Што сè е потребно за новороденче?

Ја исчитав цела тема, баш добри списоци има, дел си ги препишав. Е сеа јас сакам да го споделам мојот список кој нормално не е комплетен, 22+3 сум, имам време да купувам, но ќе споделам што планирам и што мислам дека би ми требало. Ако мислите дека нешто ќе испуштам или ќе ставам нешто вишок слободно поправете ме. Не знам дали се од ова ќе ми треба, прв пат ќе бидам мајка. И нормално знам дека многу нешта ќе испуштам..
Па вака според мене од облека за почеток ќе ми треба :
-10 бодиња, некои на кратки некои на долги ракави, но сите да се потенки бидејќи терминот ми е крај на мај-почеток на јуни.
-неколку лигавчиња 3-4 мислам доволни би биле
-5-6 пара панталонки тенки,но долги
-10тина блузички на долги и кратки ракавчиња
-2-3 ќебенца од потенок материјал
-некое тенко памучно џемперче, мислам 2-3 би биле доволни за почеток.
-чорапчиња би ми требале повеќе но не знам, не можам да проценам колку.
-иако е лето мислам дека и тенки хулахопчиња може да се има 1 пар за секој случај
-шпихозни мислам дека би ми требале 7-8 за преку ден за по дома и навечер за спиење наместо пижами
-тетра пелени не знам колку би ми требале, не за повивање туку за се останато што читам, при доење биле корисни, за кога ќе бљуцне исто.
-некоја членка беше ми спомнала за пелена за повивање, конкретно оваа-https://www.bubamara.mk/peleni-i-ne...a-za-shiroko-povivae-polna/610733830064561073 вакви мислам дека би ми требале 5-6, не повеќе.
- ракавички за рачињата мислам дека би ми требале 3-4 пара.
-обувки мислам дека не се неопходни за почеток, но ете 1 до 2 пара може да се има колку за убаво да изгледа.
-Капчиња мислам дека би ми биле потребни 4-5

Е сега за хигиена и нега на кожа малку сум во дилема,прашував во темата соодветна за тоа, но секако ќе треба да се дополни и измени списоков
-Шампон, купка и сапунче на некој од брендовите:Hipp,мустела или Веледа
-млеко за тело имам земено од ДМ babylove ама мислам дека ќе земам нешто друго од аптека
-Чешелче мислам дека ќе треба и тоа земав од ДМ
-пелени не знам искрено, секако ќе купам 1-2 пакувања за да имам, секако знам дека ќе ги смениме, тешко е од прва да се погоди затоа не пишувам бренд.
-4 пешкирчиња,и бањарка може плус една да се има
-ноктарка или ножички за нокти исто треба, ќе се распрашам што е подобро
-стапчиња за уши бебешки обавезно
-масло некое за тело
-павловичева
-рибино масло ми имаа кажано да земам ако му зацрвени газето, не знам дали е навистина потребно
--------- има уште многу што да се додаде тука, ама не сум запознаена со тоа доволно, читав за прашок за папоче,некои производи во случај да се лупи кожата..-------

За доење и помош при доење јас издвоив многу работи, и за овие сум најмногу во дилема дали сите ќе ми требаат.
-Вештачки брадавици, планирам да земам и силиконски и од каучук по 1 пар
-Заштита за брадавици, планирам 1 да земам најмногу 2
-Пумпа за одмолзување (chicco natural feeling-ја планирам бидејќи не е прескапа,а има задоволни членки)
-Пумпа за собирање млеко (повторно на Чико, гледав на Енци Менци страната)
-Чико стерилизатор - мислам дека ќе ми биде неопходен
-2 стаклени и 2 пластични шишиња, дел да бидат со силиконска, дел со каучукова цуцла за да видиме кои ќе одговараат.
-лажалки доволни би биле 2-3 бидејќи многу бебиња не ги сакаат
-Адаптирано млеко едно пакување за секој случај мислам дека потребно е да се има

Од опрема за бебиња има многу потребни работи па ќе ги издвојам и тие кои мислам дека се важни
-количка со транспортер и корпа
-креветче со душек и перниче за бебе
-транспортно креветче
- 3-4 постелнини за почеток би биле доволни
-подлоги за преповивање не знам колку би ми требале, мислам 2-3 доволно е
-Аспиратор за носето
-термометар (се уште се двоумам каков, има од најефтини до најскапи и на различен принцип на работа)
-коритце за бањање


**** други работи кои не се толку неопходни, но можно е да затребаат
-релаксаторот мислам дека не е нешто неопходно но убаво е да се има
-столче за хранење мислам дека ќе треба откако бебето ќе порасне
-седиште за во автомобил секако дека е потребно, но го ставив овде бидејќи не мора веднаш да се купи, секако ќе се користи подоцна, кога е бебето уште мало и транспортерот ќе врши работа

