Многу ви благодарам на сите за поддршката и корисните информации И може ли да ми кажете каде се продава козметика на Stage и Криолајн? Има кај нас или се нарачува?
Криолајн имаат свое претставништво во капош 4 одма до Базаро пред мостот обединети нации, за вториве прв пат слушам
Ај и јас моето матурско шминкање да го споделам на темава, прво и последно кај шминкер. Имаше пакет фризура и шминка, 3000 денари кај еден наш познат салон. И јас млада и глупава решив да си закажам за демек да ме улепшаат, да не ме познаат дечкиве од средно. И реално ни сама не се познав. Бугарка левел: Сањичка007. У тој период јас тинејџерче со мрсна кожа, таа ме зашлапа со пудра за сува кожа 4 броја потемна од тенот. Пудрата со СПФ фактор беше, па изговорот и следеше „на слики ќе си поубава со потемна пудра“, а нема врска шо у живо изгледав ко само фацава да сум ја брцнала у солариум. Пудрата и беше иначе Мејбилајн, значи дома си имав поквалитетна пудра, да знаев ќе си ја понесев. И продужуе, ја мали ситни очи, таа smokey eyes од нос до кај шо ми почиња косава со црно. Изговор „мали очи имаш не ти се гледаат убаво, вака со црнава сенка поубава си“. Изгледав на панда. Ми залепи и некои трепкишта, можев да полетам ако трепкав побрзо. После ме прашува шо кармин сакаш, викам шо знам премногу црно имам, дај некоја nude нијанса, таа „не, убава уста мора со црвен кармин да се нагласи“ -ШТРАК дреч црвен. Друга работа што се трудеше контурите да ми ги нагласи со вино боја руменило ?! Најинтересниот дел ми беше дома додека се миев па си се шминкав сама. Не можев да ги прежалам тие 3000 денари никако.
Леле од што читав мака ме фати, а не па мене да ми се случи Ама мене едно не ми е јасно, зашто ако им речеш едно они прават друго. Нормално после дека нема да биде задоволен клиентот, и тоа одма преминува во лоша реклама..не ми се јасни некои шминкери стварно.
Jас имав едно релативно непријатно искуство со шминкањe, па да го споделам. Поради сплет на околности, венчавката беше во недела, фризурата беше кај фризер а шминката требаше да ја закажам во козметичко студио, и требаше до 11: 30 да бидам спремна немав којзнае колку опции. Другарка ми не беше слободна тој ден, 2 - 3 козметички студија за кои знаев дека работат добро беа или зафатени или затворени тој ден. Се распрашав и една пријателка ми предложи девојка која шминка дома и рече дека е ептен задоволна. Сликите на фб кои ги видов беа онака, ништо особено добри, но не беа ни којзнае колку лоши, па отидов на ризик. Девојката беше љубезна, и уште во старт и кажав дека сум ситничар и да внимава на детали. Прво нешто што не ми се допадна е тоа што не ми стави база бидејќи немаше, туку сакаше да ми стави обична крема за лице, па и реков дека веќе имам крема. Ме убедуваше дека треба една до две нијанси потемна пудра да се стави за да на сликите не бидам бела - и реков дека сакам иста нијанса како мојата кожа да најде. Понатаму ме убедуваше дека нема потреба за коректор, ама кога и кажав дека сакам, ми стави. Понатаму и реков дека НЕ сакам розова шминка а таа ме убедуваше дека убаво ке ми стоела. Не ми стави фиксатор бидејќи исто така немаше. Реков дека не сакам розов кармин, а она фино ми објасни дека нијансата е цијан и ќе ми ги истакнела очите. Немав доверба во неа, морав постојано да се погледнувам во огледало и да и кажувам каде сакам да смени нешто, да затемни или осветли. На крај некако се погодивме, иако не бев задоволна, а уште помалку воодушевена. Веќе нема да отидам кај истата девојка. Но, од друга страна пак, имам ептен позитивно искуство со козметичарка која првин шминкаше дома а сега веќе отвори салон. Цената ја зголеми за само 100 денари, што е супер. Козметиката што ја користи козметика која сосема одговара со цената. Уште побитно ми беше тоа што девојката има талент, љубезна е и ги слуша моите барања. Хигиената секако е на ниво и нема доцнење од закажаниот термин. Е сега, формирање на цената е ептен специфично. @kim.k првин пресметај колку ќе чини материјалот кој ќе го користиш. Понатаму, распрашај се колку наплаќаат други девојки кои шминкаат дома. Нашминкај неколку другарки, пробај неколку техники, и имај во предвид да нашминкаш и девојка со големи очи, спушени капаци, направи комбинации. Нашминкај и жена која има брчки, според мене тоа е поразлично од млада девојка со нежна кожа. Спореди го крајниот резултат со слики од фб и види каква е разликата. Имај на ум дека квалитетот се цени и ги превлекува клиентите. Сум ги гледала твоите слики, имаш талент, но не планираш да одиш на курс, а и тоа има влијание. Што се однедува до крајната цена, во Скопје цените се крајно нереални и вртоглаво високи. Но, во другите градови за 700 - 900 денари добиваш совршена шминка со квалитетни производи, во козметички салон (фискална сметка - данок) и козметичарка која одела на курс. Со среќа.
