Што сè е потребно за новороденче?

Моето е родено во јуни и цело време беше со боди по кратки. За излегување од болница исто, од доле носеше боди по кратки и тенко комплетче по долги.

 

Пишав милион пати. Синко лани во најжешкото се роди. Го облекував само по шпихозни или тренерчиња и боди со долги, памучни и тенки и пуштав клима на 26.

 

И мене термин ми е тогаш и 90% од гардеробата што ја купив е по кратки. По долги земав колку да има. За од болница купив фустанче по прерамки, под него боди по кратки ракавчиња и чорапчиња.

 

Девојки ме интересира каква кадичка користите за вашите бебиња. Мислев која е најпрактична, за да земаме таква.
Гледам на интернет има и кадички до 5000 денари, анатомски, со секакви додатоци. Потребно ли е сето тоа?
И дали е попрактчино да се земе кадичка со постолје?
Ве молам напишете ги вашите искуства .

 

Јас ова го имам, најобично и не го менувам за ништо. Повеќе од две години го користиме а и бебе таму ќе го бањам. Прво се занесував, вакво, онакво но сфатив дека ова ќе ми е најпрактично.

 

Јас ја имам од чико таа со дел за пресоблекување, практична е ама рачунај можеш да го преслекуваш само до кај 2-3 месеци максимум, пошо после ептен се активни. Има и обична кадичка, таа е поголема и повеќе преткаше во неа (300ден. Беше) мое мислење ако имате простор земете од тие шкавчиња за облека што се, внатре има вградена кадичка, а згора е тоа за преслекување. Обавезно купи мрежа за на кадичката, така ќе ти е практично за капење.

 

Јас ја имам истата како на @Среќичка добра е, а слична можеш и на пластичарска да најдеш за 300 ден (и оваа не е скапа околу 600ден). Постолјето мене ми се покажа многу практично среќа што го купив. Кај мајка ми бевме на гости и кадичката ја ставав на две споени табуретки ама ниски ми беа и кичмата ме искина. Ако имаш дома кај да ја ставаш кадичката да не се наведуваш супер, ако не купи си (во Енци менци околу 1600 ден беше).

 

Јас го ставав на две споени масички од Икеа (тие најевтините) и ок ми беше. Сега второво планирам здравје на почеток дирекно под туш хаха но здравје ќе видиме.

 

@Среќичка , @Jana06 , @Bubish26 ви благодарам на советите

 

И јас имам како таа на @Среќичка и супер е. И сталакот го имам, ептен практичен е за да не се наведнуваш.
Кога падна папочето и почнав да го капам во кадичка, ставав тетра по примерот на @Jana06, но за брзо купив сунѓер, сакав да пробам. Сега како што е претопло, веднаш е сув и многу ми е практичен. Над него ставам тетра. Бебе си лежи и ужива, сунѓерот кај главата е подебел, а кај нозете е потенок. Да беше зима и тешко да се сушеше, немаше да го користам.

 

Ти благодарам @0ли , и мене некако овие кадички најмногу ми фатија око. Баш сега ги разгледував на интернет страната на енци-менци.

 

И јас ја имам таа на @Среќичка, практична ми се покажа. Сталак немам, ја ставав на две столици и тамам ми беше.

 

Јас сигурно досадна сум, никако да прекинам со моите прашања .
Морам да бидам припремена, зошто сигурно е дека порогјајот ке ми биде предвреме.
Ме интересира шишиња и цуцли, купивте пред да се породите, или чекавте педијатарот какви ке ви препорача.
Во недоумица сум дали треба да ги купиме сега или после порогјајот.
Пишете ми какви шишииња и цуцли купивте за почеток, кои се најпрактични, и кога ги купивте???

 

На авент земав пред да се пoрoдам и цуцла и шише. Еднo шише и две цуцли (така беа вo пакување) дoвoлнo за пoчетoк.

 

Само цуцла имав купено пошо ми беа слатки, на болница ме искараа оти и дадов и ги баталив, после сама не прифаќаше. Шише го имав тоа од Авент што оди заедно со мозалката, пошо и шише престанав да и давам и тоа го одби. Така да кога почнавме со цврста храна почнав да купувам шишиња. Почекај, ако си решена да цица, фрлање пари се шишињата.

 

Ја би рекла ништо да не купуваш ама имај си цуцла дома, некогаш спасува многу кога ќе се подразбуди да му ја дадеш да продолжи да спие, или ако му се цица пример јас додека да наместам перниче, да ги земам силиконските брадавици, капки да му ставам.... Ехеее процедури, па му ја ставам цуцлата да се подсмири. А шишиња ако евентуално ти требаат ќе купиш после, ако доиш ќе си земеш шише со цуцла слична на градата како Медела калма, Авент натурал и сл. Ќе ти кажат веројатно во болница.

 

Пред да се породам си купив стаклено шише Авент натурал (со цуцла како дојка)
И имав добиено гратис томи типи 2 цуцли лажливки. Тие не ми ги прифати па го пратив мм во аптека ми купи мам цуцла,ја фати од прва

 

Може ли да ми кажеш каде ги има тие шкафчиња за облека со вградена кадичка?

 

Купи си барем две шишиња да имаш и цуцли. Нека ти бидат спремни, скоро на сите на излез од болница им препорачуваат дохрана. Јас имав земено на чико од каучук шишиња и цуцли, цуцлите ги прифати али шишињата некако многу брзо течеа. Томи типи шишето како имитација за града највеќе му се погоди.
Лажливките ќе ти требаат уште за излез од болница ако почне да плаче по пат да ја дадеш.

 

Од мерак купив шишиња од Томи Типи, комплет 0+ во кој има 2 шишиња од 150 и две од 260 мл, две лажливки, две резервни цуцли за шишињата и четка за миење шишиња. Сакав да дојам и не ми беше гајле ако не ги искористам, но се погоди да морам да ги употребам од прв ден. Задоволна сум, од прва ги фати шишињата, но моево сè што ќе му дадеш во уста, го фаќа за цуцање.
Цуцла купив на излегување од болница во аптеката во Ремедика, купив две исти како таму што им даваат. Ептен ретко ја користам, но ми се наоѓа понекогаш.