Што им е потребно на младите за да останат во Македонија?

Инспирирана од големиот бран на иселувања и празни ветувања, решив да отворам тема каде што може да кажеме што е она што ни треба за да останеме во Македонија. Сведоци сме дека не се иселуваат само млади кои се невработени, туку и доста добро ситуирани. Според мене, покрај големиот процент на младинска невработеност (највисока во Европа ), голем број млади се иселуваат и поради ограничените можности за остварување на кариерен план, малите плати, непотизмот, менталитетот... Искрено, средината не ни е здрава за живеење, апатија има во општеството и тоа е демотивирачки фактор. Па упатувам конкретно прашање, особено до младите: Што е потребно за младите да останат во Македонија?

Ќе наведам нешто што јас сметам за себе. Потребна ми е функционална држава која ќе функционира без поголеми потреси и радикални промени. Сакам владеење на право (и како правник и како граѓанин), зашто темелот на едно општество од таму се гради, не сакам криминалци да ми се шетаат. Потребни се универзитети и други образовни установи каде што квалитетот на образование ќе биде повисок од сега. Би останала овде ако ми се вреднува трудот и тоа што сум учела. Треба и културна нација, не менталитет ти реков - ми рече. До конкретни потреби како студентски град, библиотеки, повеќе места за забава, квалитетни емисии на тв, можеби место каде што ќе можам да учам на ниво соодветно на моето знаење...
Што е она што вас би ве задржало овде? И дали мислите дека како млади можеме да направиме нешто во врска со нашите потреби?

 

Сеа кога ќе се замислам, ништо не би ме сопрело да се иселам и ништо не би ме предомислило.
Ако почне да се менува се, ќе треба барем 100 години.
Од: култура,бон тон,чувство за чистоќа,манири,подобро здраство,подобро образование.
Да нема вработувања со врски,да нема прости луѓе кои си даваат големо значење пошто имаат силен грб.
Некои работи во системот може да се сменат.Но, луѓето,такво лицемерие,злоба. Е тоа не се менува.
И не дека на Запад го нема ова,го има, секако.Но, барем не се толку затупавени како тука па да се замараат што туршија ќе ставам.

 

За младите да не бегаат од нашата земја сметам дека треба да им се обезбеди поквалитетно образование (не некои Кембриџ програми во кои имаме повеќе слики во учебниците отколку текст), практични вештини во текот на наставата, повеќе платени пракси.
Еднакви можности за сите младите да имаат пристапност до работните места само поради квалитетите кои ги поседуваат, образованието кое го имаат (формално и неформално) и нивните вештини за да ја вршат својата работа. Младите имаат изгубено доверба дека при некој конкурс би имале реална можност да ја добијат работата која ја посакуваат баш поради сите случувања кои ги имаме во нашава земја.
Напредување во кариерата по заслуги сведоци сме сепак дека на секој чекор фрштат врски и дека децата на мама и на тато ќе ги земат работните места за кои не се квалификувани.
Здравствен систем искрено да имам деца не би сакала да ги лекувам тука. Состојбата во здравството ни е ужас. Здравствени установи крш, квалитетен медицински кадар нема да речам дека го немаме. Имаме медицински кадар, но оној квалитетниот ни замина надвор во неповрат да работи во здравствени установи за поголеми плати. Останавме тука со за нигде доктори. Или тие што останаа квалитетните, заминаа во приватен сектор здравство повторно подобри услови за работа и некоја илјадарка плус (да бидеме искрени многу влијае да имате некоја 1000ка плус во денешно време каде што се е скапо). Приватен сектор во кој ќе се изнафрламе илјадници денари ама барем ќе знаеме дека сме здрави. Смачено ми е како млад човек да одам на лекар и да ми викаат не знам што ти е. Или не дај боже да дојдам до ситуација што си чекала до сеа.
И како последно сакам да наведам пари. Ми треба сега да живеам додека сум млада, а не на 60 години со пола откажани органи и немајќи сила и волја да шетам негде чекајќи да одам во пензија. Ова се моите причини заради кои ќе си заминам од земјава.

