Што е успех?

Да бидеш задоволен од она што го поседуваш и имаш, притоа не мислам само на материјални работи, туку и на семејство, пријатели....

 

За секој е различно..
- за некој да добие дете/деца
- за некој семејство да оформи
- за некој кариера
- за некој многу пари
- за некој да најде богат маж/жена
За мене е успех да имам среќно дете, да се чувствува слободно, домот да го чувствува за топло место каде секогаш ќе има љубов, грб и разбирање. Во мене да гледа освен мајка, најдобра другарка на која секогаш ќе се довери. Ако се ова бидам во главчето на моето дете, не ми треба поголем успех. Ако домот му е место од кое му се враќаат нозете назад, џабе ми се дипломи и факултети, пари, можам слободно да ги запалам.

 

Успех е да го немаш дефинирано зборот успех и да можеш спокојно да живееш со тоа.

 

Секој си има цели и замисли за својот живот. Ако за готвачка е успех да ги омажи и ожени децата и ете и се остварило Good for her, кој сме ние или Фросето да се исмеваме на тоа.

 

Успех е кога знаеш дека си работиш перфектно без никој да се пожали и ќе дојде некој кој три чисти нема у глаата и ќе збори против тебе демек со најдобра намера. Ќе си пукне од мака дур не те сруши. Е тоа е успех, се друго е гола вода.

 

За мене среќата здравјето и љубовта се се.
Успех не носи среќа.
Среќата носи успех.
Затоа смеј се, сакај од срце и живеј!

 

Јас би се осеќала успешна ако сум здрава, жива,и среќна заедно со моите најсакани. Да имам работа што ќе ми обезбеди пристоен живот, да имам топол дом и деца со љубовта на мојот живот. Да имам мирен и спокоен живот.

 

Успех е да успееш да ја исполниш цела душа со добрина и да нема во тебе ни грам злоба и гнев.
Успех е да успееш да замолчиш и тогаш кога знаеш дека си во право.
Успех е да успееш да створиш фамилија.

 

Најголем успех е да се биде среќен, среќен покрај најблиските бидеќи само заедно и сплотено се успева во сѐ. Успех е кога ќе успееш да ги оствариш своите желби и замисли во кои си вложил труд. Успех е кога ќе усреќиш некој. Успех е кога ќе имаш топол дом исполнет со љубов, почит и дечиња со насмевки.

 

Да живееш здрав начин на живот, да се храниш здраво, да спортуваш, да бидеш способен за свој сопствен бизнис, да вработиш луѓе да работат за тебе, да имаш фамилија да има утре ден некој да биде со тебе и во добро и во лошо

 

Одлична тема, уште одамна размислував за да ја отворам истата.

Успех е најверојатно да си задоволен со постигнатиот резултат во животот, уствари за секој е индивидуално, нема конкретен одговор.

За постираната слика поназад, грешката е во тоа што некој друг го дефинира успехот на одредена личност.

 

Скроз!

 

Eдна моја повозрасна колешка вака го дефинира успехот „Имам изградено куќа, тоа е реалност, факт и се гледа. Тоа е мој успех. Имам две деца, добри се, паметни, се образувале, тие се денес вредни луѓе, со семејства и тоа е факт и тоа е мој успех. Сум напишала книга, таа се гледа, опиплива е, и тоа е успех“. Се сложувам.

И се од тоа што спомнавте е успех. Да ти биде удобно во своја кожа, да се отарасиш од токсичност, да бидеш среќен и да го цениш она што го имаш.

 

Нема ништо поуспешно од успех!

 

Успех за мене нема врска со родителство, бракови и приватни работи. Секој со два грама мозок знае правилно да одбере луѓе добри за него и да воспита дете, а тоа што многумина не знаат е оти популацијата е оглупавена, што не значи дека попаметните ги одликува називот успешни.

Не знам која е границата помеѓу она што се нарекува личен успех, и констелацијата на надворешни фактори (а и генетика), али ај, успех е да бидеш квалитетен во сето она што го работиш. Успех е да те памтат и спомнуваат откако ќе те нема. Да станеш богат е успех, но притоа да останеш ЧОВЕК е уште поголем успех. Да оставиш вредности зад себе кои го надминуваат материјалното богатство, оти твоето богатство никој друг нема да го памти и ползува, освен тие околу тебе.

 

Успех е да те памтат и спомнуваат откако ќе те нема.

Oва ми се допаѓа, но мнозинството граѓани не оставаат некој печат позади себе, по кој ќе бидат споменувани со години и децении. На мал дел ова им успева.

 

Накратко и општо гледано, успех е да ги оствариш своите желби, планови, цели кои инаку се разликуваат од човек до човек.

 

Душевен мир.

 

успех е секој ден да ти биде како премиера

 

Успех е да не подлегнеш на сопствената огорченост и фрустрираност, на суетата и самобендисаноста.