Сечи му ги со некои интересни форми, прај му букви и фигури од нив, имаш идеи на нет.Тоа единствено ми текнува.
Не знам колкаво ти е детето, мене кога ми беше помало рендав во палента, паста А сега скоро 3 години е, со пица само
Големава ништо од тоа не јаде, ни па јас пиев јогурт до пред некоја година а к.млеко и павлака уште неќам хаха малото пак душа дава за јогурт
Идеи за ручек за две годишно дете? Не знам ама некако ми се чини дека вртиме неколку јадења и кога нешто не и се допаѓа пак завршуваме со некоја safe опција…
На две години, не јаде вие што јадете? Мојата е 13 месеци и веќе се трудам да не готвам за неа посебно. Што јадеме ние, тоа и она. Готвиме несолено. Со тоа што кај нас вечерата е да кажам главен оброк, оти тогаш се собираме сите да јадеме, ама вечераме накај 5-6. После на пр кај 7-8 ќе и понудам некоја закуска, пред спиење ад. Само зголемив на правење нешта да имам што да понудам ако сме надвор или ако изгладне меѓувреме, да не е цело време овошје и зеленчук закуската. Па правам мафини, палачинки, кифлички замрзнувам и вадам секој ден по едно две парчиња, да имам за денот. Искрено толку многу се радувам што сите јадеме исто, и завршив со кашите и посебното спремање. И она се лути ако не јадеме од истото. Исто јадеме и ручек нешто ако останало од вчера или завчера, па така готвам еднаш до макс два пати на ден. Се препородив, инаку мислам во кујна спиев.
Јаде со нас во исто време, за ручек сите јадеме заедно ама има јадења кои пр не ги јаде како : мусака, гравче, манџи… Во повеќето случаи таа одбива да јаде од јадењето што ние го јадеме и правам нешто друго за неа… Во градинка ми кажуваат дека се јадела а дома не е така. Не знам дали сум многу толерантна и треба да поработам на тоа ама ми е жал ако одбива да јаде да не и понудам друго нешто… Дали има некој ваков проблем и како се справил? Инаку млеко не пие, цицаше до 16 месеци и после тоа не сака никакво млеко.
Млеко не мора, а за ручек.. те разбирам скроз, големава уште не јаде ние шо јадиме, за разлика од малава 15м јаде скроз исто што и ние. Мене страшно ме иритира големава и некако како расте се повеќе намирници крати од менито. Макарони без ништо јаде, шо да ти кажам, па ми вели вчера дека и нив немало да ги јаде за кратко.
Млеко секако не и треба. Мојата ќе пие доживотно, оти како бебе беше на комбинирано. Сега се две шишиња на ден, наскоро ќе пробам да скратам од сабајле. За другото, не, не ми е жал ако не јаде што е понудена. Ќе добие покасно секако друго и онака јаде помалку од 3 саати, не и давам друг избор, нема да прегладне. Ми е жал повеќе за мене што по цел ден само готвам и времето наместо да си поиграме заедно, ќе го поминам во готвење и пак нудење. Да мајка сум, ама не сум и роб. И мене не ми се вкусни многу нешта, па ги јадам. На крај краеви по стопати се јаде на ден. Да полуди човек и само за возрасни да спрема, а не и плус за дете. А јадење не сакам да фрлам, кај купувам од најскапите овошје и зеленчук, па и месо, и да го фрлам на крај не може. Нека касне три усти, ок си е. Ама друго нема, тоа е. Покасно може само од истото да ја понудам. Немајка сум . Ама сакам да ја научам да го цени јадењето, а и времето некој да зготви. Може сега не го разбира концептот, ама ќе дојде ден и ќе разбере. Штом во градинка се јаде, а дома не е оти знае дека има избор и ќе добие друго. Според мене сите навики подобро е порано да ги исправиме отколку покасно. На пример денеска имаше омлет со зеленчук. Некои од зеленчуците се уште не може да ги јаде во одредена форма. Нема проблем, не можеше брокула, не и давав, јадеше од другото и лепче. Покасно си доби ужинка и тоа е тоа. Не го изеде цело, ама јадеше вечера.
Мене откако почна во градинка не ми јаде месо освен ќофтиња, мусака, полнети пиперки (нешто со мелено). Е на гости ако отидеме јаде без проблем било какво. Си јаде доста работи инаку грав, грашок, манџи ама и јас мислам дека сѐ истите работи ги правам и ми е досадно. За млеко исто кисело млеко никако, јогурт обичен среќа пропи, грчкиот не го сака веќе. Идеа инаку: сецкаш тиквица, млад модар, обичен домат на кругчиња и ги редиш во круг едно врз друго и горе моцарела и пармезан рендано и печеш поклопено. Друга идеа: урда, јајце и малку брашно - палачинки. Киноа за нас салата со што има во фрижидер а за него некои мафини или палачинки со сварена киноа, тиквица јајце и сл.
Палента со јогурт Тарана со сиренце (обично Salakis тоа ми е помалку солено) Гриз Грчки јогурт и банана
Ништо од ова не јаде. Бисквити, чоколино, шпагети,тост со јогурт, нешто од ручекот или нешто мачкано или пак пица.
Не знам за колкаво дете се работи. Кај мене 19 месеци за вечера има : - кифлички со јогурт/таратур - проја мафини или крофнички од апарат солени, со грчки јогурт, некој зеленчук плус - омлет со лепче, сиренце - лепче со јајце пржено - од нашиот ручек ако и ние дојадуваме - тостиран леб со намаз, домат, краставица, маслинки - макарони/тарана/јуфки Бисквити, чоколино и слично одамна не е на мени за вечера.
Гриз со ад и какао Палента со јогурт Овесни снегулки со јогурт Лепче со јогурт Одамна немам дадено кус кус со моцарела со јогурт или кисело млеко Иначе мојата има 19 месеци.
Во градинка велат дека јаде, не знам ни колку јаде, па сакав малце нешто поквалитетно за вечера, да не му секој ден вака само истото.
2г и 6м Д: мала чаша домашен сок од калинка,2 филии леб со хумус У1: чиа пудинг со банана,аронија,органско какао и бадеми Р: печен лосос со зеленчук и краставички салата У2: во план овесни палачинки со путер од кикирики В: во план проја со спанаќ и кисело млеко
1г и 4 месеци Д: пржено лепче со јајце и јогурт У: сливи Р: летна манџа со сирење У2: смути В: мафини од хељда, банана и урми со грчки јогурт