 

Сум имал многу шанси да отидам, никогаш не се решив.
Единствено нешто што би ме натерало да ја напуштам вукојебинава е дете. Не би сакал да го живее животецов што сите го живееме. Образование никакво, здравство бетер и ред други работи што се у ранг на Занзибар.

 

1. Поголеми плати за секој сектор буквално.
2. Да нема политиката толку голем замав во се (вработувања и не знам ти што).
3. Да не е се со врски. Секаде све изнапикано со фамилии и фамилии, никој друг пристап да нема до работни места. Со поколенија чуваат места, не значи дека ако прапрапрадедото се вработил, дека сега и на сватот шурнајката од 3 братучетка треба баш таму да е пикната.
4. Поквалитетно образование, здравство и повеќе квалитетна работа во јавна администрација, а не они уште у 2 не работат, клати врата, зимај плата, најбитни институции не работат ништо, све пропаѓа, умрени луѓе уште се водат дека земаат пензии, инвалиди не добиле инвалидска пензија и 300 брука ситуации за државава.

Има уште работи ама ај, да почнат од некаде добро ќе е.
Иако засега немам план у кој размислувам да се иселам.

 

Повеќе работни места кои не се зафатени од нестручни лица,вработени не со диплома - туку со врски.

 

Домашно воспитание и дисциплина- или со други зборови поинаков менталитет.
Ко ќе бидат сите дисциплинирани и воспитани, ќе нема врски, ќе се напредува според заслуги, секој ќе си ја работи работата.
А кога ќе биде тоа?

 

Правда.

 

Менталитетот.

Погани сме. Ако сме на висока позиција веднаш гледаме со потценување на работникот, како нешто многу подолу од нас и како едно парче месо со раце и нозе што максимално треба да се искористи. Ти претставуваш машина, треба да завршиш многу повеќе од што е човечки возможно. И покрај се ќе се плука на тебе. Ретко ако воопшто некогаш добиеш некоја пофалба а камо ли пак награда која ќе те мотивира.

Ова го пишувам од личен аспект и лично искуство. Те гледаат млад, брз, со поиздржливо срце и тоа како го искористуваат тоа, да може максимално ќе те исцедат. Кога престанав со работа, болна паднав. И пак не чиниш.

Летоска ќе пробам во Германија, да видам што мустри ќе се таму. Ако и таму се вакви кревам раце од човештвото.

 

Ќе почнам од домашно воспитување: Родителите да ги учат децата на почит, бон тон, култура...
Образование:Во средно младите да си ги одберат сами предметите кои си сакаат да ги учат.
Здравство: Да се изградат нови болници и да се негуваат истите, редовна дезинфекција каква што треба, а не со џогер од пред 100год да бришат под само со вода ко мачка со опашка да прошла.
Политика: политичарите да не лажат, да не ветуваат празни зборови и да се борат за народот, а не само за себе.
Менталитет и културни вредности:

• кон средината: Народот да не ја загадува околината и да ги почитува законите, доколку не ги почитува да има строги казни.
• кон другите: помалку завист, повеќе љубов, добрина, а не негативни и зли мисли.
• кон себе: да се негуваат секој ден! (еден туш на ден да е задолжителен!)

Работа: Минимална плата 1000 евра, а цените да останат исти.
Работно време 7 часа, викенд слободен за сите, освен угостителството (кафулиња, ресторани) кои би имале бонус во плата.

 

Ни требаат неколку века само за да се приближиме до тоа што го напишавте погоре, а се' си е на место.

Океј, освен ова. За свет без инфлација мислам Томас Мор пишуваше.

Во овој живот значи... ништо.

