Што сè е потребно за новороденче?

Постелнини и пешкири земи си 2 за да ги менуваш. За витамините и пробиотикот не брзај, ќе ти кажат во болница. Исто и силиконски брадавици, тоа може отпосле сопругот да ти донесе ако имаш потреба. Многу се 30 тетра пелени па и ако ставаш широк повој. Јас имам 20 тетра и 6 шведски дури и премногу ми се, а ставам широк повој.
Седиште за во кола не ти треба во првата година, транспортер служи за тоа.
10 бодиња 56 ти се многу. 3 50ки, 5 56ки и 5 62ки за почеток ти се сосема доволно. На долги посебно не ти требаат, тие во комплетите ќе ти завршат работа. Ракавички 1-2 пара се доста.
Имај си 2-3 пелени за покривање како ќебенца што се памучни, ќе ти се најдат за во количка, или за постилање дома на кревет ако ти притреба да легнеш бебе.
За тебе земи си и мрежасти гаќи и пижами со копчиња за доење. Лактил капсули и чај не се неопходни. Влошки за доење исто отпосле може да земеш. Јас се изнакупував а многу малку ги искористив. Пумпа би ти препорачала рачна ќе ти врши работа исто како електричната а разликата во цена е огромна. Е ако не доиш, а даваш молзено тогаш ќе ти треба електрична ама тоа отом-потом.
Пелени не купувај однапред премногу, може најмалите да ви се мали, па да ги користиш 1-2 недели.

 

пелените ти се многу. Земи едно пакување мали само. Оти не знаеш конкретната марка дали ќе му пријаат..
Освен д3+к1, се дава и омега во првите 3 месеци. Ама ако од било која причина сте на АД, К1 мислам не се даваше, така да почекај и со тоа..
Играчка за успивање е мама
Тетра пелените ти се многу. Јас ги користам за се што ќе ми истекне и често ги менувам (ставам за перење). 15тина ми се доволни а би преживејала и со 10
за пробиотик не брзај, имаш подобри а поефтини варијанти од биогајата

 

Би додала крпчиња мали за забришување јас се изнакористив такви, во Џамбо има мислам 8 во комплет беа.
Играчка музичка за успивање од тие вртелешките над кревет воопшто не ти треба, ај што не ги успива, туку и ги расонува кога почнуваат да осознаваат. Ќе си пушташ бели звуци на телефон, тоа најдобро смирува и успива

 

Тетри имам 30 и сите ги користев и уште ги користам, но и 20 можеби ќе ми беа доволно.
Аспиратор за нос ден денес не сум искористила, а стои бидејќи го купив однапред.
Пижами за доење немав, имав спаваќи со копчиња. Толку сафра ми беше, што ги мафнав и само по маица на рамки и по гаќи се шетав дома. Најлесно и за доење, вадиш града над маица и толку. Кога ќе се разбудеше особено ноќе, мака ми беше и едно копче да откопчам и да се закопчувам иако ми беа со нитни. Башка брзав да му дадам да цица веднаш, па копчиња ми пречеа.
Перница за доење користев на почетокот, но некако ме нервираше и поубаво ми беше за местење на обични перници. Како неспособна бев да се наместам со неа, не знам што ми беше

И не е баш колку и да е мало бебе дека ќе ги носи 50-те само 2-3 недели. Месец и пол ги носеше малиот и тоа зависи од бебето. Всушност бр. 50 се носат од прилика до кај 4,5 kg. Ако се роди бебе 4 kg, можеби само 1 недела ќе ги носи, а ако па се собрале во сушара, само кога ќе дојде дома ќе може да му се облечат
Од прилика на крај ќе знаете колкаво ќе се роди. Може да има мали отстапки некој грам, не може 1 kg да се утне. Може да земете малку облека бр. 50 и ќе прикупите на крај ако има потреба за уште.

