Што кога дома имате човек кој бил во затвор?

Брат од прва братучеда од моја другарка одлежа неколку години затвор поради поседување дрога.
Јас ни за момент не помислив дека треба да ја избегнувам неговата сестра поради неговото дело. Со неа се знам долг период и е прекрасна личност. Откако излезе од затвор сме се нашле во исто друштво и со нејзиниот брат, во една прилика ни објасни дека направил голема грешка верувајќи дека брзата заработка од дилањето дрога ќе му понуди инстант решение за сите животни проблеми, човекот си ја имаше научено лекцијата. Може до мене е ама јас прифаќам дека луѓето се склони да грешат и некогаш таа грешка е санционирана и со затворска казна, ама не ги доживувам веднаш ко Фреди Кругер и дека треба да се движам на радиус од километар од нив и од нивното семејство. И со тоа што казната е одслужена отплатен е долгот кон општеството. Секако категории од типот сериски убиец или педофил не ги рачунам овде, тие се веќе монструми и се др. посебна категорија.

Јарец, верувај нема семејство кое нема одредени помали или поголеми флеки во семејното стебло (сите имаат барем еден одгледан примерок на црна овца дури и во стадо со расни мерино), кои ни со најконцентрирани средства не се вадат, само што некои грешки не се санкционираат со престој зад решетки, има и др.видови затвори чии решетки се многу моќни иако не се челични тоа се етичките прекршувања. Прво, ќе ти речам води се по онаа - секое чудо за 3 дена, второ - нека го фрли првиот камен оној кој е безгрешен.

 

Јарец јас имам другарка на која татко и беше неколку години во затвор . Пред да отиде во затвор сите се дружеа со неа , најнормално , а за време на тие неколку години што ги помина во затвор и после тоа сите ја одбегнуваа .. Јас продолжив да се дружам со неа , не ми беше страв да отидам кај неа или не знам што .. Потешко и беше и на неа и на мајка и ама не ми беше страв ..

Еве тука кажувам и татко ми беше 2 дена во затвор зошто ја паркира колата погрешно и не сакаше да даде неколку илјади .. Во тие времиња искрено немавме за облека а не да даваме за прекршок .. Никој не знае а татко ми не е лош .

Муабетот ми беше дека ќе зборат - ќе зборат . Кај можеме ние да не се пикаме во туѓи животи место своите да си ги средуваме
Се сложувам со тоа што го напиша Теодора , секое чудо за 3 дена
Гледај за себе , а муабетите во едно уво ќе влезат од друго ќе излезат

 

E што де? Јас мислам дека сите заслужуваат втора шанса...Сега зависи за што бил во затвор човекот...Мислам дека нема потреба од одбегнување, гледање со други очи и сл. Мене тоа ми е глупаво....
Бил,излегол завршил со тоа...Мене лично не ми сметаат луѓето што биле во затвор...

 

....и затворот е за луѓе нели....

 

Пред неколку години се случи убиствово градов мој, еден познат под градов е убиен, но и убиецот е доста позната личност во градот и неговите деца се доста познати едниот од нив ми е пријател.
Типов беше во затвор,, излезе од затвор, ама односот со пријателот од никој не се сменил. Е сега луѓето кои се со предрасуди да ги избегнале, ама тие што не се и ден денес се со нив

Според мене нема врска, не е детето криво, патем Јарецу не си ни ти крива во случајов, а и на овој начин и те како ке видиш кој од околните луѓе биле вистински спрема тебе и семејството твое.

 

Сите луѓе се различни и доживеале многу различни работи во животот. Никој не може да сфати како му е на другиот. Глупаво е некој да се осудува после излегување од затвор. Ете направил некоја глупост, но затоа го одлежал своето. Зошто до крајот до животот да биде осудуван за тоа?
Е сега јас мислам дека многумина ќе гледаат попреку во вакви ситуации. Најтешко е на почетокот, но со текот на време се избледува.

Во таква ситуација не може да се остане рамнодушен но не треба да се дига паника. Ете тоа е што ај ако може некој нека го смени минатото. Мој совет е ти да се однесуваш како што ти одговара и како што ти е пријатно. Нема причина да не бидеш во контакт со него ако тоа ти одговара. Што и да ти каже било кој, секое семејство си е посебна приказна ама едно нема како оние од филмовите.

