Оваа година би ти посакала да си еден чекор поблиску до духовна и емоционална зрелост и да не се плашиш од пропуштање работи. Се надевам дека ќе го надминеш инстинктот да ги земаш работите здраво за готово и наместо тоа повеќе внимание ќе ѝ обрнуваш на рационалната страна која ти вели дека не сѐ е како што изгледа, не си секогаш ти поразената и оставената во полоша ситуација. Ти верувам дека ќе продолжиш да работиш на себе и дека постојано ќе бараш светла точка која ќе ти ја осветлува најтемната ноќ.
Благодарам, Господе, уште еднаш ја ми покажа милостивата волја твоја... Како да ме слушна , ми покажа и дека сеуште постојат човечни луѓе... Ова ми грее срца и душа, денес...
Не биди толку скромна барем сега можиш да си дозволиш за се што пред некој месец се стегаше. Бонусот и покачувањето ти е заслужено дено-ноќно работеше на последниот проект. Не биди скромна , малку уживај !!
Мило ми е што почна фокусот да го ставаш на создавање навики од аспект на здравје. Поуспешно се држиш до нив кога размислуваш од тој аспект, а не кога се трудиш само слепо да следиш некое правило. Не си можеби таму каде што сакаш да си, ама барем се движиш во таа насока .
Знам дека си разочарана и безнадежно гледаш кон работите кои ти изгледаат недостижни. Тука сум за да те потсетам дека е илузија дека сѐ се менува преку ноќ; за сѐ треба време. Верувам дека за една година ќе се наоѓаш на различно место отколку сега. П. С. Уште еднаш ти се докажа дека немањето доволно сон побрзо ќе те уништи психички отколку физички. Обрни внимание на тоа.
