Што после дипломирање? Да се работи што било или да се чека добра прилика?

Мене и од тие огласи за плата од 200 евра ме имаат одбивано, со изговор дека сум преквалификувана за тоа работно место. Имам едно целосно CV што го праќам на огласи каде ги исполнувам условите, и едно каде бришам додипломски/постдипломски, еден куп сертификати и дипломи, па од пет страни го сведувам на две.

Мене приправнички стаж ми тече, ама барам и друга работа во меѓувреме. Да знаете само колку адвокатски приправници работат за без пари... значи не 200 евра, не патни трошоци, ништо, нула (добро, ако донесеш случај имаш одреден процент). А без тој стаж, не можеш да полагаш правосуден. Дури одиш во загуба, ама па учиш занает. Многу работи се учат во пракса, и тек тогаш сфаќаш дека и покрај високиот просек, врска си немаш. Кога ќе влезеш во тие кругови, макар и како ситна риба, гледаш како реално стојат работите. Тоа нема да го научиш од ниедна книга. Е сега, факт е дека адвокатите го злоупотребуваат условот за правосуден и тоа што професијата ни е суфицитарна, ама тука не можеме ништо да смениме. Тоа ти е струка и ако ништо друго, учиш од праксата.

Од друга страна, и тоа било што е многу дискутабилно. Зашто јас имам другарки кои напуштија работни места каде ниската плата беше најмалиот проблем.

 

Што после дипломирање? Да се работи што било или да се чека добра прилика?

Па искрено како што е моменталната ситуација во Државава,ако решиш(никого не цитирам,зборам општо)да останеш во државата поарно не чекај,не го губи времето туку распрашај се одма како се зима партиска книшка,кои се условите,кои тортури ќе те чекаат,колку плакати ќе лепиш и каде....а пред се",да си расчистиш со себеси-дека ќе бидеш послушен,достапен во секое време и ќе дишeш како они што ќе речат,едноставно да бидеш потрчко и глув на правдата!!!Така може,ма како може,посигурна ти е иднината да те пикнат во администрација,па може и по струка,ако им се бендисаш!

О Божеее ,не ми се верува до кое дереџе дојдовме!!!

 

moeto ego (pretpostavuvam) vika da cekam dodeka da najdam toa so go studirav za rabota

ali kako so odi vremevo, cela godina nema rabota posledniov mesec pocnav da gledam i nadvor od profesijata (iako seuste pribiram sho bi rabotel)

P.S. toj so ke me vraboti (pod uslov da mi se sviga rabotata) mu vlagam u partija odma, bez mislenje (ne sum u partija i nesum patriot lol)

 

Исто и мене не ми се верува, ама тоа е, ако нема човек врски, ништо не прави, а ова огласиве на нет, гола вода веќе и смешно ми стана, врска немаат, ставени колку да се види дека нешто се дешава во државава, наводно се е сјајно Кога ќе ми текне, како уствари стојат работите, смеа ме дрма ама тоа е што ќе прајме.

 

ni ednoto ni drugoto...

13 god.otkako diplomirav i den staz nemam po strukata...pocnav od dosada ,kolku da ne sedam doma da rabotam se sto ke mi se dopadne...i odis vo drug pravec...gubis kontakti od strukata,se prenasocuvas pa doagaat realni problemi-semejstvo,deca -i togas si primoran da rabotis sto ke najdes oti neli pari trebaat ..i taka eve me i po tolku godini na nesoodvetno rabotno mesto...

od druga strana ne veruvam ni deka nesto drasticno ke se promenese i ako cekav rabotno mesto po strukata...

tazno sto da recam...ugore visoko udolu dlaboko...koj znae sto e pravilno..

 

Во контекст на темава ќе Ви раскажам две интересни ситуации т.е државно vs приватно:

1. Во мојата институција во последните неколку години се менуваа волонтери кои немаа време да волонтираат повеќе од 2 - 3 месеци за плата од 4600 денари според својата професија. Последната тура ги раскинаа предвремено договорите кои ги потпишаа и заминаа пред 31.11. 2014.

Дел од нив беа неутрално, владино и опозициски определени што значи дека постоеше широк спектар на млади луѓе кои се тазе дипломирани и кои немаа никакви одговорни обврски, а влегоа без врски. На последниот состанок лично јас им велев дечки седете и онака имате специфичнии професии што не се бараат во стопанството, а со кои можете да работите единствено во државна институција и да земате просечни примања. Муабетите како:
„Јас више не работам тука за овие пари и нервози (?), “Мене повеќе ми е трошок отколку искуство“, “Јас ќе си одам во приватна фирма и ќе си заработувам повеќе со мастер“ беа дел од “изговорите“ што редовно ги слушав при секое раскинување или склучување на нов договор. Само да напоменам дека последниот случај со мастерот заврши со 11 илјади денари нето плата, три неисплатени месеци и самоиницијативен отказ.