Види треба да бидеме реални. Не ти ги знам очите, но имам блиска другарка со така наречени hooded eyes и после се пробано заклучив дека дефинитивно на ваков тип на очи и коси очи како кинезите што имаат најдобро стои смоуки ајс ама зборам за она правилно смоуки кога темното оди од трепките па избледува нагоре и се губи. На овој начин се избегнува тушот кој и те како е лоша опција за вакви очи. Е сега, смоукито би можело да се направи со друга нијанса во случај како ти што си сакала понежно, на пример со виолетово би било ОК. Ама ако те нашминкала со нежни нијанси колку и да сенчала, каква прецизна линија да направила, ти кога ќе си отворела око ќе немало ништо од тоа и пак ќе си излегла незадоволна. Имаш ли позитивно искуство со друг шминкер?
Јас не го напишав своето позитивно искуство. За апсолвентската вечер ме нашминкаа во едно козметичко студио каде често правам нокти. Девојката ми се посвети од коса до лице, остана со мене и повеќе од нејзиното вообичаено работно време. Е сега не ми се допадна само пудрата што беше со розов подтон и беше на Макс фактор,ми двоеше тотално. Остало беше супер, ми траеше шминката. Повеќе од очекуваното добив. Релативно ми зеде 500 денари шминка + 400 денари трепки ( снопче по снопче).
Јас се имам само два пати шминкано за моја потреба до сега. За матура во Excite и за свадба во ФРАН. Во меѓувреме како модел ме шминкала Изабела мејк ап - два пати, Владо Георгиев за фотосесија, Небојша Пешевски, Ангела Стојоска т.е нејзина ученичка. Од сите горенаведени само од ФРАН бев воодушевена, немав појма што ми ставаше на лице зошто бев возбудена плус каснев....девојката на крај ме праша за фиксатор и ме советуваше да не ставаме затоа што ќе имам непријатно чувстбо на лицето, затоа што може да де појават како корунки бла бла ...како и да е ја послушав. Свадбата ми беше овој јули на 40 степени, фотпсесии саат време, црква, ресторан сите салтанати и на крај и диско...шминката не се помести! Кога отидов на курсот ми кажа дека ми ставила Импала пудра! Луѓе имав милион позитивни критики и за разлика од сите на свадбата јас не светев во лицето! Фотографиите совршени. За останатите кога ме шминкале коментарот од други бил дека сама подобро се шминкам. П.с утре пак сум му модел на Небоша па ќе споделам искуство
Би сакала шминкерката да е професионална и љубезна. Под професионалноста мислам и на нејзината временска точност. Сум имала искуство да бидам закажана во 5 часот, а да ме почне со шминкање во 6 ипол часот. Второ би сакала шминкерката да е организирана и педантна. Четките да се чисти, шминките наредени, а не да бидат во тотален хаос затоа што изгледа невкусно така. Нормално да процени каква шминка одговара на моето лице и најважно ми е да не ми ја промаши пудрата. Околу цената 500 ден би ти рекла дека е најреално, па зависно од шминките што ги користиш до 700 ден можеш да покачиш. Знам шминкер што користи Mac производи и цената му е 700 ден. Во Скопје малце претеруваат со цените од 1000-6000 ден тоа е премногу. Од секоја клиентка ти имаш заработка 300 ден ако цената ти е 500 ден. Ако можеш пиши ми порака сакам нешто да те прашам. @kim.k
Јас исто шминкам дома кај мене, кај клиентите и во салони. Почнав пред една година и почнав со Мејбилајн , менхетен, лореал, флормар,макс фактор, боржуа,гош, дебора, аура, есенс, катрис, артдеко и едно 10 производи, од кои повеќе беа кармини, на голден роуз. Јас си имав веќе претходно снабдено доволно призводи затоа што од средно почнав да купувам шминка за себе поради тоа што тоа ми е најголема љубов. Курс немам завршено , туку се од што сама сум вежбала што на најблиски, потоа од 2012г. почнав РЕДОВНО да следам туторијали и видеа на јутјуб, со што почнав масивно да купувам шминки првенствено за себе, почнав да купувам од МАС, Sephora, Too Faced, Make Up Forever, The Balm, Benefit, Kryolan, Nyx;, Inglot, нарачував од странство други рандом брендови и така се тоа преизрасна во една огромна колекција на шминки. И да не ми треба ништо јас чим видам можност не можам да се воздржам а да не купувам Tака да, јас кога почнав да шминкав имав и искуство и матријал и алат Цената на шминкање е 500 ден со драгстор брендовиве, а 800-1200 ден. со другиве ( во цената имаат удел и трепките т.