Што е она што вас ви оставило најголем впечаток од форумов? Што научивте, што добивте и какво искуство стекнавте? Јас иако не сум многу активна членка тука научив многу работи: Научив да почитувам туѓи мислења, иако некогаш не се согласувам со нив. Научив дека наоколу има многу посериозни и пострашни проблеми од моите и дека треба да бидам благодарна за тоа што го имам. Научив дека има луѓе-борци, и дека треба и јас да бидам таква. Да бидам позитивна и да не се откажувам. Добив место за да се ослободам од негативната енергија и да ги споделам убавите работи кои ми се случуваат.
Пред се мило ми е што стекнав многу добри пријателки , научив дека постојат многу различни луѓе со многу различни карактери, дека секој има различно мислење, и дека тоа треба да се почитува, и најголемото нешто што го научив е да бидам Позитивна пред се.
Се чувствувам како да пораснав овде со вас, односно, уште растам. И не можам да кажам кои работи ги научив, едноставно научив многу нешта кои ми служат! Излишни се зборови за се’ она што го дознав од форумов.
Дека има многу фини и мили девојки и дека не е се така лошо и дека има и луѓе со поголеми проблеми од мене
Научив дека постојат добри луѓе со кои можеш да се дружиш без да ти мислам лошо. Научив некои работи кои не би ги научила доколку не би била зачленета овде. Но, научив и дека постојат луѓе кои што се толку уфилмани со себе што е чудо едно. Научив и дека постојат лоши луѓе, кои не гледаат како се чувствува другата личност и упорно навредуваат и понижуваат. Со еден збор, сфатив дека постоеле и добри и лоши луѓе...
Добив неколку нови прекрасни пријателки. Добив лажни пријателства. Добив можеби и непријателки. Ова е еден женски свет каде жените си помагаат, си одмагаат, созреваат, љубоморат, па и делат љубов, пријателства, омраза, добрина, славиме победи, делиме подршка за падови, се шири и позитивна и негативна енергија Ова ти е свет во мало, сличен на реалниот, но не ист, бидејки тука се идеализираат многу лица од други а и самите лица си се идеализираат, многу е полесно да си дволичен, нереален, многу е лесно да пишуваш 10 реченици и да ги составуваш 2 саати, многу е лесно да си се возвишиш. Но затоа и добиваш помош, стануваш дел од дискусии, добиваш нови познавања, добиваш подршка која на моменти ти треба токму од непознати, добиваш и место за трошење на вишокот време пред се.
jas sum mnogu kratko vreme tuka i zapoznav mn prijateli, i mn ubavo se cuvstvuvam koa ke pomognam na nekoj koga ke dadam dobar sovet
Од форумов добив утеха дека сите ние сме со слични или исти проблеми,но дека некои се носат со тоа полесно некои потешко па затоа сме тука една со друга да се поддржуваме,тешиме,советуваме...
Дека ако имаш различно мислење од мнозинството, тешко тебе. Дека има луѓе кои знаат саглам да дискутираат, а има и такви кои не знаат. И дека заради форумов се доцни на училиште.
Од форумов научив што значи некој да те трпи дури пишуваш со капс лок! Од форумов научив дека нема погрешни мислења, само различни! Од форумов научив што значи да те советуваат онака најдобронамерно! Од форумов научив дека луѓето не се делат на лоши и добри, туку на луѓе со еден вид и луѓе со друг вид на карактер! Од форумов научив дека да се биде девојче е убаво! Од форумов научив за многу важности во животот за кои порано не сум била свесна! Со овој форум пораснав, и уште растам.. И ајде да не изгледа мојов текст толку носталгичен, подобро да престанам.
Слободно можам да речам премногу кога бев несреќна сфатив дека не сум сама видов многу тажни постови во кои имаше чуства речиси како моите со тага пишував но воедно и себе си си помагав кога бев срекна со вас мои сакани феминки ја споделував среката Научив дека .................................................................................................................................................. Среката и тагата се брат и сестра рака под рака секаде одат заедно затоа многу си го сакам форумовFemina.mk ПОЗДРАВ ДО СИТЕ МОИ фЕМИНКИ
Совет: - Побарај совет од непријателот, затоа што тој ќе ти ги каже недостатоците и ќе ти помогне да се поправиш. Добив: Поголема самодоверба, трпеливост, почитување и многу добронамерни совети. Научив: - Да не се плашам да си го искажам мислењето.
Искрено многу сум му благодарна на форумов бидејќи не ми е страв да го кажам мојот став, притоа да не се тресам дека некому тоа нема да му се дпаѓа. Да бидам голем слушател бидејќи ако некого ислушаш внимателно безразлика дали е нервозен, среќен или тажен и јасно и гласно без никаков страв да се побараш совет или помош.
