Штикли на 14 години? Да или не?

Првпат облеков сандали на платформа (некаде околу 13цм беа) на полуматура. Дека порано запишана бев, па немав ни полни 14 тогаш, за некој месец тек ќе правев. Не ми се допадна многу, а и мама беше против носење високи чевли на тие години, па тек на 15ти роденден пак облеков сандали на повисоко, со потенка штикла.
После тоа уште 5-6 пати до 17ти роденден облеков и толку. Ми беше интересно кога бев мала и пред средно, после видов дека само болка во нозе ми ствараат, па сега иако иде матура не ми се носат ич, ниту пак сум обожавател на штикли. Колку да им помине мерак нека носат, некои може и ќе се научат да идат на штикли и на болката од истите, кај мене тоа па само контра ефект направи.

 

Ако се прикладни и не многу високи зошто да не. Не само што е смешно да гледаш некоја како едвај оди на високи штикли, тој период телото треба правилно да се развие а не да се оптеретува.

Јас немам мерак на штикли, никогаш сум немала. Мајка ми колку ме има терано да носам, ама џабе. Носам најниска штикла што може со дебела платформа, и тоа само во посвечени прилики.

 

Прерано е на таа возраст.
Јас на 19 години почнав да носам чевли на платформа и тоа ретко.
Сега сум во раните 20-ти,а се уште немам носено штикли.
Преферирам рамни чевли.

 

Не.

 

Се сеќавам дека првпат облеков на некои 16-17 години и се уфилмав дека жена сум станала а цело школо и се смееше на мојата најдобра другарка зошто на полуматура дојде со едни минимални штикли, со 2-3 цм високи.
Смешно е да споредуваме ''у наше време'', јас имам 30год и тоа време со времето на мајка ми врска немале, како ни со денешнава младина.Ја на 13год играв жмурка и ластик, а денешниве си ги бројат дечковците. Но за штикли 10цм мислам е прерано. таа пустата најголемо достигнување и е тридневна екскурзија на која ќе иде и симпатијата, а не да се качи на ултра високи штикли и да се праи постара. Деца, бидете си деца, најубавите години допрва ви доаѓаат, штиклите може да почекаат

 

Од перспектива на 14 годишно девојче (кога јас бев 14 години), сметав дека треба да носам штикли. Мислам дека тука големо влијание имаше моето друштво. Сите девојчиња беа окупирани со тоа кој ќе има повисоки штикли за новогодишната ноќ. Не беше битно друго ништо, битно беше штиклите да се купат. Ќе кажам дека тоа е период, пубертет, време кога не знаеш ни кој си ни што си, се ти е измешано и се трудиш да се вклопиш во околината. Се трудиш да бидеш прифатен и сметаш дека облеката го прави тоа.

Од перспектива на возрасна девојка ќе кажам дека се поретко и поретко носам високи штикли и штикли воопшто (само кога треба). Денес преферирам удобност наспроти лепота. И кога гледам ретроспективно на времето кога јас бев 14 години сметам дека сум правела голема грешка. Но тоа е што е, младост лудост што би рекле старите.

П.С уште сум млада и уште грешам

 

Не.
Штиклите се за девојки и жени, а не за девојчиња-деца.
Смешно изгледа одстрана како со сила сакаат да изгледаат повозрасно, макар и да знае да оди во нив, телото и ставот ги издаваат дека сепак се деца изгубени во некои трендови.

 

Не!!

 

Ете јас на 14 години прв пат бев во штикли за полуматурата али ко одам како на јајца да газам..за никаде..едвај издржав тогаш,па и сега не носам толку многу штикли,само за излавање али се трудам да одам колку што можам поубаво..

 

Не!

 

Јас би рекла не.Не го личи девојченце од 14 или 15 години да се "напика" во високи потпетици.Сум видела и во живо и искрено, многу лошо и невкусно изгледа

 

Јас бев некаде 14/15 години ко прв пат купив штикли На 14 години според мене е океј да ги имаш за дома, али не и за надвор.