е. дали се Аrdel, Eyeko, Red cherry, Aura itn ). На невести им посветувам посебно внимание како и корекции и измена на шминката во текот на денот, цената 1800-2000 ден. Отсекогаш ми било битно првенствено што сака клиентката, нејзината желба, потоа следуваат сугестии и мое мислење. Буквално после секој потег ја прашувам дали е се во ред. Невестите секогаш имаат пробна шминка денови унапред, исто и оние девојки на кои што им е навистина битно како ќе изгледаат на некој нивен посебен ден. И секако квалитетот и хигиената секогаш на високо ниво. Четките секој ден ги мијам со етанол,шампон и маска, а во текот на денот пред секое шминкање со Чистач на четки,а бјути блендерите со алкохол и шампон пред секое шминкање и ги менувам на месец. Мојот стил на шминкање, ај да речам каков впечаток ко шминкер сакам да оставам, модерен (Instagram) и елегантен со прелевање од еден во друг тон, дали е јака дали умерена дали минимална шминка кај мене нема остри линии кои не одговараат ниту со тонот и цртите на лицето ниту пак како да не им е местото таму и да изгледа нешто како "заборавено" да се размачка избленда итн. Умереност во однос на тоа што ми ги дозволуваат цртите на лицето. Се' на се' задоволна сум од нивните реакции и препораки. Секако сакам да одам на курс за досовршување и на курс за Body art (изведувам некои "цртежи" на мене и на некој шо ќе се нафати ). Поради тоа што сум и при крај со факултетов веќе почнувам да правам план за салон да си отворам. Исто така сакам да дистрибуирам некои брендови кои ги нема кај нас а се познати и потребни, размислувам и за онлајн шопинг страница (Сепак за ова понатака ќе ве информирам затоа што планирам доколку на фемина ми се овозможи да направам анкета кои брендови би сакале да ги има кај нас и шминка и коса и нега......еве ви откривам почетни преговори како со Beauty UK, Makeup revolution, The Balm, Morphe, Real Techniques, Batiste,Bdelium tools, itn). Шминкањето не е само занат, тоа е љубов,желба и стил!
Frosy, јас имам Pro картичка so 35% попуст во МАС и цените ми доаѓаат исто со криолан и делумно арт деко кај нас. Така да се исплати и 800 ден. како почетна цена
@kim.k Eve I jas da si go kazam mislenjeto okolu sminkerite, bidejki za sekoja prigoda se sminkam, a I imam proneneto dve, tri sminkeri. Prvo i mnogu bitno spored mene e da znaes da na sminkas sekoj tip na oko.Najmnogu ne sum gi sakala sminkerite sto sminkaat po terk, epa nemoze nekoj so spoeni, tazni I kosI oci da se sminkaat isto.Treba taznite oci da gi iskosis, spoenite razdalecis i sl. Drugo mnogu bitno mi e e da me sminkaat so kvalitetna sminka.Koga doma se sminkam so kvalitetna kozmetika nema sigurno da otidam nekoj so impala da me macka, ako ne so podobra kozmetika barem so ista.Imaj vo start pudri od tip na L'Oréal, Revlon, Max factor I sl.Istoto se odnesuva i za ostanatiot del od dekorativata.Soodvetno so tipot na kozata sekako, toa se podrazbira I imaj si ubavi kremI za podloga, za sekoj tip koza. Mislam deka 400,500den mi e so sosema ok pocetna cena i za vo mali gradovi, a ne pa za Skopje. Ovaa bea predlozI od mene, te gledam vo temava za sminkanje I navistina imas talent, te biva. Imas podrska od mene, samo napred Tuku @Lollipop7 eve ti ja spomna nevestinskata sminka i super bas sakam da prasam nesto sto me interesira dolgo vreme.Koja e poentata 'nevestinskata' sminka da e dosta poskapa i porazlicna od 'obicnata'? Ne kapiram...na sekoja svadba nevestata i gostite se isto nasminkani, sminka e sminka se zavisi od vkusot na klientot dali e toa nevesta ili nekoj sto se sminka za rodenden ne pravi razlika za da edna sminka cini 2000 a drugata 800. Inaku bravo sto sminkas so high end produkti, retkost e. A inaku mislam deka kaj nas odlicno bi bilo da gi ima e.l.f I mua. Prvite posebno prekrasni se a zivo dzabe.Mislam deka amerikanska marka se, a I veruvam bi bile bum kaj nas bas poradi soodnosot na cenata I kvalitetna.Ako ima nekoja novost otvorI posebna tema kade bi ne izvestuvala.
па кај мене конкретно цените се различни поради тоа што како што напоменав посветувам посебно внимание и време ( понекогаш дури 2-2ипол часа) а тоа значи дека трошам повеќе шминка како на пр.МАС Fix+ го прскам на лице па на бјути блендер па пак на лице и ако треба поголема покривност...потоа на секоја сјајна сенка, пигмент, светки итн, и на крај како завршеток пред фиксаторот. Второ користам и МUFE пудри на невести кои се во рангот на диор ланком есте итн. па потоа следи вратот и деколтето доколку треба некаква корекција итн. и исто и пробната шминка ( не е како финалната фала богу туку најчесто поради очите и поради двоумење од типот дали сака ваква или онаква шминка). така да мислам дека е оправдано