 

Се мислам за таа музичка играчка а уствари лошо ми е дефинирана, сакам онаква на креветче шо се монтира и шо се врти како вртелешка со играчки шо е. Тоа мислам дека е поише за мој мерак него на беба ама ајде
Овие пробиотиците ми се пишани пошо слушав еден семинар за доење и ги кажаа таму па да не ги заборавам. Ама тоа секако нема да зимам пред време, него дур сум во болница ќе препрашам и ќе го пратам маж ми да купува.
Седиште за во кола и тоа така ми е пишано на списокот, не планирам за зимам одма, додека може ќе ја возам во транспортер па понатака ќе се купи седиште.
Марама највеќе сакам да си земам за да си го носам бебе на мене додека си фаќам нешо работа по дома и коа ќе одиме на гости кај мајка ми пошо ептен блиску живееме и нон стоп сме натака навака
Перницава за доење мене барем мислам дека ќе ми биде практична пошо како прв пат мама мислам поубаво и посигурно ќе се осеќам јас и помалце ќе ме боли грбот. Ама дали е стварно вака како шо мислам баш ќе видиме. Ако не ја искористам за доење секако ќе ни биде како преграда додека лежиме во дневна.

Тетри имам пишано толку многу зошо со мама уште сме на убедување дека барем првиот месец да не му ставаме пелени за еднократна употреба него да му ставаме тетри, како шо праеле за нас пред 30 години кога немало избор. Мајка ми вика демек мало е, да не се спури, овие се сепак памук поубаво дише кожата. А јас и викам важи може ама да доаѓаш ти да ми ги переш
Гаќи мрежести знам од тука дека во аптеката во Ремедика имало најубаво, а јас планирам таму да се пораѓам па ќе видам прво колку ќе ми дадат они од таму ако мислам дека ми се малку на излегување ќе си докупам имам една спавача за доење, се мислам дали да си земам уште една ама ја летно време спијам само по едно тенко маиче по прерамки пошо ми е склет па ќе видиме.
За пумпа фала за советот така и планирам, да си купам рачна за почеток за ако ми треба да се домолзам или за стимулација пошо имам рамни брадавки. Со Господ напред планирам да сме на ексклизивно доење ама ќе видиме како ќе биде. Дури и се мислам дали воопшто да купувам шише пред време или да почекам да видам дали ќе ми треба или не. Силиконски брадавици исто планирам да му кажам на маж ми да ми земе додека сум во болница, пошо исто знам во Ремедика давале, па ќе видам таму на лице место дали ќе ми требаат или не.

Иначе мамички за цуцли лажалки кажете ми ми треба ли од одма или можам да терам недела две па и повеќе без? И каква да земам препораки?

Иначе многу многу најмногу ви фала за советите на сите гушки и бацки од сите

 

Јас лажалка дадов после 2, 2ипол недели, секако во прво време бебето многу спиеше.
Јас имам на авент и малата одма ја прифати а во последно време читам и од мам се многу задоволни мајките.

 

@kostovaivana nema valjda da popustis za obicnite peleni mesto pampers ili kakvi i da se
I da ti gi pere majka ti zaso da si prais haos koa pelenive za ednokratna upotreba se koristat skoro 30god unazad....ima zosto tehnologijata odi napred

 

Сигурно нема. Ќе ја пратам кај докториве шо ни се пријатели да и кажат да не забегува

 

Mene i majkata i svekrvata mi se doktorki ama ne pedijatri, si ja znaat praksata od nas koga ne rastele. Se utepav od gledanje prenatalni casovi za da im kazam eve rabotite se smeneti ne e kako nas koa ste ne cuvale...prva tocka bese banjanjeto deka ne e sekoj den, pa pumpa dali trebalo....itn kojznae sto ke izleze. Na kraj ke bide ne treba da doagate da pomagate u redu e ke se snajdeme

 

@Emotional123 и најбитно, не давај пари за постелнина комплет. Ти треба само чарав со ластик, 3 се доста. Во постелнина имаш за јорган и перници не ти требаат.

 

Здраво женски,
После 15 мај ни е терминот за породување најкасно до 4ти јуни, па полека правиме список за се што ни е потребно околу бебушот, направив некој основен список па би ми било мило доколку ми дадете некој совет или критика за нешто што сум испуштила да напишам или нешто што е премногу.
Ви посакувам убав ден и ги очекувам вашите коментари.
Поздрав

 

Во нега јас би додала и топломер.