 

За жал... она што го пишав е премногу совршен живот за нас напатени македончиња со исклучоци на крадците кои не испокрадоја и сега си живеат живот. Знам дека нема да се случи вакво нешто, освен ако не се смени целиот политички систем... машта ради свашта

 

Искрено да ми се укажи некаква шанса веднаш ќе си заминам од тука..
Како прво нема никаква љубезност меѓу луѓето, на секаде те следат што правиш..се замараат со туѓите животи премногу, а не го гледаат својот. Секој чека само да згреши човек и да го озборуваат.
Местата се мали у мк и секој се замара со секого.
За платите и работата да не зборувам воопшто. Не ми се допаѓа воопшто менталитетот на луѓето..како да се заостанати у 20 век со паметот.
Немам коментар ..Имам 21 год. барам и чекам прилика..и веднаш заминувам.
Ионака работите тука у мк никад нема да се решат. Признајте дека не ја бидува оваа држава што и да направите и толку.. а се потекнува од политиката и стара а и нова. Све исто срање без никаква иднина и глупав народ. Добро е што младите си заминуваат.

 

Знаеме сите што, нема потреба за дебати и дискусии нити истите реално ќе сменат нешто, накратко услови за живот и просперитет а не преживување/стресови/ демотивации.

 

1. Луѓето да излезат од 1980 година.
2. Да не се мешаат во лични работи.
3.Да сме заштитени од таму каде што треба полиции, здравство
4. Поголеми плати и повеке права на работникот.
5. Да се возвишуваат интелектуалците и оние што пишуваат, креираат а не на старлетите шо незнаат 2 реченици да склопат
6. Да не се меша семејството во личен избор пример ако некој е геј и така се чуствува 80 посто од македонските родители ке се откажат од него.
7. Криминалците да се во затвор и политичари и се по ред.
..... И така натаму

 

Сите знаеме што не е во ред во нашата држава.

Почнувајќи од власта, сите гледат да си стават парите во џеб, а државата и обичниот народ кој ги е*е.
Партиски вработувања, врски, корупција и мито.
Криминал кој само се заташкува и криминалците слободно си шетаат.
Непочитување на закони.
Образование и здравство уште една слаба страна. Се помалку квалитетен кадар во двете сфери кои се меѓу најважните ако не и најважни.
Потоа секако платата, немање можност за напредување и градење кариера а да не заборавиме дека има личности кои едвај имаат за пристоен живот со тие бедни плати.
Менталитетот на луѓето.
Уште живееме во турско, со што ќе каже комшија, да не ги посрамотиш родителите, жената домачица да буде до 25, мажот во кафана, па мора и деца. Сите мислат дека имат право да се мешат во туѓ живот и да одлучуват за друг, хомофоби, трансфоби и така.

За жал мислам дека се подлабоко тонеме и не знам дали некако може да се смени сето оваа. Дури и да може, се е гнило, треба менување од корен, а за тоа е потребно многу ама ептен многу време. Така да не верувам дека нешто би ме спречило да се иселам (или да ме натера да се вратам).

 

Ова. Луѓето мислат дека младите си заминуваат само заради пари. Си заминуваат и заради малограѓанштина.

 

1. Големи плати за сите, не само за одредени професии
2. Еколошка свест, почнувајќи од воздухот, да се казнат сите загадувачи што го трујат цел народ
3. Поголема почит и љубезност меѓу луѓето, воедно и лична хигиена
4. Реформи во повеќето институции, пред се во здравството
5. Искоренување на корупцијата, мафијата, непотизмот
6. Да не садат згради во паркови и шуми, разубавуваање на постоечките градежни објекти,повеќе зеленила, градини
7. По еден полицаец да шета во секоја населба. Зголемено чувство на безбедност од секаков криминал
8. Сообраќајна култура, особено казнување на возачите кои стискаат на гас и свират на пешаци кои поминуваат на пешачки премин.
9. Да се направи убав стационер за кучиња каде ќе бидат згрижени, нахранети, вакцинирани