Во меѓувреме се донесе законот за трансформација на работниот однос. Дел од волонтерите кои беа најупорни (3 на број), а волонтираа 2 ипол години за кои одговорно тврдам дека не се со владеачката партија ќе добијат решение идниот месец со плата поголема од просечната врз основа на нивното образование.

Па според тоа, реченицата “не ми се исплати“ премина во “Може да се вратам на работа бидејќи многу згрешив, а сепак ја знам работата?“

Дури и во Македонија бев сведок на феномен каде без партиска книшка ќе се вработат квалитетни луѓе во државна администрација.

2. Блиска пријателка пред две години дипломирана на еден од најретките смерови на техничките факултети по дипломирањето се “вработи“ во приватна фирма во која земаше 3 000 денари за пракса, а работеше 9 часа дневно (еден час неплатена пауза). По неколку месечна работа во која се докажа и увиде дека нема поттик за понатамошна професионална надградба и редовно вработување, даде отказ и седеше дома 2 месеци. Со второто аплицирање на оглас веднаш доби вработување во средно претпријатие со почетна плата над просечната македонска плата врз основа на искуство.

Што значи дека џабе е седењето дома и везењето дека надвор Ве чекаат пари, а дури и да е така тие не се заработуваат лесно. Секој што работел почнувајќи од келнер како студент, па практикант или волонтер според професија, освен искуство стекнал и работна навика, а тоа е нешто што не се стекнува „преку ноќ“ или со пишување бајки на форум - “ценење“, “преценување“, евалуација и слични муабети од другите што редовно ги слушате. Има шанси во животот т.н моменти кога ќе “Ви кликне“, ретки, но постојат дури и во Македонија како што е случајот со трите идни колешки кои беа упорни наспроти стотици џаболебари со нереално високи гледишта.

 

Јас викам да се работи што било и во меѓувреме да се бара и креира подобра прилика.

Ако немаш никакво искуство не си во позиција да ја одредуваш сумата на платата. Ќе си ги земеш тие 12.000 и ќе си го подвиткаш опашот. Откако веќе ќе стекнеш некакво искуство, тогаш е друг муабет, држиш некои конци во рака.

Јасно е дека не се почнува од врвот. Дури и да создадеш сопствена компанија, пак ти е потребно некое искуство за да знаеш како одат работите во пракса. Не оди тоа туку така - Имам висок просек, ништо не сум работела до сега, ама знам како беспрекорно ќе ми функционира компанијата. Аха, сигурно!

Имам уште време до дипломирање и искрено до сега не сум имала финансиска потреба да работам и студирам паралелно. Ама летово ако оди се по планот, планирам да го имам првото работно искуство, и тоа во странство. Супер ќе ми дојде платата, ама најбитно е ќе се измешам меѓу луѓе, меѓуперсонални односи, ќе научам нешто ново, ќе видам како функционира едно работно место, ќе видам дали можам да почитувам авторитет и рокови. Во никој случај не е на одмет ново работно искуство, макар и да е работа каде само ќе пополнувам фактури. Не значи дека тоа ми е целта во животот и дека засекогаш ќе останам таму.

Никогаш не би посегнала по партиска книшка. Во тоа барем сум сигурна. Филозофијата на моите е да живееме без расфрлање со пари и кога ќе дојде денот, да ме поддржат да бидам сам свој газда. Среќа што ми е опширна струката, па имам поголем избор на дејности. Здравје, има време за се.