За новопечените мајки, не знам се што ќе треба, но што читав по темиве ќе набројам што ми останало во сеќавање
-гаќи од оние за една употреба ( оние де што требаат за после пораѓајот)- не знам колку би ми биле потребни
-влошки или како и да се викаат оние за гради, 2 пакувања за почеток мислам треба
-градници за доење 3-4
-масло за брадавици
-купка за тело без мирис, по можност антибактериска
-дезодоранс без алуминиум и други штетни материи
-некое масло за масажа на градите, нека кажат искусните какво
-перница за доење не знам дали навистина треба, но перницата за трудници може да се искористи
-торба за мама во која ќе ги собира неопходните работи за бебето
- многу паломи за бришење солзи и трпение бидејќи сите ќе ни газат по живци тие денови


Па мислам тоа е се , не ми текнува друго ништо моментално. Ги замолувам поискусните да направат измени во мојов список бидејќи знам дека не е комплетен и не е како што треба. Она што мислите дека е непотребно слободно пишете ми да го исфрлам, ако сметате дека заборавив нешто исклучително важно слободно корегирајте ме и додајте. Ќе ми простите ако згрешив некаде, не сум упатена..

 

Јас би ти рекла дека немаш потреба од ракавички,прво премногу е топло,второ ни ортопедите не препорачуваат.И стапчиња исто така,јас не користам ни за двете мои.Со пешкирче ќе забришеш и готово.

 

Знам дека и бебињата се нервираат од нив и си ги вадат, ама викат како заштита било добро да се става ракавички за да не се гребе по лицето.

 

Во Тритекс има попуст 30-50% на голем дел од производите, прекрасни се, а сега се баш достапни

 

Немој да се лажете да купувате од Џамбо. Од искуство зборам. Катастрофа е гардеробата. На прво перење ми се уништи. И од Стружанка не сум задоволна. Ракавички носеа за да не се изгребат.

 

И да се гребне брзо им минуваат гребаниците,греота е да се вари во ракавички,сакаат да си преткаат со прстињата.

 

За да не се гребе ноктињата исечени и доволно е. Летно бебе ти е, немој ракавички да му редиш.

 

Хулахопки јас би ти рекла да не земаш. Јас купив за моево зимско бебе џабе. Такви долни како ѕиврички можеш да земеш повеќе, евтини се и практични. Ако прокисне ќе ги менуваш често. Подлоги за преповивање повеќе да имаш. Јас 4 земав не можев да ги доперам, па доземав. За сечење нокти сега ножички користам, језиво ми е ноктарица, иако имам и тоа.

 

Списоков ти е баш огромен, би намалила од секоја работа по неколку. Гледај облеката што ќе ја купиш за бебето да не е ист број, туку мешано 50, 56, 62 итн.

Исто, мислам дека за почеток не ти треба стерилизатор, пумпа за одмолзување и собирање млеко, 4 шишиња... Можеби ќе немаш проблеми со доење па нема да ти бидат потребни. Во секое време можеш да пратиш некој да ти купи доколку имаш потреба а да не ризикуваш дека си фрлила пари за џабе.

Би додала чај за доилки, ХИПП мама инстант. Се подготвува како цедевита, многу е вкусен и супер ефект има

 

Да дополнам, моето бебе се роди 3 кила и 50ките ги порасна за 1 недела. Буквално нешто не му ни облеков. Повеќе 56 и 62 користат.

 

Од која кадичка и држач за кадичка сте задоволни?

утре планирам да купам, ама не знам од каде.

 

Spisokot ti e prenatrupan i pola7 od rabotite nema da ti se potrebni.Ne ti trebaat nitu rakavici , nitu hulahopki nitu pak tollku mnogu bluzicki nitu pantaloncinja .Na pocetokot ti se potrebni poveke ednodelni spikoznicki em se poprakticni em zaradi papokot se podobri. I tie rabotite za doenje 80 posto ti se visok ne na sekoj mu se potrebni silikonski bardavici, vestacko mleko, tolku mnogu sisinja i slicno.Kupi go neophodnoto a se drugo ke dokupis spored realnite potrebi.

 

Каде можи да се најде чајот?

 

Порано го имаше во Зегин, провери дали уште го има.

 

Го има во Зегин и сега.

 

Да ве прашам вие што сте поискусни, кога бебињата ви беа 3/4 месеци, дали облеката што сте ја купиле од 3 до 6 месеци им се погодила точна или сте облекувале работи и од 6 до 9 месеци?

 

Сум облекувала и различни. Калапите не се исти, зависи од производителот.

 

Претежно поголема гардероба им облакав. Брзо ги израснуваа.

 

Зависи од производителот и од тоа како напредува бебе. Кај нас откако наполни 2 месеци нагло порасна и на 3м носеше за 6м, сега е 4м и веќе и за 6м му е кнап облеката.

 

@Fallen.Angel Бањарка за бебе не ти треба. Скроз е непрактично. Хулахопки за во јуни исто не.