Инаку идејата на мајка ти за пелените не мислам дека е лоша, ама не од нејзината причина, туку има други позитивни страни за сметка на другите пелени и тоа не само за почеток туку за поголемиот дел од времето (некогаш кога сте на пат и сл. едноставно не е практично да се користат). Ако сакаш има видеа на YouTube можеш да видиш. Се продава комплет со непропостливи гаќички и неколку слоја пелени, што ја олеснува употребата за разлика од порано. Ова не сум сигурна за Мк. ама како инфо да го знаеш.

Јас пак сметам дека порано било подобро во многу погледи. Било понапорно ама денеска има сé во изобилие а квалитет ептен треба да бараш, за да најдеш. Не ни сакам да помислувам какви се не препарати и сл. се користат за производство дури и на бебешки производи вклучително и пелени, козметика итн.

 

Баш во тетри повеќе може да се спури и да направиш осип зошто не упиваат како памперсот Силиконски брадавки во Ремедика на Медела даваат, јас такви си земав за дома. Цуцла таму им ставаат една зелена што ја има само во аптеката во Ремедика, па на излегување од болница си купив таква. Плус две од Авент резервни имав си ги прифати убаво бебе, иако гледав најмалку што можам да ги користам. Шишенце едно со пумпата си оди заедно секако, ако ти треба уште едно, ќе си докупиш. Исто и кеси за замрзнување млеко земи си на Авент поефтини се. Мрежасти гаќи само во болница користев јас, дома почнав одма нормални гаќи да користам и ми останаа мрежастите неискористени, ама бев природно породена и не крварев многу. За царски можеби позгодно е со такви пошо се високи и за да дише раната.

 

Јас земав од локо кроко, на Кika boo, се во него ми спие, седи денски. И квалитетно е, удобно, подлогата е со мемори пена,ем навлаките се вадат, ги перам во машина. Баш сеа мислам и на попуст им се, од 2450 на 2100.

 

Мислам дека лигавчиња не ти се потребни за почеток. Некои ставаат кога ќе ставаат раце во уста и се лигават, јас на пример првпат лигавче му ставив кога почна да пробува вкусови.
Ракавици не ти се потребни 3-4 пара, еден е доста. Секако од прилика недела дена кога ќе дојдете дома се користат, после се вадат за да може да си допира и да осеќа. И да се изгребе, брзо тоа поминува, не е страшно.
Водоотпорните навлаки за душек многу потат. Еве пробај ти спиј на таков пред да ставиш за бебе. Јас као зедов за пред породување, си замислив да не ми пукне водењак во кревет и ќе го заштитувам, а и си реков ќе се најде бебе ако поврати или се помоча. Катастрофа, веднаш го тргнав и веќе не го употребив. Некои пишуваа дека под постелнината ставаат водоотпорни подлоги што се за една употреба и дека тоа е подобра опција.
Сетови за излегување од болница 4 мислам дека се многу, особено ако се сетови со сè внатре.
Волнено ќебе нема потреба за тој период од годината. Се породив почеток на мај и ниту еднаш со дебело ќебе не го покрив. Чисто за споредба ти кажувам, а гледај да не го наоблекуваш и покриваш многу бидејќи лесно може да се прегрее.
Како да не видов тетри во списокот, земи си и такви и ќе ги користиш за многу работи.
Друго не се задлабочив што е во списокот, набрзина разгледав.

 

Еве вреќичка што е поширока кај ноџињата

 

Вреќичките се широки обично кај нозете. За широчината долу мислев на оние за повивање што се за да не мрдаат со рачињата и да не се будат, тие да не се тесни долу. Такви бараа мајкиве, за повивање, за фиксирање на рачињата. Иако и рачињата треба да се слободни бидејќи сакаат да си спијат со рачињата нагоре

@Bicka77 Се убив од барање, не можам да најдам Ни по форумов кога пребарувам со лупата не можам да најдам во која тема пишав каде ги има.

 

Фала ти што побара

 

Те молам извини, баш ми е криво што не можам да се сетам