 

@buba4e89 да не те цитирам само ќе те прашам едно прашање.
Каква врска има што некој/а работел/а како келнер додека студирал/а да речеме и после како дипломиран човек тргне да бара работа по својата струка? Еве аплицира за работно место инженер и ќе му речат што? Ќе му речат, а извини друже ти не си за тука, еве си работел као келенер враќај се на таа позиција?
Како не ти е срам да кажеш дека родителите дигале раце од децата и ги пуштале да работат како келнери? Од кај знаеш ти колку тие родители можат да му овозможат на детето? Може има некој преголема желба да се школува ама неговите родители не се финанскиски моќни да му го овозможат тоа па се снаоѓа како знае и умее. Гледам многу зборуваш за странство ама незнаеш изгледа дека во Америка се почнува да се работи уште од средно школо и да работите за средношколци се тие, деливери, келнер, хигиеничар.
Другарти што зимал 2000 евра плата во Словенија прашај го само каков е стандардот таму кога веќе си го прашала за палтата. Е само да знаеш дека ќе му дојде исто како и тука да работи за тие 20.000 денари. Вие се научивте само странските плати да ги гледате, а не ги гледате условите за живот.
Странство, странство, странство, епа оди пиј кафе во странство за 1евро, оди дреми по кафичи цел ден во сред работно време, пробај да закасниш. Плаќај 200евра кирија за стан во центар и купи леб за пола евро да те видам. Ма ни 5000 евра не те крпат во странство затоа спушти се на земја малку.

Многу е добро што си се цениш и што си ја цениш твојата професија која и да е, ама срамота е да омаловажуваш, срамота е да се правиш дека вредиш повеќе од некој/а келнер/ка или продавач/ка. Пази молим те да не ти се удри тоа од глава еден ден. Од работа нема срамота, срамота е само ова што ти го пишуваш. Дај боже да успееш во твоите цели еден ден, да си отидеш од тука и да ти се посреќи, ама за тоа треба многу поголем интелект од оној кој го покажуваш ти низ различни теми на форумов.

 

Ве читам понекои и се превртувам од смеење низ креветов. Особено девојчево што сака голема почетна плата. И дека испод чест и е да работи како келнерка. Било срамота. Еми ако ти е срам, седи си дома.
Не ти е дојден ножот до коска. Затоа пееш грчки.

Значи ситуацијата во МКД е таа. Партиска книшка или ке седиш дома. Што порано го сфатите тоа, подобро за вас. А тоа што имате факултет, извинете, не сакам да ве навредам, ама скоро и ништо да не Ви значи. И во МК, и во светот. Секаде се бара искуство. Кое се стекнува со работа. И да. Човек што сака да работи, и нема да мрчи.
Си имав една таква овде за цимерка, и било испод чест да работи овде во странција како келнерка. Ке и паднела круната. И викам сестро, за да ти падне круната, треба прво да ја имаш на главата.
Овде имам другарка, 21 година е, веќе има 5 години стаж како келнерка. Британка е, само дете, живее во најелитната населба во Лондон, а работи. Кога ја прашав зошто, ми вели, ми е срам да барам од татко ми. Ми ги плаќа студиите, доволно ми е. Ако можете вие странците да работите по 12 саати на ден, зошто не и јас. Не сум принцеза. Значи работи за минималец и не се срами од тоа.

А и во странство не се успева лесно. И јас кога бев студент, си правев филмови, вака ке е, онака ке е. Но после реалноста ме удри во глава. Прва работа, на 25 години, 2 месеци работев. Плата 10500. Видов, невидов, пат под нозе и странција. И овде работев за плата, што вие во МК ја сметате испод чест. Но после некое време, увидов дека се исплатеше. И работа, и труд, и непреспиени ноќи... Али тоа е друга приказна.

Секогаш има втора опција, и трета, па и четврта. Ако нема работа, одете во странство. На брод, Дубаи, Катар, стујардеса, секаде може со МК пасош. Таму ке земате големи плати, без трошоци плус

 

Партиска книшка ви треба само за во државните институции, да не претеруваме сега, во приватна фирма не им е гајле за вашата политичка определба.

 

Еве вака сега ќе си кажам за мене. Во изминатава недела бев на три интервјуа, сите скоро за различни позиции, но као демек барале основа од Економски факултет. На две интервјуа ме прашаа колку би сакала да земам плата, и јас за прв пат до сега кажав повисока цена од претходно. На едното интервју ме прашаа која би ми била идеална плата, нешто што досега никогаш не ме прашале. Искрено се зачудив, си одговорив и на пат накај дома си велев дека требаше да кажам и повеќе. На другото интервју ми поставија прашање дали би работела 24/7. Се напнав поради својот одговор што сериозно им се објаснував, а не ја терав на шега работата, бидејќи whatthefuck ти да работиш 24/7 робовладетел низаеден. Од секое интервју со различен впечаток си одев, сомневајќи се во своите квалитети и способности, претходно вложениот труд, дури.

