Што би направиле ако дознаете дека дечкото ве изневерил..?

Дефинитивно ова второво

 

На ова прашање немам некој си точен одговор, освен дека мене лично прво нервоза ќе ме убие, после најголемата тага, ама знам дека целото тоа за мене ќе го зачувам, или бар сама кога ќе сум да се изнаплачам, пошто знам како ќе ми биде, после се што сме поминале заедно, после сите планови, после нашето заедничко созревање што се вика.

Знам дека ќе се скршам, ама сигурно знам дека пред него за ова нема никогаш да попуштам.
Само ќе сакам да ја чујам причината, и после знам дека ќе му речам дека цел живот ќе биде осамен штом највредното нешто сам го скрши, и следната ќе ја снајде ова, и следната, и ќе му речам онака ладно, јас ќе сакам повторно и ќе бидам најсакана, ама ти никогаш нема да откриеш што значи магијата на обестраното вистинско љубење зашто си едноставно празен.

Искрено, не би сакала ова никогаш повеќе да го искусам, еднаш го искусив и многу научив.
Втора шанса не верувам дека би помогнала, можеби нема пак да ме изневери да речиме, ама јас лично, цел живот ќе немам доверба пошто претешко стекнувам доверба, претешко, се мразам заради тоа лично што сум полна со сомнеж, ама знам дека и да продолжиме у случај да изневерувањето било само секс, без емоција ништо еднаш, во најблаг случај кажано, тој не ме почитувал и не ценел се заедно што имаме и што сме постигнале, плукнал во тие кобни моменти на мене и мојата верност, доверба и љубов.
Значи не....

 

Ќе глумам дека не чув ништо, ништо не видов и ништо незнам.Ќе го натерам да си играме садо мазо а јас ќе бидам екстемиста мазохиста со шипка а тој blindfolded.Ќе му истолчам карамели за протерување на лошите работи од дебелото црево во тостот, и ќе му го затнам нужникот.И ќе го пријавам во Бардовци и полиција.Мислам нон стоп ќе го пријавувам.За манијакално понашање и шизофренија.

Ветувам ќе пати додека е жив.Меракот за одмазда ме прави иноватвна, креативна, неразбрана.А како што времето поминува не заборавам, напротив желбата расте.

 

Моја работа е да направам тој да не посака да оди со друга е сеа ако дечкото е малоумен или ретардиран да ме изневерува фино лепо ќе му се јавам ќе му кажам дека знам се , ќе му ги дадам најниските ударци и ЧАО ПРИЈАТНО !

 

Па... би му кажала дека не ме заслужува ни најмалку и не заслужува да се нервирам и да го губам моето скапоцено време на него штом спаднал на толку ниско ниво и ке му раскинам. Во животот нема да го познавам веке и ке си тргнам по мој пат без него

 

и јас вака би направила... Истооо !

 

До сега не сум се нашла во таква ситуација но ако се случи најпрвин би била многу гневна и нервозна не би можела да поднесам нешто такво би разговарала со партнерот да ми даде објаснување за неговата постапка би сакала да ја слушнам неговата верзија на приказната потоа мислам дека тешко би му простила ќе му дадам до знаење дека не ме доволно ценел, дека не ме заслужува и дека помеѓу нас е готово,а ако во некој случај би му простила што мислам дека шансите с емногу многу мали хмм па има секогаш онака ко на шала, онака мераклиски да му перам преку очи, да му ја вадам душичката па да не му текне друг пат пак да прави такви потези

 

Јас би го оставила. Нема никакви оправдувања за неверство.
Никогаш не би изневерила никого, ниту сакам мене тоа да ми се случи.
Но, гледајќи од друга страна, можеби доколку истото се случи моето мислење на некој начин ќе се промени. Никогаш нема да бидам сигурна за нешто доколку истото не го искусам. Но, неверство е навреда за мене како личност и мислам дека разумот би пресудил game over.

