Што ручавме денес? (за деца од 1-3 години)

Појадок:ништо
Ручек:ништо
Вечера:ништо
Овошје:зошто да јаде кога има?
Ја мразам темата.
(гневна сум,ок.)

 

Д: мусли со сушено овошје
У: млеко, една смока
Р: брокула со тестенини и пилешко на хип
У: едно француско колаче
В: две палачинки со павлака и киви

 

Очекував подршка од тебе, а не пост со п/р/в. Па и Ужина..

 

Заби и искачаат. Ќе пројаде.

 

Мене ми е срам да пишам колку јаде

 

@LoveHope со ќерката исто бевме, и не отварав на темата од што се осеќав уште полошо..ако ти е утеха, мора да пројаде некогаш.

Доручек- парче фокача и една банана.
Ручек- макарони со сос
Вечера- мулти череали
Измеѓу цреши.

 

Денес:

Појадок: ѓеврече со павлака и маслинки
Ужинка: крекери, хипис од јаболко, јагода и банана
Ручек: грашок манџа со тонус лепче, малку салата од цвекло
Ужинка: квики переци
Вечера: чиа пудинг киснет во сок од портокал + пире од јаболко, цвекло и слива (ѝ се прави во фриз)

 

Д: палачинка со павлака
У: кришка со крем сир
Р: посна манџа
У: оризови галети од боровинка на хип и смока
В: мафини од тиквица со јогурт

 

Пред појадок- млеко
Појадок- јајце варено со домата и леб
Ужина-цреши
Ручек- грав со леб и салата од и краставица
Ужинка-млеко
Вечера- макарони со доматна салса и сирење
Ужинка-млеко

 

Ама кажи колку е грдо чувството? Сите пишуваат, а излегува дека на детето не му даваш да јаде. Читаш, мерак ти е за идеите ама се нервираш пошо твоето ни пола од тоа нема изедено.

 

Леле ме изнасмеа

Кај мене денес иде:
појадок од мене - не го сака
ручек од татко и - не го сака
вечера од баба - се набутала како да нема утре

Ама ако, пак си читам јас што давате за идеи, со надеж дека утре сама ќе побара доручек

 

Ама кажи шо се набутала, тоа е битното..
Појадок:тарана со зденка и кашкавал.
Ужина:малку банана, јаболко грицкаше ама го плукаше.
Ручек:јадела сарма од лозов лист, кифличка.
Ужина: јадела цреши, ќе им го испила сокот и ја плукала потоа.
Вечера:од појадокот, третина кашичка од јаболко, круша, житарки.
После тоа пред легнување: индиски ореви, бадеми, овесни снегулки, млеко, мед блендирано, потечно.

 

Море ич не прашувам што се набутала, само да се нервирам зашо јаде таму, а од мене не
Јас тоа што видов, испи 150мл млеко. Толку од мојот пост за денешното јадење...

 

Ние го намаливме млекото. Само вечерта пиеме, и ретко преку ден еднаш ако се напие.
Утре ќе правиме крвна слика контролна.

 

Исто и кај нас
2 години има. Мислев заби, периоди, мислев ќе помине, ама еве уште трае...
Еднаш нема јадено како што треба.
Сабајле и направив кајгана, плус краставици салата, маслинки и леб. Изеде 5-6 кругчиња краставички и една маслинка
После палента со кисело млеко, дури 2 лајчиња.
Па додека бев на работа баба и и давала компир манџа и пилешко. Демек јадела.
И вечерва 5 лајчиња кисело млеко со леб.
Ова е и многу. Вчера и завчера јадеше само на сабајле и толку

 

Некогаш мислев дека е до мене, викам штом не јаде сигурно не му е вкусно , сигурно не знам да ги направам како што треба. Абе тежок период ми беше а еве сега со син ми немам такви проблеми, јаде за двајца.

 

За утеха, вечерва фрлив две полни чинивчиња, едно со палента, кајсии, круша и мед. И едно со чоколино. Изеде корки леб, го испи млекото и си легна.

 

Кога им растат заби или се во некаков скок во развојот, почнуваат да изводат, да кенкаат кога гледаат дека „доаѓа време за јадење".

Проблемот некогаш е текстура на храна, промена на вкус, сеќавање дека нешто е топло или ладно.

Не се откажувајте, нудете им макар поинаков изглед на храната (некогаш исцрпува да правиш пајки и крокодили од палента, ама и тоа успева за да јаде).

Ќерка ми ќе прави 2 години во јули. Досега без исклучок одбивала да јаде онака цел ден со тегнење во ситуации кога ѝ излегувале заби. Лекот е - ладни киселкави оброци. Значи, кисело млеко, смутиња со оладено овошје, попара со лепче за да биде сито детето. Знам која нервоза е кога детето не јаде. Ќерка ми имаше фаза од три дена во кои јадеше колку да се рече. Мислев дека ќе трае со недели и се откажав од нудење со сила.
Оставав ко да е верверичка, купчиња крекери или сечени овошки низ дневна за помини замини да касне.

Кога растат и имаат надворешни сензации, стимулации и учат сѐ повеќе за светот околу нив, нормално е да не ги занима храната. Сигурно си викаат „ е што е сега ова, морам да јадам, а ме чека онде кутија со играчки што чека да биде истурена".

Сакам да кажам - проаѓа. Само смирено и со финти. Нешто ќе упали. Многу ве поздравувам. Знам дека е офтопик и долг пост, но сакав да споделам мислење и да ве охрабрам дека сите сме прошле низ фази со јадачи што станале нејадачи и обратно.

Ќерка ми јаде сама, ама јаде едвај 120 гр во просек од тоа што го јаде сама. Остатокот ѝ го давам јас, а таа веќе скока, бега од хранилка... Понекогаш самите деца ни кажуваат дека не се гладни, а ние од страв да не останат демек прегладнети, се напнуваме. Олабавете ги. Не трае вечно. Олабајте се и себе. Секако сите од нас го посакуваат најдоброто мени и здравје за своите дечиња.

 

Денес:
Појадок: крем супа од зеленчук со надробено лепче
Ужинка: переци, рака цреши
Ручек: макарони во сос од модар патлиџан и праз
Ужинка: таратур
Вечера: плазма со малини, слива и лешници

 

Д: мусли од боровинка и житарици со млеко
У: макарони со јајце и кашкавал, млеко
Р: супа од мисирка и зеленчук
У: обид за овошје ( кајсија, грозје...јок), солени стапчиња/грисинки
В: три вида житарици на хип