 

јас ќе ти кажам еден пример, па се надевам дека ќе ти помогне. Дечко ми има најдобар другар чиј брат еве две години е сеуште во затвор и тоа не преставува никаква ама баш никаква пречка дечко ми и понатаму да се дружи со него.Баш напротив мислам дека уште повеќе си го зацврстија другарството после тоа затоа што дечко ми се обидуваше на секаков начин да му помогне и да биде со него кога му беше тешко. Баш во таква ситуација се познаваат другарите .
Јас исто така многу пати сум била во друштво како со него,така и со неговата сопруга во друштво и на крај памет не ми било тоа што има брат во затвор.Баш напротив некогаш се случувало да го спомнат во муабет и разговорот да продолжи.Во животот се случуваат секакви работи,ништо не се знае. А за луѓето што околку одат и шушкаат лево-десно,нив ги имало,ги има и за жал ќе ги има секогаш. Ич да не се секираш што ќе мислат тие.Најважно ти е што ќе помислат луѓето што ти значат.Ама тие штом досега биле со тебе и понатаму ќе бидат со тебе. Затоа главата крената и продолжуваш понатаму.

 

Не се плашете од тие што биле во затвор, плашете се тие што го одбегнале. КАКО го одбегнале ? Зошто ?? Живееме наводно во фер и законодавно општество, треба да се казнуваат злосторниците. Зошто не се казнети сите ??
Е тие се тие, опасните.
Барем за мене.

Мислам дека на секој, по поминати толку години во затвор, МАЛКУ од малку барем ќе му дојде паметот. Гледам викаш дека станува збор за прилично долг период, ако добро сфатив, за 20+ години. Белки размислил дали е во право или не, се покајал и слично... Направил што направил, не знам како планира да го продолжи животот, но знам дека треба да му дадете голема поддршка, да продолжи најнормално што може. Дека веднаш ќе истрчаат сите во пресрет, нема, ама нема и сите да се повлечат.

Друга работа е што, луѓето се плашат од непознатото. Не знаат што направил, па шуш буш, па мене ако ми направи нешто... Ете од таму идат сите предрасуди. Ако се објасни убаво дека тоа било одамна, во минатото и сега работата е завршена, ќе бидат малку пораскомотени во ваша близина.

А ти не си ништо виновна, ни па треба да се чувствуваш виновно или засрамено. Сите грешиме, на некој грешките се помали, на некој поголеми. Не заборавај дека има многу поголеми злобници на слобода.

 

Сите околу мене го знаат случајот,така да за никој не е новост,барем не за тие што се дружам константно.Од мене и мајка ми има огромна поддршка и мене не ми е битно дали другарките ќе ме откачат или не,на крај краева,ќе видам кој ме цени поради мене,а кој ми се правел другар цело време.

 

Ништо страшно и тоа е за луге, ако само што си дошол/а треба да му се даде многу љубов подршка за да продолжи понатаму или да почни нов живот, без разика дали бил/а виновен/а или не за тоа што го осудиле.Сите сме луге и сите правиме грешки, не знаеме еден ден животот кај не донесии што ке ни донеси, многу луге завршиле во затвор поради заштита на фамилијата на ваков или онаков начин да му пружат повеке и сл.САмо љубов подршка да застани на здрави нозе и да поцни нов живот.

 

Дојде и тој ден што го чекав,се врати брат ми,еве скоро две недели е тука,секако за тие две недели не можам да проценам се,ама знам дека сега за сега со другарките е се ок,го видоа и видоа дека не е толку страшен како што се збореше.Од друга страна пак,има многу луѓе кои порано не ми правеле муабет,сега кога ќе ме видат мислиш леле колку ме сакаат,не можат без мене.Абе колку го мразам овој менталитет ејјј ама тоа е.Јас секако сум најсреќна што брат ми е до мене,а за друго не се замарам.Поздрав девојки и фала на поддршката.

