешто од некого во стан каде што не живееш/не се среќаваш со партнерот.
Пример, од каде да знам кај моите, можеби некаде ми е затурен некој предмет или слика од бивш тип. Исто не би се лутела кога би налетала на нешто кај на маж ми родителите. Тој не живее веќе во тој простор и не е ниту битно.
Но, според мене, домот треба да е храм на семејството кое живее таму, без непотребна енергија од трето лице, кое веќе не постои во истиот простор.

 

Ама тој таму седи, во соба кај него во фиока го најдов.

 

Ми покажуваше дм еднаш, ми раскажуваше а јас како голем слушач тонев во приказните. Не ми смета воопшто,сите имаме спомени кои сакаме да ги зачуваме. Имам многу подароци од бивши и ги чувам.
Сметам дека не претставува закана ако се си има свое место.

 

Јас сум таков тип што не сакам да ми чепкаат по фиоки, и мислам дека е некултурно што си чепкала каде не треба.

 

Не беше без дозвола ми рече да побарам нешто и случајно го видов.

 

Едно е подарок, пак ти си го носиш, што знам. Мене ми сметаат лични предмети, конкретно слики.
И кога сум налетувала на голем број слики, конкретно од иста девојка. Ај да е пример, по една, по две од различни девојки, не би се налутила дотолку.

 

Да, чувам и слики и предмети.
Истите ми се мили, потсетник на минатото и се разбира истите тие не претставуваат закана, во смисла да ми будат емоции или слично.
Тоа се само предмети кои се мили и останале засекогаш во минатото.
Бар за мене.

 

Од последниот бивши "чувам" празно шишенце од парфем и слика негова, моментално ми е забутана негде низ фиока.. Исто има останато некои пижами негови, ама искрено сега поима немам каде се за да ги фрлам, а и не се ни замарам толку.

Од бившиот пред него ми се чини останати ми се некои книги што ми даваше да ги прочитам и не му ги ни вратив.. Слика кога бил мал уште ми стои во еден новчаник што не го користам веќе. Ах, да и чорапи , јас ги носев и после сум ги забаталила дома и сум ги заборавила скроз дека постојат.

Иии имам една слика од еден бивши од матурата кога си делевме сите слики и баш случајно ја најдов негде забутана во фиока заедно со сликите од другарките. Омг, 6 години сум го чувала дечкото.

Сите овие работи не ми значат ама баш ништо, освен од последниот бивши но искрено не ги ни гледам вака, не ми се на ударно место и не планирам да ги фрлам.. бар не сега за сега, прво зошто не се замарам и онака што знам, не осеќам потреба од тоа. Е сега кога ќе имам нов партнер, сигурно нема да ми ги превртува фиоките или да ми отвара по стари новчаници за да ми ги види сликите па нешто да ми каже..

 

Јас чувам подароци од бивши и мм знае за нив ама не му пречи воопшто.
Не дека ми побудуваат некакви чувства сите тие предмети ама ете постојат за да те потсетат на некое минато време, за слики немам слики со бивши воопшто а не па да чувам.
Кај него сеуште немам најдено нешто од некоја бивша, освен што си ги има на фејсбук уште ама и мене тоа не ми пречи.

А памтам порано за татко ми, он имаше цел албум со слики од него и бившата негова, дури и како се бакнуваат, ама мама не ни се замараше со тоа, после јас кога подпораснав малце мене ми пречеа тие слики премногу и фатив го запалив цел албум со слики. Случајно после тоа ги гледавме нешто сликите и на тато му текна и го побара тој албум јас тогаш му кажав дека го запалив, и ми рече зошто сум му ги изгорела спомените. Искрено сега не знам дали би постапила исто, ама тогаш ете тинејџерска работа.

 

Не ми смета затоа што и самата чувам поклони од бивши.
Исто и он чува некои работи кои му ги поклониле бивши, па не правам драми од тоа.

Имав еден "другар" (јас го сметав за другар) кој беше заљубен во мене и често ми подаруваше поклончиња онака без повод и сите ги чувам. Бев во ситуација да ме праша мм од кај ми е ланчето или марамата и сл. и малку ми беше незгодно да му кажам од кого е, ама бев искрена и му кажав. Се насмеа и не рече ништо.

 

Чувам некои подароци. Не ми пречат, напротив, убави предмети се.
Фотографии и писма не ни имам. Врските пред оваа сега беа генерално пократки и не толку сериозни, така што немам многу избор за чување или за фрлање.
Не гледам на ова како на нешто страшно или на покажување непочит. Секој има свое минато.

 

Со тешко срце пред некоја година ги исфрлив сите слики од бившите, сите писменца, а од компјутер ја избришав цела папка со слики од 7 годишен период

Љубоморен е многу, затоа и го направив тоа. Исто така и сликите што тој ги имаше од бившата без проблем исфрли.

Подароците што сум ги добивала не гледам причина да ги фрлам. Ниту знае од кого ми се, ниту има причина да му кажувам

 

Да, чувам. Долна облека, филиграни, парфем, слика нацртана, и слики и видеа некои во телефон уште што ми стојат.

Не планирам да ги фрлам у скоро време пошо не сум спремна на таков чекор. А и не планирам да влезам у врска дур уште не можам да ги фрлам ствариве, for obvious reasons.


Инаку он од една бивша имаше писмо и тоа се разбира ме вадеше од такт. Мада и слики чувал, а тоа го дознав откако ни заврши врската.

Он од мене има исто така слики и видеа, писма патетични некои шо сум ги пишувала и околу... 10тина подароци меѓу кои и ќебе со кое уште спие.

Ствариве ги знам пошо сум cool like that with my exes ahahah (лажам, не сум ни малце) али да. У секој случај се гледа дека имаме ненормални attachment issues и ја и он.


Али да иам дечко шо вака чува ствари од бившата, ја лично би попиздела скроз. Сметам дека со ова вака се гледа непочит према моменталниот партнер, со оглед на тоа дека јас моментално уште чувам цели олицетворенија на спомените со него и знам како се осеќам у врска со нив.

 

Чуваме слики ... и јас, и маж ми...
Не се во 'некоја' фиока, туку заедно со другите фотоалбуми.
Дел од животот ни се.

 

Чувам слики, може за blackmailing ќе ми притребаат некој ден.

Шала на страна, ако некогаш бидам во сериозна врска и сликите пречат на партнерот, мислам дека само би ги ставил во некој cloud storage каде што нема секој ден скролајќи низ галерија и нив да ги поминувам.

 

Многу се приврзувам за луѓето без разлика дали е бивша другарка или бивш дечко, сакам да имам нешто на кое ќе се сеќавам. Не се работи за љубов или романтични чувства, едноставно за некоја носталгија, спомен.
Ги чувам подароците, никогаш не би ги фрлила, некој се потрудил и во тоа време сум била среќна.
Од сликите ми се јавуваат и негативни чувства и ме враќаат на неубавите спомени, па за мој мир не ги чувам.

Јас сум секогаш благодарна на бившите, мои или на партнерот, да не биле тие немаше сега да сме тука. Сме научиле од нив како треба, а како не треба.
Си размислувам и многу неубаво би се осетила ако ги видам фрлени работите кои сум ги подарила, како да не сум имала никаква улога во нивниот живот.

 

Ситници чував една две, поклон се сеќавам , џемпер подарен, приврзок, порака некоја интересна, ама со тек на време се изгубија или фрлија. Чак ни слики немам, ништо не ми значат. Ми значеле тогаш.