Претходниот месец на едно интервју кажав дека не би работела испод 15 000. Истиот тој човек, со кого разговарав ми се јави вечерта да преговара со мене дали би прифатила да работам за 12 000, сум немала искуство и не сум заслужувала толкава плата. Извини што имам солидно мислење за себе, ама за 12 000 ќе работам во кафич без проблем и срам.

Нема зошто да се потценуваме себе, знаејќи како функционираат работните односи под ова поднебје. Ми доаѓа да аплицирам во странство, може таму ќе имам повеќе среќа. Што знам, подобро е да се прецениш и да им покажеш дека имаш високо мислење за себе, отколку да им дозволиш да те газат. Имам заклучено, во интервјуата кога те прашуваат за плата, и кога самиот ќе се ставиш во положба да бараш помалце, од старт те исклучуваат. Ставајќи ги на страна чувствата и моменталната психичка состојба како активен барател на работа, подобро е да се пренасочува таа негативна енергија во работење на себе, поставување високи цели и неотстапување од истите. Ако дозволиш дека си слаб на почетокот, нема да ја добиеш онаа можност за напредување која лажно ти ја ветуваат на почетокот.

 

Јас би работела било што освен келнерка едноставно не се гледам себеси како келнерка... Еве таткоми има фирма замјоделска во кавадарци има увоз извос фирмава е топ разработена имаме и пазар во охрид но поентата ми е што ако таткоми има кога јас ни во таа работа не се гледам е сега одам на факултет и на лето работам не кај таткоми работам во парфимерија одам на курс по шминкање и во фризерски салон и ем учам ем зимам пари...
Кога седам дома работам на др начин купувам од интернет и препродавам со мала провизија. Зборов ми беше што една познаничка што беше запознаена со работава последна што ја напоменав ми рече дека било страмота така да се зимаат пари дека сум имала пари зашо така да сум се брукала. Дека ако сум немала пари да се обратам кај моите да бидам благодарна колку ќе ми дадат толку ... Толку ме изнервира тогаш што на фин начин и одговорив. А дел од тоа што сакав да кажам остана во мене, според мене не е страмота пошо јас не работам некоја неморална работа нелии... Но добро ајде недорасната е девојката си има проблеми во животот и со самата себеси па тоа е. Според мене не е страмота да работиш било што страмота е со 25 год од твоите дома да чекаш за влошки и др работи... Плата од 12000 сепак е плата си ја сработил со своја пот со своја нервоза и ќе ја цениш... Сите се надеваме на подобро утре... Јас би била и задоволна со 12000 тоа се малку пари да но би ги испружила нозете колку ми е долга диплата ...

 

Да ви кажам мислете си што сакате и како сакате. Просто, не просто ваш проблем. Јас моето мислење си го кажав а вие одма врз мене како атомска бомба да паднала. Понатака не ме интересира.
Па секој со своето мислење и своите ставови. А каде ќе работам јас ќе дојде време ќе дознаете... Има време за се. А што се однесува до тоа кој ќе работи како келнер или не, ако вие не прифаќате туѓо мислење пак ќе кажам ако треба дома ќе седам ама како келнерка не работам. За мене тоа е ниска класа и е срамота. И крај на муабетот. Ако вас ви се чинат моите мислења прости, мене вашите ставови ми се излишни. Бидејќи не можете да правите споредба врз нешто што не го знаете.
А од зборење тоа кој колку има проблеми во животот и со самиот себе си, и кој е прав а кој неправ и вие самите сте исти. Така да, немој да збпорувате лошо за другите бидејќи никој не е цвеќе за мирисање.
А ако толку се гордеете нема да се нервирате, очигледно вас ви е срам што некој ќе ви каже така, ама кој како си е воспитан.
Пријатно.

 

Никој не работи како келнер за да си го пише тоа во CV, туку за да може да си заработи пари и да не бара од неговите за кафе на 25 години, нормално, дури не најде работа со која би заработувал повеќе.

Според мене срамота не е да служиш маси во кафич, тоа е чесна работа за која земаш пари. Срамота е да потценуваш луѓе и да очекуваш дека твоите се должни да ти плаќаат се. Дечко ми лани цело лето работеше и на крај со свои пари отиде на одмор и не бараше по дома за излегувања. Наместо да излегуваме, доаѓав со друштво во кафичот кај што работеше за да се гледаме.

