Ја отворам оваа за да споделуваме некои вести од нашите медиуми кои се намерно сензационални и шокантни за да предизвикаат читаност и посетеност на нивните интернет страници. Ова воопшто не е нова појава, ниту пак е само кај нас, стара е колку и самите медиуми, а ја има во целиот свет, ама особено зема замав со секојдневното зголемување на бројот на интернет порталите кои во потрага по поголема посетеност пишуваат се и сешто. Има безброј примери и баш тука сакам да споделуваме такви вести кои се непотребно шокантно или необјективно претставени. Исто и други трендови од медиумите кои секојдневно ги гледаме и ни пречат. Најдиректно за оваа тема ме провоцираше сајтот mkd-news кој има една категорија кој го нарекуваат истражувачко новинарство, ама објавуваат шпекулации, дезинформации, урбани легенди и разни други полувистини и лаги. Обично тоа се преведени стари статии од странски медиуми и форуми и се презентираат како шокантни новости. Немаше воопшто да ми пречи ако темите ги разработуваа подобро, ама тие објавуваат шпекулации кои ги објавуваат како истражувачко новинарство. И има многу луѓе кои ги читаат и веруваат на тие вести. Еве примери какви теми објавуваат, таму нема ни 10% вистина, http://mkd-news.com/category/what-do-you-think/ Дали имате некои вакви примери од нашите или светските медиуми? Дали ги читате и им верувате на медиумите кои имаат обичај да објавуваат вакви вести за да си привлечат популарност?
Мене прво нешто што ми паѓа на памет по повод темата се оние фејсбук читачи за кои ако сакаш да имаш пристап до содржината, мора да им удриш like и да им дозволиш да ги промовираат вестите од сопствениот сајт на твојот профил кога сакаат и колку сакаат, како и да објавуваат што си читал оттаму во моментот. Мамецот се екстравагантни наслови кои најчесто немаат многу врска со содржината на самата вест.
Постојат премногу глупави и без врска вести и статии по сајтовите. Постојано се дава некоја лоша, нереална и искривена слика за настаните. Човек не знае на што да верува... еве за Марко Чаласан, самиот се пожали, го направија како бездомник, готово, како да е сам на цел свет. Претераа... во ред е да се сака да се помогне но има граница.
"Нема да верувате што и се случи на Ким" а таа уствари се сопнала и паднала ''После ова веќе нема да ја употребувате оваа состојка" изазивала канцер и 300 други заболувања. "Ќе ослабнете за 2 дена само со компир" абе жими мајка