 

-Од поинаков агол ќе напишам: Имам пријатели, чиј татко е алкохоличар, мајка-психички болна, мајка со долгогодишна срцева мана, брат наркоман, сестра проститутка, сестра најомразена личност...ИТН.
Какви сака нека се другите - НИШТО нема да го смени мојот однос кон дотичниот пријател/ка.
Сите сме засебни индивидуи.
Ако татко ми е крадец, а јас сум чесна, што сум јас крива???
Ако мајка ми има 100 швалери, не значи дека и јас сум таква!!!
Таков е нашиот менталитет, кој глобално осудува. Каков е едниот, такви се и сите дома му.
Ама не е така!
И такви личности не сакам за пријатели!

-Во однос на самиот затвореник, најбитно би ми било, за што бил осуден, дали искрено се кае поради злосторството и дали се сменал како човек-да тргни по правиот пат.
Голема помош треба да има од најблиските за повторно да се социјализира и да се вклопи во средината. Секако, да не потпаѓа на туѓи провокации (кои најверојатно би следеле, познавајќи ги луѓето кај нас.)

 

Татко ми е стрпан у затвор два месеци, не дека е мала работа, ама не е до толку за потресување, лекција плус за него, а богами и за нас.

Па не утепал човек, зошто да се плашат од него?

Од затвор се излага, од гроб не се излага... така викаше дедо ми... кој е мртов инаку.

 

Дома во куката не, но имам вујко кој беше подолго време во затвор и мојот однос со него и на моето семејство не се смени, мислам дека тоа не треба да се пресудно, лугето прават грешки а другите одма ги осудуваат како тие никогаш да не погрешиле...

 

Човек треба да се цени таков каков што е. Во принцип сите сме различни нема ни идентични а камо ли исти. Мене не ме интересира каква е фамилијата мене ме интересира личноста со која се дружам. И зошто целото семејство да пати за грешките на само еден член. Не никогаш не ги осудувам таквите и сметам дека враќањето на некој д затвор не би требало да влијае лошо туку напротив само на подобро

 

Јас мислам дека не треба воопшто да се оптеретуваш , луѓето зборат и кога нема ништо и кога има народот многу сака да гледа во туѓиот прозорец а не ни видел дека неговиот не е баш чист па затоа туѓиот е матен , поентата ми е дека за било што не треба да се оптеретуваме што зборат другите тие што ти се вистински пријатели ќе останат со тебе и ќе те подржат во се , ќе бидат со тебе и во лошо и во добро .. е штета ама такви нема многу. Ама јас викам подобро еден искрен и вистински отколку 10 што се тука кога имаат корист а после кога ти треба подршка или едноставно не им одговара ситуацијата ги нема. Сите грешат некој повеќе некој помалку ама сите заслужуваат 2ра шанса , е сега кој како ќе ја прокоцка .

 

КПУ - Казнено поправна установа
што значи лугето кои одат таму одат да се ресоцијализираат
луѓе сме сите правиме грешки за кои потоа се каеме нали .
не ја сваќам поентата на темава

 

Имам другарка на која брат и беше во затвор, и никогаш не го сменив односот со неа заради тоа. Ниту пак сум се правела дека ништо не знам или не сум го одбегнувала тој муабет. Напротив, разговаравме доста на таа тема, за да се чувствува полесно. Направил грешка човекот и си ја платил, нема зошто да плаќаат и луѓето околу него.

 

Еве јас да пишам нешто после скоро 8 месеци откако си дојде брат ми.Се случи тоа што очекував,тоа заради што ја отворив темата.Се разочарав од најдобрите другарки.Сите другарки останаа исти кон мене,освен оние две со кои бев од малечка,во кои не се ни сомневав дека ќе ме остават.
Им било страв?! иако мене тоа не ми го кажаа во лице слушнав од други.
Немам против и да не го сакаат брат ми,тоа си е нивно мислење,ама нив никој не ги тера да се дружат со него,се дружеа со мене и не знам каква врска има брат ми со нив,ама ако барем дознав кој ми е навистина пријател,а кој ми бил пријател да пие кафе со мене само кога му е досадно.

 

Затворот е за луѓе не е за животни , секој може да згреши и на секого му е потребна втора шанса , затворот е место каде што луѓето кои напрвиле казниво дело треба да се ресоцијализираат ( за жал во македонските затвори го прават спортивното немаат никакви програми)

ова не важи за педофилите и силувачите нив не ги вбројувам во луѓе за нив е пожелно смртна казна