За CV, додека студирам, цело време пробувам да работам било што по струка, не ми е ни гајле за парите, сакам да стекнам искуство. Не само за поголема плата, туку и за да знам што правам кога ќе треба да земам плата еден ден. Ако ми платат нешто, супер, ако не, пак одлично. Затоа што никој нема да ти дава пари, а ти тогаш да експериментираш и тогаш да се учиш. Почитувам факултетска диплома, ама скроз е различно кога ќе треба да го примениш знаењето во пракса и треба некој период за да се вклопиш. Со оглед на тоа што професијата што ја сакам (дизајн на ентериери) малку се разликува од тоа што го студирам (архитектура), уште од 18 години одам по цели лета да учам и да поработам малку за да се подготвам за денот кога ќе имам многу поголема одговорност на моите рамења. Поставувам милион прашања, фаќам белешки, цртам, барам одговори по книги и по интернет. На крај имам огромно задоволство кога ќе направам нешто мое, без разлика колку и да е мало.

И искрено, застрашувачки е да знаеш дека некој треба да ти плаќа и ти ја имаш целата одговорност и не смееш да погрешиш. Нормално дека треба да се цениш себе, ама не и да се прецениш. Колку и да си талентиран и да знаеш теорија, не можеш да бидеш вистински добар додека не поработиш малку.

 

Љуѓе што се карате. Работното искуство вреди и работата е голема животна школа. Е сега ако ве искористуваат и ви вршат мобинг немојте да трпите. Порано многу се плашев да не останам без работа, а сега тој страв го немам. За работник човек ќе излезе нешто. Таму каде што ќе се вработите купувајте знаење, не само да одите колку да ве има на број.

 

A sto rabotea tie tvoi drugari?Magistri,ministri,menadjeri?
Na niv ne im paga kapata ako se kelneri sigurno.
Ako necij roditel dozvolil deteto da mu raboti kelner spored tebe toa e nesovesen roditel a?
Tesko na roditelite cii deca polnoletni namesto da se zasramat sto ne rabotat barem posle skoluvanjeto,tuku od niv si kupuvaat karmini i si plakaat internet smetki,mudruvajki niz nego bez gram osetena teskotija vo zivotot.
Ako ti pisuvalo vo sivito deka si rabotel kelner toa bilo crna damka?..Ajde de....
Po crna damka bez den raboten vo zivotot nema.Po crna damka od osuduvanje na roditelite na vakov nacin nema.
Ako si znaela deka mozes za poveke od 12000den,zosto da si prifatila za istite? Od kade be devojce ke znaes kolku mozes koga ne si probala?
Plus toa ti mozes da si mislis deka zaes i za 100 000 ama djabe ako istoto ne go misli toj kaj koj sto ke apliciras.

 

После дипломирање јас мислам да почекаме подобра прилика, затоа што ако се вработиш, бадијала после ќе ти е мака.
Барем неколку месеци да почекаме, да најдеме подобра рбота, па ако нема, да се вработиме каде било, ако не се вработиме ќе ни е мака плата нема и што.
Тоа е според мене барем да почекаме малку па потоа ако не да се вработиме.

 

Што тоа ние не знаеме? Да не си некој скриен потомок на British royalty, па келнерите за тебе биле ниска класа.
Таа ниска класа која ти ја спомнуваш и која може не ја ни погледнуваш додека те служи со ладно макијато во Тренд, може комотно да ти плукне во кафето и да не забележиш. Чичковците од Комуналец еден ден да заборават да поминат да го соберат ѓубрето, контејнерот ќе ве преплави со гнасотии пред зграда. Чичко водоинсталатер да го мрзи денес да дојде да ви ја поправи чешмата - станот ќе ви се поплави.
Овие ниски класи на кои ти ни мрсул не би фрлила се сто пати поважни од генералниот директор на маркетиншка фирма, зашто ќе преживеам денес јас без реклама за Милка, ама нема да преживеам ако пекарите од Жито Леб не го достават својот леб до најблискиот супермаркет и ако таа на каса што работи не е таму за да ми го наплати.

Пак ќе ти речам, за мене е срамота да го помислам ова што ти го пишуваш и истото зборува за тоа колку си ТИ воспитана.

 

Смешно е кога се потценуваат професии за кои плаќаш.
Кога потценуваш луѓе, а им даваш пари за да ти завршат работа што ти сам не можеш/не знаеш да ја завршиш.

 

Јас се осеќам многу поразено и засрамено од овој твој пост, кој зрачи со интелигенција и сега ќе одам да си ги преиспитам одлуките во животот. Благодарение на тебе, се ценам повеќе и од сега не прифаќам работа што не вклучува фотеља. Се надевам дека некогаш ќе ја достигнам високата класа како тебе.