 

Јас лично сметам дека ова прашање е индивидуално и зависи од чуствата во моментот кога ќе дознаеш за неверството. Исто зависи од тоа колку долго сте во врска, кога се случило неверството итн итн...
Се‘ додека не се случи неверството, односно не сме ние “жртвата“, можиме само да претпоставуваме како ќе реагираме. Јас лично пред да бидам изневерена од еден дечко пред повеќе години, си викав демек мене некој ако ме изневери, одма ќе му раскинам. Ама не беше така! Сега се каам и си викам зошто уште тогаш не му раскинав ама ете мојата тврдоглавост, решителност дека јас ќе го сменам тоа кај него (зошто тој изневеруваше редовно, познат беше по тоа и во претходните негови врски) не ми дозволија да му раскинам. Глупава! Сега си го викам ова, ама тогаш така не размислував, си се докажував самата на себеси, којзнае што сум мислела.

Уствари тој што е изневеруван, во најголем број случаи, последен дознава и дознава (некогаш или скоро секогаш) многу касно.
Што ако тој мене ме изневерил на почетокот на врската, онака со некоја пролазна за една вечер, па јас го дознаам тоа по две години врски, кога нас ни е преубаво, кога врската ни е средена?...има и вакви случаи, затоа кажав дека сегде е различно и тогаш стварно незнам како би постапила.
Знам само дека ако го фатам јас лично како ме изневерува или пак ако дознаам од други за тоа дури е “пресно“ неверството, без размислување одма раскинувам.

 

Јас со мојов не сум во врска, па и да се мува со друга не би дошло тоа како типично изневерување во некоја долга и сериозна врска, ама ни двајцата не сме такви за отворени врски, ќе се мувам со еден а од страна со уште 2-3 други. Тогаш најубаво ќе се смувам еднаш, два пати, и ќе го оставам, јас не сакам така. Неодамна дознав дека тој се мувал со друга и нормално дека ме повреди, ама да бидам искрена колку и да бев лута во моментот не ми даваше срцето да го оставам, и сеуште го сакав и сакав се да му дадам, без разлика. Нормално дека го прашав, и бев лута, ама ми објасни што било, дека не било сега туку одамна (демек кога не бил со мене) ама да било во последниве неколку недели, баш кога станавме поблиски мислам дека ќе го оставев.. ама евентуално пак ќе му се вратев, за жал.
А ако тоа било ептен на почетокот на мувањето, врската, и било само едно мување, без чувства, ништо повеќе а ние понатаму си продолжиме со нешто посериозно, и да дознаам од друг или он да ми каже.. што знам, би му простила. Ама, ако веќе сме во сериозна врска и тој констатно ме вара со некоја, тогаш тоа би било крај, па макар колку и да го сакам.

 

Хаха за да направиш нешто некој треба да е заслужен.. а на овој начин нема што да се прави. Ако тој се понижува себе си немора и ти да паѓаш на негово ниво. Чао пријатно .. било што било, поминало си тераш по твое гордо.. и чекаш да најдеш друг да те зезне.

 

да,си тераш со животот додека не се појави друг да ти го зезне.

 

се зависи, од многу фактори.... :geek: но, сепак се надевам дека нема никогаш да дојдам до таа ситуација

 

не сакам да дојдам до таква ситуација..но ако дојде го оставам наместото на злосторството во тој момент!
нека ми објасни се и го оставам..па нека моли...колку и да одиме..па не сме маж и жена

 

најверојатно би раскинале...

 

Колку многу да го сакам нема да можам да продолжам понатаму со него. Која и да е причината не ме интересира, грешката е веќе направена. Ако тој веќе посакал да проба со друга, да ме земени па макар и на 2 секунди толку е нека продолжи со неа.

 

Ништо,ке си најдам друг.

 

Ќе му купам Милка!

 

чао и вртам нов лист

 

Викам полиција