Што подготвувате за бадниковата вечер и Божиќ

Јаткасти плодови и овошје само
друго не знам да готвам а сама живеам, баш ми фалеше прекрасната бадникова трпеза.

 

И јас би требало од истото место да сум дека и ние за Василица ставаме паричка ама викаме комат, а не мазник. Не знам мазник како е литературно?
И немам слушнато за палачинки со лук па баш тоа сакав да прашам како се прават? И од каде потекнува тоа баш такви да се прават, дали лукот има некое значење?

Бадник: лепче со паричка
Пита со праз
Ореви, костени, суво грозје, брусница, смокви, локум

Божиќ: шишарки

 

Питулици се викаат на дијалект, реков палачинки за да ме разберат подобро сите, ама и навистина се прават слично ко палачинките, со брашно и вода во тавче кое претходно се премачкува со малку кромид. Откако ќе се направат, се попрскуваат со топла водичка, и се ставаат во тава, ред по ред питулици, и помеѓу секој ред се става сецкано лукче, ставаме некогаш и сецкан орев, за да не се осеќа лукчето.
Ова е стар адет во мојот крај, значењето би требало да биде дека мора да бидат посни за Бадник дека е строг пост и затоа со лук. Ама јас не испостив, и покрај тие со лук, јадев и со урда кои се прават на истиот начин.
А мазник мислам литературно би требало да биде вртена пита

 

Доаѓа Бадник и Божиќ почнавте ли со подготовките?Баклавата е готова,зелник се спрема,вечер колачиња ќе направам и посна сарма.Утре грав и лепче со паричка ,овошје и ореви има и со добра мисла за здравје и среќа да ги прославиме најубавите празници.