Што мислите за Philips Lumea? Споделете го вашето искуство, коментирајте, прашувајте...

Јас сум презадоволна од Лумеата. Некој пишал дека другарка се упропастила со пинцета на лице, а откако ја депилирале со восок и се средиле. Да, пинцета е најлошо, ама јас со восок се упропастив. Едноставно не е истиот ефект со восокот на лице и на тело. Нормално влакно на лице ако го издепилираш ќе се направи како црно, машко, освен на мустаќите, кај тие што иначе немаат мака со влакненост. Тие што не сте зафркнале работа уште на лице, купете еден крем за побелување влакна, го има во ДМ. Ама не Балеа, еден на А, изумив како се вика, мислам словенски е. Околу 400 ден ама гарантирам дека е одличен. Останатите, коишто со депилација, пинцета или што и да е, сте ги зафркнале влакната, Филипс Лумеа. И јас одев на ласерска депилација, не ми помогна многу. Можеби зошто не одев редовно. Имаше ефект, ама кратко траеше. Лумеата нема да ги отстрани сите влакна, но ќе отстрани најголем процент и ја имате секогаш дома за пак да се поминете кога ќе почнат да растат. Кожата на местото кадешто ќе се направите е мазна и нема црни точки. Супер е за дебели, темни влакна на посветол тен. За тенки, непроблематични, не знам.

 

Најдобро инвестирани пари, ако не добијам рак на кожа Кожата на нозете е премека, нежна, под пазуви, надусници и подбрадок исто така. Заприметив дека имам подобри резултати после бричење. Да, и на лице ставив брич Јас со пената како Дедо Мраз, бричот во рака, таман да почнам, маж ми влегува во купатило. Тој ме гледа мене, јас го гледам него. Се гледаме и ќутиме така едно 30 незгодни секунди И така, мислам дека нема веќе тајни меѓу нас

 

Според мене вреди за парите, ја имам со два додатоци за тело и лице.
После тешка борба со поткожни, црвенила и иритациии, мојот спас е деф Лумеата, можам да кажам дека имам ефект најмногу на нозе, веќе немам поткожни, немам црвенило, а кожата е мазна иако употребувам брич. Имам светла кожа и темни влакна... Кога ја земав немав преголеми очекувања сепак мислам дека што и да се направи влакна ќе ни растат ама со Лумеата деф растат мнооогу поспоро, потенки, а и имам места каде што не растат.
Мислам дека е битно да се користи на време, да не се скокаат третмани.

 

Дали за време на бременост може да се користи Philips Lumea?

 

Не.

 

Не! Работи на база на инфрацрвени зраци кои се штетни, не би требало да ризикуваш во бременост. И јас сум бремена одлучив да не го користам.

 

И јас го избричив лицето откако прочитав дека подобар ефект имало По awkward момент мислам не сум имала во животов
Претходно се мачев со лентички со восок ама го немаше посакуваниот ефект. Сега конечно дочекав скроз мазна кожа на лице, мераци

 

Да, многу подобар е ефектот. Само сега имам друг проблем, влакненцата не ми ги фаќа бричот, па морам со лента. Купив од оние жилетите од ДМ што се за лице, па ќе пробам со нив.

 

Едно прашање:

По првата фаза (4-5 третмани), што правите во фазите на одржување, пак се поминувате со брич или директно светкате?
На повеќето места веќе немам потреба од бричење, но сепак да си прашам

 

Нозе уште бричам, 1-2 пати месечно. Уствари вториот пат е оној кога треба да се поминам со лумеата. Али штом стопли планирам тоа малку што го има, да го издепилирам. Од фустани и кратки панталончиња нема да излезам

 

Да пукнете, ме убедивте и мене да земам.

И мене ми е за лице највеќе, дефинитивно се зезнав со чупалицата. Прво беа 3, па 5, па 7, па 10, таман до менопауза има време да станат 50.

Во принцип се депилирам, ама ме нервира многу во периодот на подраснување кога буцкаат, многу сум селф-коншс.

Кој каква има од вас, мора ли таа најскапата да ја земам за лице?

 

Јас ја имам поевтината верзија advanced само со додаток за лице. Додатокот за тело го користам на нозе, препони, пазуви и стомак. Си врши работа. Ич не му ја мисли, земај

 

Да земиш и ич да не се мислиш.
Јас го имам три месеци презадоволна сум.
Спас е, цело време скоро мазна Јас мака мачев со подкожни на нозе, ептен. Сега со Лумеата се спасив Лице, стомак, нозе, секаде има ефект, а и кога ти растат се помеки после, ако со брич.
ЈАс го зедов 24.000ден.

 

По долго време читање коментари и мислење, се решив да одврзам ќесе за чудово штом толку го бива.
Споредував цени, разгледував модели, имам 2 прашања:
1. Овој што е само со еден додаток за тело смее секаде освен на лице да се користи или ако сакам да депилирам и надусници морам да го земам поскапиот што има втор додаток?
2. Дали чувството е исто како кога се депилираш со обичен депилатор или само се чувствува топлина од одблесоците?
Имав таков, исто од Филипс мислам дека беше, еднаш пробав и го оставив оти не се издржуваше колку корнеше, неколку пати ме зафати со пинцетите квалитетно на кожа иако воопшто не стегав, па шетав со по некое модринче или изгребана кожа. А и не ме фаќаше насекаде, пак остануваа влакна. Истрауматизирана сум многу, не трпам многу голема болка, а не е евтино ова па да знам на што сум пред да купам.

 

Одговор на првото прашање

За второто прашање- не боли, не е како депилација. Со Лумеата треба прво да се издепилираш, а за подобри резултати да се избричиш, па после ја правиш епилацијата. Нема болка, само блага топлина осеќаш.

 

Јас ја имам само таа со додаток за лице, мислам беше околу 18.000. Најдобра инвестиција во животов. Земај и не мисли

@Anabelle.Amorette разликата е во тоа што додатокот за лице е помал и е подобар за да ги фати сите форми на лицето. Инаку светлината е таа како што знам... можно е додатокот за лице да има и некоја дополнителна заштита ама не сум сигурна баш за тоа.
Јас не чувствувам никаква болка, само топлина кога светкам.

 

Ја купив таа со додаток за лице веќе, еден третман направив, овој викенд треба вториот. На некои места чувствував поголема топлина за разлика од други, но добро поминав, за брзо време цело тело го светнав.

 

Здраво , видов дека имаш искуство со лумеата, па сакам да те замолам да ми објасниш ако можеш, ја купив пред некој ден, и уште не дошол редот да ја искористам, не ми е јасно како оди целосно постапката. Прво оди бричење, а потоа се чека 10 саати за да се користи? И еве, одкога ќе се поминам со неа, после колку време ќе треба пак да ја користам ? Кога ќе почнат да си растат влакната пак оди истата постапка бричење па минење со неа, или тррба да чекам некоја недела за да ја користам? Си ја купивме со сестра ми по пола, па ќе правиме планови за на ти го-дај ми го

 

Извини што се умешувам, и јас скоро ја купив, првите 4 пати на 2 недели е третманот, потоа се користи на 4 недели за одржување. Симни си ја апликацијата од плејстор, си има календарче тука. Бричење можеш ноќ пред третманот, јас така правев. Потоа измеѓу третмани комотно користи си брич како и вообичаено.

 

Значи, растат влакна меѓу третмани така ? Јас мислев дека не растат Не можам јас навечер, дека со две деца, па подобро ми е кај 11 сабајле се бањам, па навечер кај 10 и нешто кога спијат да се поминам. Фала за инфо, апликацијата сега ќе ја најдам